Zekariya 4:10 - Mawu a Mulluku

¹⁰ Ethiyo ttaani avevullalle nllapo na ddeko dding'onong'ono? Athu yamoona Zerubabele akusalle nlluku noomallihanne m'mattani mwaye eneerohakallalla.” Mungelo aakilleella wi, “Enyali dditthanu ni piilli tti miittho a Apwiya ayo enawehaweha va ellapo yavatthi ettheene.”

Zekariya 4:10 ပူးပေါင်းရင်းမြစ်များ

Yobu 8:7

Naari maambellwaawo yaari mang'onong'ono, mamallihellwaawo enaakhalle muullupalli.

2 Epilli 16:9

Miittho a Apwiya ennoona ddittheddene dda va ellapo yavatthi wooniha masiviiwa wa athu ayo enaaroromella. Nyu mookarangeyathi. Vano ekaamba ya yeella waambeella ollello munaakhallelleke owana ekhoto.”

Hagai 2:3

“Ethiyo mwa nyuwaano ookhallavo oyo oonille otitimiheya wakhalle wa enyumbeella? Munayoona mwawiidde? M'mwiitthoni khenooneya wonanko ello.

Miyambo 15:3

Miittho a Apwiya eri virive veko waawehesesa athu oonanara ni aphaama.

Yawuupullulla 5:6

Nave kaamoona mwaanaankhosa iimenlle vahoollo va mpando woomwene, aapheelliwe ni ddoophatusiwa ddookumi ddisese ni attekweene. Nave Mwaanaankhosooyo ooneya wonanko aneerewiiphiwa. Aakhalla ni manyaka matthanu ni meelli owaaka miittho matthanu ni meelli nave miitthwaayo sika minepa mitthanu ni miilli dda Mulluku ddoorumihiwa va ellapo yavatthi ettheene.

Zekariya 3:9

Vano ngoona nlluku nna kihiyalleemi vamiitthoni va Yoswa, nlluku nimodda na embali dditthanu ni piilli. Mwaneenaaka kineerogobavo mawu. Kineerovenyihavo machimo a ellapweella nllapo nimodda.

Miyambo 4:18

Koma ettilla ya athu oolungama tti wonanko owala wa ohinase nko onaanjerereya vang'ono vang'ono ophiyera otthaana.

Yesaya 66:14

Muneerohakallalla vawoonani ddenndda vawi makhuvaanyu eneerewunnuwa wonanko munyepu. Sika muneerodduwella wi mi Apwiya kinnaakavihera oorumeyellaaka nave kinnaananariwella adanaaka.”

Yesaya 66:11

Muneerewaamwa ni ovona ni mapelle a ddookhurumusa murima ddaye, muneerowamulla mukaka ni ohakallalla ni waata wa oriiheya waye.

Yawuupullulla 8:2

Nave kaawoona angelo atthanu ni eelli ayo yiimenlle vamiitthoni va Mulluku nave yaavahiwa mapallapata matthanu ni meelli.

Hoseya 6:3

Hankoni nillipihelle waadduwella Apwiya. Eneeronihokollweella wonanko waayaaka ni osa, owa wiwa onaakhalle madaliso wonanko murimu, murimwiine ntthokollapallaka oyo anoollowiha ethaya.

Luka 15:32

Sika onnaphwanella wi nihakallalle, vamachellelloni kaambiiwa mwanamunno aari wonanko ookhwa, vano tti mukumi. Aarimeella, vano oophwanyeya.’ ”

Yeremiya 16:17

Miitthwaaka ennoona makhallellwiiwa mattheene oonanara nave tti oohiipittheeya vamiitthoni vaka. Khaniivo naari nichimo nimodda nno kihinanidduwelleemi.

Ezekiele 1:14

Ddoophatusiwannddo ddaanathamakella nngu ni nngu wonanko osherima wa ettari.

Amosi 7:2

Koonilleemi wi nazombooyo oocha ddoomella ddittheddene dda mwiillaponimmo kaallota wi, “Nyu Apwiya Mulluku, pepaani khululukellani! Ethiyo athu a Yakobo enaallipihelle mwawiidde? Alliwa tti ooyeva wunchichi.”

Amosi 7:5

Vano kaallota wi, “Nyu Apwiya Mulluku, pepaani kinimuuvekani, hiyani. Ethiyo athu a Yakobo enaallipihelle mwawiidde? Alliwa tti ooyeva wunchichi.”

Masalimo 33:14

Nko enakhalliiwa va mpando woomwene, ennawoona athu ookhalla va ellapo yavatthi.

Zekariya 9:1

Alla tti mawu oovenyera wa Apwiya oohumullulla ellapo ya Hadraki ni muzinda wa Damasiko. Khe mallokove a Israele eri ayiwa komattho