Zekariya 3:10 - Mawu a Mulluku

¹⁰ Nllapo nenno attheenenyu muneerewiithanihana wi mwahakallallelle murendellaanyu, arive muthu ari va muteekhwaaye wampesa ni wanamukuyu. Mi Apwiya Amasiva Mattheene koollota.’ ”

Zekariya 3:10 ပူးပေါင်းရင်းမြစ်များ

1 Mamwene 4:25

Nave Ayuda ni Aisraele yaanakhalla mwamurendelle, arive muthu vatthi va muteekhwaaye wampesa ni vatthi va muteekhwaaye wanamukuyu ovenyera o Dani ophiya o Beeresheba mallapo mattheene a Solomoni.

Mika 4:4

Arive muthu anaakhalleke mwamurendelle, naari vatthi va muteekhwaaye wa mpesa ni vatthi va muteekhwaaye wanamukuyu, khaavo oyo anaawoopopiheke vawi Apwiya Amasiva Mattheene, aneena, aallota.

Zekariya 2:11

Enthawi yeeyo athu anchichi eneeroowa wa mi Apwiya, muneerotthattuwa athwaaka nave kineerokhalla variyari vanyu.” Vano muneerodduwella wi Apwiya Amasiva Mattheene sika ekirumalle.

Hoseya 2:18

Enthawi yeeyo kineerokeraatthiha echipangano ni enama ddamuhakani, epallame ddoovava, ddawaapadda wi ddaattane ni athwaaka. Vano kineerewinttaka muura, nsupada ni ezida ddakhoto ddimodda ddittheddene nave kineeroddivenyihamo mwiillaponimmo wi alliwa ekhalleke mwamurendelle.

Yesaya 36:16

Muhimwiiwellelle Hezekiya. Mwene a o Asiriya anuulamulani wi mukhumemo m'muzindanimmo nave mumugonjelle. Mweera ddiiddo arive muthu anaacheke mpesaaye ni namukuyaaye ni owirya maaddi a mu ehimaaye.

Yesaya 32:18

Athu a mi Apwiya enaakhalleke mu mizi ddamurendelle, mu enyumba ddoororomelleya ni mwawiithuuwellamo ni oohikhupanyihiha erive ello.

Yeremiya 32:15

Apwiya Amasiva Mattheene, Mulluku a Israele, ellotille wi eneerophiya enthawi mvo athu enaakullekiiwa enyumba, emata ni miteekho ddampesa mu ellapo yeella.’ ”

1 Mamwene 5:5

Sika kinapaalla kaamakelle enyumba Apwiya Mullukwaaka moollikana ni mmo yaalleellelliiwa attiitthaaka Davide wi, ‘Mwanawo oyo kinaamukeraatthiheemi va mpando woomwene munipuroni mwawo sika anaakimakelle enyumba.’