Zekariya 4:6 - Mawu a Mulluku

⁶ Vano olliye aakilleella wi kimulleelle Zerubabele mawu a Apwiya awi, “Ddawoona, oneeropambana koma ohiri ni ekhoto apaalle ni masivaawo koma ni munepaaka. Mi Apwiya Amasiva Mattheene koollota.

Zekariya 4:6 ပူးပေါင်းရင်းမြစ်များ

Masalimo 33:16

Mwene khanavulluwa ekaamba ya wunnuwa wamullokwaaye wakhoto, akhoto khenavulluwa ekaamba ya waata wa masiva.

Hoseya 1:7

Koma kineerowoonihella echifundo athu a Yuda nave kineerewaavullusa ni masivaaka, mi Apwiya Mullukwiiwa,” oohikhalla ni muura, nsupada, akavalo ni oowella va akavalo.

2 Epilli 14:11

Nave Asa aakhuwella wa Apwiya Mullukwaaye wi, “Nyu Apwiya, khaavottho mmodda monga nyuwaano awi ttuunikavihera hi oofooka owana ni akhoto amasiva. Nyu Apwiya Mullukwaahu, nikavihereni vawi ninnuuroromellani. Niwiille wi niwane ni akhotwaalla mu nnddina nanyu, muhaakhullelle wi mmodda uugonjiheni.”

Yesaya 32:15

Koma Apwiya eneeronirumihella munepiiwa ovenyera oddullu nave echipululu eneerotthattuwa ellapo ya ethaya yaphaama, emata ddittheddene ddineerewimma ddeko ddinchichi.

Yesaya 30:1

Apwiya enallota wi, “Otulli wa anamwani ookiwukila mi vaweerani ddawiipangella ohiri dda mi. Enakeraatthiha echipangano yayiwayayiwa oohithwara opaalla waka nave ennavirellella ochimwa.

Numeri 27:16

“Nyu Apwiya, aneena okumi wa athu attheene, mumutthoolle muthu wi awehereke mullokoolla.

Ezara 5:2

Vano Zerubabele mwaana a Shealatiele ni Yeshuwa mwaana a Yozadaki yahaamba omakattho enyumba ya Mulluku mu Yerusalemu. Nave anamallotella a Mulluku yahaakavihera.

1 Petro 1:12

Mulluku ahuupullulla wa anamallotella yaalla wi muttekwiiwa khawaari wawi epindulevo weekhiiwa koma nyuwaano. Vawi yaallota dda ddeko ddennddo mwiiwalleenyu vano ovenyera wa murummwa ayo yavuwihalle othenga waphaama ni masiva a Munepa Waweella woorumihiwa ovenyera oddullu. Nndda tti ddeko ddawi naari angelo yaapaalla wiiwesesa.

Aefeso 6:17

Nave mwaakhelle ovullusa wonanko echipewa yawiitetezella omuruni nave mawu a Mulluku wonanko nsupada munavahiweenyu ni Munepa.

Genesis 41:16

Yosefe ahaakhulla wi, “Khe miyaano iyaayi koma Mulluku sika anaawore waattaphullella phaama amwene ddoollohanndda.”

1 Samuele 14:6

Yonatani aamulleella musombwaayoolle wi, “Hanko nillapuwe niye omisasani dda akhoto a Afilisti oohiphaddiwaalla. Apaalle Apwiya ttuunikavihera. Vawi kheyiivo yowaavaanyiha Apwiya onikavihera wi naagonjihe naari nihaatille.”

1 Samuele 17:47

Nave athu attheene etthukumannaalla eneerodduwella wi Apwiya khenavullusa ni nsupada apaalle nivaka. Apwiya sika mwaneena ekhoto nave eneerewuuvelleellani m'mattani mwahu.”

1 Mamwene 19:12

Eviralle echivomerezi, vaamora munllo koma Apwiya kheyaarimo m'munllonimmo. Oviralle munllo, vahoopa ephevo yoomaalleya.

Ezara 3:10

Vano oomakattho enyumba yamakilliiwa matthipello a enyumba ya Apwiya, allupa mukutho yaaphiya yiipaka mapallapatiiwa ewarille ddoowara ddamukutho. Nave Alevi a mu nibanja na Asafu yaaphiya yiipaka misangwa mowaatitimiha Apwiya voothwarani malangizo a Davide mwene a Aisraele.

Oollalleya 9:11

Kohoonattho vatthimva wi oopambana voothamakani khe yaayove enathamaka wunchichi, oopambana vakhotoni khe yaayove enallipa, ookhalla ni yoocha khe yaayove eri ni ezeru, eeyuuma khe yaayove edduwenlle ddinchichi nave khe yaayo enakondelliwa eri ni eruso. Attheenaayo ekari enaamorella va enthawiiwa.

Daniele 2:34

Nyu muwehaka, nlluku naakurumuwa ovenyera omwaangoni nihittannyiwe ni muthu. Nahuukutha ni onyenya manyallo a mukoko ni a ollokwaalle.

Hagai 1:1

Va nllapo nawaamba na mweeri waneetthanu ni mmodda muyakha waneepiilli wa mwene Dariusi, mawu a Apwiya yaawa wa Zerubabele mwaana a Shealatiele, oolamulella a Ayuda navettho wa Yoswa mwaana a Yehozadaki, mullupa mukutho muullupalli, oweella mwa namallotella Hagai wi,

Hagai 2:21

“Omulleelle Zerubabele oolamulella a o Yuda wi kineerotikha eddullu ni ellapo yavatthi.

Zekariya 6:12

Vano omulleelle wi, “Mi Apwiya Amasiva Mattheene kinallota wi muthu kamwaakeemoolle ooromolliwa Enthambi tti yoolla. Aneerophuwa ni wunnuwella ariiyemvo nave aneeromaka enyumbaaka.

Ezara 2:2

Yawiille nimodda ni oohoollella monga Zerubabele, Yeshuwa, Nehemiya, Seraya, Reelaya, Mordekai, Bilishani, Mishipara, Bigivai, Rehumu ni Baana.) Echiwerengero ya allopwana a Aisraele yaari,

Yesaya 34:16

Ashaashani ni weerenga mu nibukhu na Apwiya. Mwa ddoophatusiwanndda kheyiivo naari emodda enaarame mukhwiiwa. Vawi Apwiya aalamula wi ddikhallelle mwemmo nave Munepiiwa woodditthukumaniha vamodda.

Yesaya 59:19

Sika athu eneerewoova nnddina ni ntitimiho na Apwiya ovenyera wookhuma nndduwa ophiyera woovollowa nndduwa. Apwiya wonanko muhinje woothamaka wookakhiwa ni ephevo.