Zekariya 3:4 - Mawu a Mulluku

⁴ Vano mungelo ahaalleella akhwaaye oomuvelleella wi, “Murulleni ddoowara ddaye ddanihiryonnddo.” Vatulli viwa aamulleella Yoswa wi, “Ngoona kohuuvenyihella machimwaawo, vano kinuuwarihe ddoowara ddooreera.”

Zekariya 3:4 ပူးပေါင်းရင်းမြစ်များ

Luka 15:22

Koma attiitthinnyaayo yaallota wa mullupa mutteko wi, ‘Akuvani mwakuse mukanjo waphaama m'muwarihe. M'muwarihettho emphete o eyaalla ni esapato omanyalloni waye.

Yesaya 61:10

Vano kineerohakallalla wunchichi mwa Apwiya, murimaaka oneerottaphuwa mwa Mullukwaaka. Vawi olliye ookiwariha ddoowara ddoovullusa ookiwariha mukanjo weechilungamo. Mi kiri wonanko ootthella oowara enduwira wonankottho ootthelliwa oowara ddooreeriha ddoowallamella mutengo.

Yawuupullulla 7:14

Kaamwaakhulla wi, “Apwiya, munadduwella tti nyuwaano.” Aakilleella wi, “Yaalla sika athu ayo yavillenlle mu ddoohoosa ddawoopiha. Yaahuwa nave yeelliha ddoowara ddiwa ni nikhame na mwaanaankhosa.

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Yesaya 43:25

Miyaano, ddawoona miyaano, tti oyo anakhululukella machimwaawo ekaamba ya ntitimiho naka nguupuwellaka machimwaawo.

1 Akorinto 6:11

Amodda a nyuwaano mwaari awi ddiidda. Koma machimwaanyu yaakhululukiwa, mwaheellihiwa nave mwaheeriwa oolungama vamiitthoni va Mulluku mwa nnddina na Apwiya Yesu Khrisitu navettho Munepa wa Mullukwaahu.

Zekariya 3:7

“Apwiya Amasiva Mattheene eni, ‘Mwathwara ettilla ddaka ni wiiwellella malamulwaaka, muneerolamulella mu enyumbaaka nave muneerowehera mathatwaaka. Navettho kineerowaakhullellani wi mukhalle vamodda ni alla yiimenlle vamiitthoni vaka.

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.

Aheberi 8:12

Kineerewaakhululukella machimwiiwa nave nguupuwellattho ddoonanara ddiwa.”

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

Zekariya 3:9

Vano ngoona nlluku nna kihiyalleemi vamiitthoni va Yoswa, nlluku nimodda na embali dditthanu ni piilli. Mwaneenaaka kineerogobavo mawu. Kineerovenyihavo machimo a ellapweella nllapo nimodda.

Masalimo 51:9

Muhinaweha machimwaaka, muvuhellelle ddoonanara ddaka.

Akolose 3:10

nave moowara makhallello anaanweene. Nyuwaano tti anaanweene, ayo Mulluku oophatusa, anavirellella wuupotokosani mwanaanweene mu maphwanaphwaniho a yeekhaaye wi mumudduwellesese olliyooyo.

Aroma 6:23

Vawi mallivello a machimo tti okhwa. Koma emphaso ya Mulluku tti okumi woohimalla mu eyaattano ni Khrisitu Yesu Apwiihu.

Aroma 3:22

Koma Mulluku annaalungamiha athu ekaamba ya echikhulupililwiiwa mwa Yesu Khrisitu. Mulluku aneera yeella wa athu attheene enakhulupilila mwa Khrisitu kaambiiwa khuwaavo ohiyana variyari va Ayuda ni athu ayo ehiri Ayuda.

Yohane 1:29

Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi.

Luka 1:19

Mungelooyo ahaakhulla wi, “Mi tti Gaburiyele, oorumeyella a Mulluku, oyo akirumalle wi kuulleelle othenga waphaamoolla.

Zekariya 3:1

M'masomphenya mamodda Apwiya yaakooniha mullupa mukutho muullupalli Yoswa iimenlle vamiitthoni va mungelo a Apwiya. Nave vakhuviru ni Yoswa vahiimella Satana, akhozekenlle omuhumullulla.

Yesaya 52:1

We Ziyoni, venya venya, llipa murima. We Yerusalemu, muzinda waweella, wara ddoowara ddawo ddaphaama, athu oohiphaddiwa ni ooripihiwa khewa evollowattho va millako ddawo.

1 Mamwene 22:19

Vano Mikaya aallota wi, “Sika iwellellani mawu a Apwiya. Mi kaawoona Apwiya ekeraatthille va mpandwiiwa woomwene ni angelo attheene yiimenlle onnattanatta ni wuunyotthoni wiwa.”

2 Samuele 12:13

Davide aallota wa Natani wi, “Kohaachimwella Apwiya.” Natani aallota wi, “Apwiya ahuukhululukellani machimwaanyu, khamukhwa.

Yawuupullulla 5:11

Kahoonattho nave kahiiwa mawu a angelo anchichi yiimenlle moowaapheella mpando woomwene, ddoophatusiwa ddookumi ddisese ni attekweenaalle. Nave vaakhalla angelo anchichi ooheerengeya.

Mateyu 22:11

“Mwenoolle aavollowa wi awoone awiithaniwaalle nave aamoona muthu mmodda oohiwara yoowara ya okwati.

Ezekiele 42:14

Allupa mukutho yavollowa m'mapuroni aweella ehikhumemo oya o nthato na otte koma ehiyekemo ddoowara nndde enawariiwa yaarumeyellaka vawi tti ddoopatuleya. Enaphwanella eware ddoowara ddimodda ehinaphiye o mapuro a athu.’ ”

Mika 7:19

Muneeroneerellattho echifundo Muneeronyingallella vatthi machimwaahu ni otathillella mu enyanja yoowallamella.

Yesaya 44:22

Kooddivenyihavo ddoolakwa ddawo wonanko murapo, machimwaawo wonanko ethapo, hokollowella wa miyaano vawi koowoopolla.”

Yeremiya 52:33

Sika Yehoyakini aarulla ddoowara ddaye ddoondende nave nllapo ni nllapo aanacha ni mwene va okumaaye muttheene.