Zekariya 3:9 - Mawu a Mulluku

⁹ Vano ngoona nlluku nna kihiyalleemi vamiitthoni va Yoswa, nlluku nimodda na embali dditthanu ni piilli. Mwaneenaaka kineerogobavo mawu. Kineerovenyihavo machimo a ellapweella nllapo nimodda.

Zekariya 3:9 ပူးပေါင်းရင်းမြစ်များ

Zekariya 4:10

Ethiyo ttaani avevullalle nllapo na ddeko dding'onong'ono? Athu yamoona Zerubabele akusalle nlluku noomallihanne m'mattani mwaye eneerohakallalla.” Mungelo aakilleella wi, “Enyali dditthanu ni piilli tti miittho a Apwiya ayo enawehaweha va ellapo yavatthi ettheene.”

Yeremiya 50:20

Mallapo yaayo, enthawi yeeyo yaphiya, eneerewaashaasha ddoonanara dda Israele koma khephwanyeya naari emodda. Eneerewaashaasa machimo a Yuda koma kheyaaphwanya naari vang'ono. Vawi oohalla kaahiyalleemaalle kineerewaakhululukella. Mi Apwiya koollota.”

Yawuupullulla 5:6

Nave kaamoona mwaanaankhosa iimenlle vahoollo va mpando woomwene, aapheelliwe ni ddoophatusiwa ddookumi ddisese ni attekweene. Nave Mwaanaankhosooyo ooneya wonanko aneerewiiphiwa. Aakhalla ni manyaka matthanu ni meelli owaaka miittho matthanu ni meelli nave miitthwaayo sika minepa mitthanu ni miilli dda Mulluku ddoorumihiwa va ellapo yavatthi ettheene.

Yesaya 28:16

Vano nndda sika ddinallota Apwiya Mulluku, “Ngoonani, kinnakeraatthiha nlluku mu Ziyoni wi nikhalle matthipello, naweesiwa, nlluku noopaalleya noowallamella mutengo. Nave vilembiwe wi, ‘Oororomella nllukunno khawa awulliwa muru.’

Masalimo 118:22

Nlluku nno nakhootiwe ni oomaka enyumba nenna naakhalla nlluku noopaalleya.

Aroma 9:33

nno mawu a Mulluku enallota dda nenno wi, “Kinnakeraatthiha nlluku mu Ziyoni nno ninaakwakwatuwihe athu, nlluku nno ninaakuhe. Koma oyo anamuroromella olliye khawa awullihiwa muru.”

Yeremiya 31:34

Va enthawi yeeyo khavikhallattho muthu oomuhuddiha mukhwaaye apaalle mbalaaye wi aadduwelle Apwiya. Vawi attheenaayo, anamwani ni attekweeneene, eneerokidduwella. Kineerokhululukella machimwiiwa nave ngiwa kuupuwellattho. Mi Apwiya koollota.”

Aheberi 7:27

Khanaphwanaphwana ni allupa mukutho uullupalli akhallaalla vawi khanapaallattho wi aheraatthiki mukutho nllapo ni nllapo wa machimwaaye vawaamba nave wa machimo a athu. Aaheraatthi mukutho omodda nave yooyo waari wa mallapo mattheene iiheraatthilleeye mwaneenaaye.

2 Timoteo 2:19

Koma matthipello oollipa ayo yatthipelliwe ni Mulluku khewora otikhiwa. Nave va matthipellellwaayo voolembiwa mawu awi, “Apwiya ennaadduwella ayo eri ayiwa” navettho “Arive muthu anaromolla nnddina na Apwiya ahiye ddoonanara.”

2 Akorinto 1:22

vookeraatthihani echizindikirwaaye va hiyaano navettho voohiyani Munepa Waweella m'mirimani mwahu wonanko echikole.

1 Yohane 2:2

Nave ddoonanara ddahu ddinnakhululukelliwa oweella mwa Yesu Khrisitu mwaneena nave ohiri machimwaahuve koma ni machimo a arive muthu.

2 Akorinto 3:3

Nyuwaano muri wonanko kalata oolembiwa ni Khrisitu oorumihiwa ni hiyaano. Khalembiwe ni inki apaalle owakiwa vamallukuni koma ni Munepa a Mulluku a Okumi m'mirimani dda athu.

Mitteko 4:11

Dda Yesooyo mawu a Mulluku enallota wi, ‘Nlluku nno nakhootiwe ni oomaka enyumba nenna naakhalla nlluku noopaalleya.’

Yohane 6:27

Muhiphareke mutteko wi muphwanye yoocha eyo enoonongeya koma muphareke mutteko wi muphwanye yoochave eyo enavaha okumi woohimalla. Ella sika yoocha eyo mi Mwaana a Muthu kinuuvaheemini nyuwaano kaambiiwa Mulluku, Attiitthaaka, yaakiiyaatthi echizindikiro yoosimikiza dda miyaano.”

Yohane 1:29

Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi.

Zekariya 13:1

Apwiya Amasiva Mattheene enallota wi, “Nllapo nenno nibanja na Davide vamodda ni athu a mu Yerusalemu eneerotuullelliwa neetuutu wi yeellihiwe o machimwiiwa ni ddoonanara ddiwa.

Zekariya 3:4

Vano mungelo ahaalleella akhwaaye oomuvelleella wi, “Murulleni ddoowara ddaye ddanihiryonnddo.” Vatulli viwa aamulleella Yoswa wi, “Ngoona kohuuvenyihella machimwaawo, vano kinuuwarihe ddoowara ddooreera.”

2 Epilli 16:9

Miittho a Apwiya ennoona ddittheddene dda va ellapo yavatthi wooniha masiviiwa wa athu ayo enaaroromella. Nyu mookarangeyathi. Vano ekaamba ya yeella waambeella ollello munaakhallelleke owana ekhoto.”

Eksodo 28:36

“Opangettho malluwa agolide aphaama, ogobevo wonanko echidindo mawu awi, ‘Yoovelleelliwa wa Apwiya.’

Eksodo 28:21

Malluku yaalla ekhalle khumi ni meelli moollikana ni malloko a Aisraele. Mallukwaayo egobiwe wonanko ezidindo, nirive nlluku nikhalle ni nnddina na nlloko nimodda.

Eksodo 28:11

Manddiniiwaayo waalembe mowaagobani vamallukuni meellaayo, mweeruso ya muthu oogoba malluku. Nave mallukwaayo ekhalle mu ddoohiyamo ddiwa ddagolide.

Masalimo 103:12

Mmo murekamellane wookhuma nndduwa ni woovollowa nndduwa, Tti mmo Apwiya enarekamellihiiwa machimwaahu.

1 Mamwene 1:20

Vano nyu apwiyaaka ni mwenaaka, Aisraele attheene ennuuwehani wi mwaalleelle oyo anaavollowe omwene munipuroni mwanyu.