Zekariya 3:7 - Mawu a Mulluku

⁷ “Apwiya Amasiva Mattheene eni, ‘Mwathwara ettilla ddaka ni wiiwellella malamulwaaka, muneerolamulella mu enyumbaaka nave muneerowehera mathatwaaka. Navettho kineerowaakhullellani wi mukhalle vamodda ni alla yiimenlle vamiitthoni vaka.

Zekariya 3:7 ပူးပေါင်းရင်းမြစ်များ

Genesis 26:5

Kineerewuudalisa kaambiiwa Abrahamu aakiiwellella nave aasunga mawaaka, malamulwaaka, echiweruzwaaka ni malangizwaaka.”

Mateyu 19:28

Yesu ahaalleella wi, “Ddawoona, kinimuulleellani wi mi, Mwaana a Muthu, kakeraatthi vampandonaaka wa ntitimiho mu ellapo yanaanweene, vano nyuwaanottho oohudderaaka khumi ni eelli muneerokeraatthi m'mipandoni wi muweeruze malloko khumi ni meelli a Israele.

Levitiko 8:35

Mukhalleke va mullako wa musasa wamutthukumano otthaana ni mahiiyu, mallapo matthanu ni meelli nave mweereke nnddo Apwiya yuulamulalliiwani wi muhikhwe. Ddenndda tti nnddo Apwiya ekilamulalliiwa.’ ”

Yawuupullulla 3:21

Wa ayo enaapambane, kineerowaakhullella wi elamulelle vamodda ni miyaano mu omwenaaka. Emoddamoddave yeeyo kaapambana nave vano kinnalamulella ni Attiitthaaka mu omweniiwa.

Yohane 14:2

Mpa mwa Attiitthaaka mookhalla ezipinda ddinchichi nave kinaya wawuukhozerani nipuro. Ddahaariki ddiiddo keerewuulleellani.

Luka 22:30

Vano muneerocha ni owirya ni miyaano mu omwenaaka nave muneerokeraatthi vampandoni woomwene wi muweeruze malloko khumi ni meelli a Israele.

Zekariya 6:5

Olliye aakaakhulla wi, “Ddenndda ddinattaphullella ephevo ddisese ddoovenyera vamiitthoni va Apwiya a ellapo yavatthi ettheene.”

Zekariya 4:14

Sika aallota wi, “Alla tti athu eelli ayo Mulluku aatthoollilleeye ni waazoza wi emurumeyelle olliye, Apwiya a ellapo ettheene.”

Ezekiele 48:11

Yeella ekhalle echigawo ya allupa mukutho oopatuleya, anamwani a Zadoki ayo yiiwellelle malamulwaaka voohaathwarani Aisraele mvo yahollowiiwa wonanko mmo yeerella Alevi.

1 Epilli 23:32

Mwawi eneerekowehera enyumba ya Apwiya. Nave eneerekewaakavihera anamwani a Aroni, abaliiwa vawaarumeyellani mwemmo.”

1 Mamwene 2:3

Wiiwellelleke malangizo a Apwiya Mullukwaawo, ni weeta mu ettilla ddiwa, osungeke malembiiwa, malamulwiiwa, weeruza wiwa ni omboniiwa moollikana ni mmo ddilembelliwiiwa mu malamulo a Mose wi weereke mweezeru erive ello. Mwawi ddiidda oneerekopambana nave ddineerekoweetella phaama orive weko onaayeekeewe.

Ezekiele 44:8

Munipuroni mwawi nyuwaano mupwatheke ddeko ddaka ddoopatuleya, mwaatthoollille alletwaalla wi ewehereke.’

Levitiko 10:3

Vano Mose aamulleella Aroni, “Vallethi Apwiya yaallota wi, ‘Kineerewooniha weella waka wa attheene ayo eri vakhuviru ni miyaano nave kineerotitimihiwa vamiitthoni va athu attheene’ ” Koma Aroni khaawaakhullalle.

1 Mamwene 3:14

Nave waathwaraka ettilla ddaka vawiiwellellani malangizwaaka ni malamulwaaka monga attiitthaawo Davide, kineerewuuvaha okumi woorekama.”

Yesaya 62:9

Koma nyu mwamwanlle ni omuhata, sika munaamuche buledi, muneerewaatitimiha Apwiya. Nyu mwapwatha miteekho ddampesa, ni orukulla ezipaso ddampesannddo sika munaamuwirye vinyo m'mathatoni a enyumbaaka.”

Zekariya 3:6

Vano mungelo a Apwiya aamulleella Yoswa wi,

Zekariya 6:15

Ddawoona, athu awoorekama eneeroowa wi emake enyumba ya Apwiya. Sika muneerodduwella wi Apwiya Amasiva Mattheene aakiruma wa nyuwaano. Ddenndda ddineereweereya nyuwaano mwaawiiwellellaka mwawaakuva Apwiya Mullukwaanyu.