Zekariya 2:9 - Mawu a Mulluku

⁹ “Mi Apwiya kineerowuukutha athwaayo ni nnatta naka. Nave ayo yaari akaporwiiwa sika enaakhe eyuumiiwa.” Vano muneerodduwella wi Apwiya Amasiva Mattheene sika ekirumalle.

Zekariya 2:9 ပူးပေါင်းရင်းမြစ်များ

Yesaya 19:16

Nllapo nenno Aiguputo enaakhalle wonanko atthiyana. Eneerotthukumella ni woova voowoonani Apwiya Amasiva Mattheene ettaphurusaka nnatta wi yaallake.

Zekariya 6:15

Ddawoona, athu awoorekama eneeroowa wi emake enyumba ya Apwiya. Sika muneerodduwella wi Apwiya Amasiva Mattheene aakiruma wa nyuwaano. Ddenndda ddineereweereya nyuwaano mwaawiiwellellaka mwawaakuva Apwiya Mullukwaanyu.

Zekariya 4:9

“Zerubabele aamaka matthipello a enyumba yeella ni mattaaye, aneeroyimalliha ni mattaaye yaayo. Vano muneerodduwella wi Apwiya Amasiva Mattheene sika ekirumalle.

Ezekiele 39:10

Kheyaashaka ekhuni ohakani apaalle otthalla ekhuni muutthakoni. Munllwiiwa enaakharihelleke ezida ddennddo. Eneerowaakha ayo yawaakha nave eneerowiiyera ayo yawiiyera. Mi Apwiya Mulluku koollota.”

Yesaya 14:2

Athu a mitundu ddimodda eneerewaavelleella o ellapo eyo Apwiya yaavahilliiwa. Wenko athwaayo enaakhalle awaarumeyella monga akaporo, aallopwana ni aatthiyana. Aisraele eneerewaaphara okaporo athu ayo khalle yaari apwiiwa ni waalamulella ayo khalle yaahoosa.

Yesaya 11:15

Nave Apwiya eneerowelleelliha tondoro nikuttha na enyanja ya o Iguputo. Eneerottaphurusa nnatta niwa nave eneerewoopiha ephevo yooviha va muhinje wa Yufurate. Sika muhinjooyo oneerokawaneya mu asimihinje mitthanu ni miilli wi athu ellapuwe vawumma.

Yohane 16:4

Nave kohuulleellani ddenndda wi enthaweeyo yaphiya muupuwelle wi kahuulleellani. “Ngaallotille nndda vawaambeella kaambiiwa kaari vamodda ni nyuwaano.

Yohane 13:19

Kinuulleellani ddenndda ddihineereye wi ddeereya, mukhulupilile wi miyaano tti meene.

Zekariya 2:8

Vawi arive muthu anuurontthani anaronttha m'mwiitthoni mwaka.” Sika Apwiya Amasiva Mattheene aakirumiha wi kaddilleelle mitundu dda athu nnddo ddawaakhille athwiiwa wi,

Zefaniya 2:9

Sika ekaambiiwa mi Apwiya Amasiva Mattheene kinallupelleemi wi, ‘Kinimallupella vamiitthoni vaka, miyaano Mulluku Ookumi a Israele, Mowabu aneerewoonongiwa wonanko Sodomu, Amoni aneerewoonongiwa wonanko Gomora. Nipuronno ninaakhalle wonanko mapuro oomella miiwa nlliti namwiinyu, ellapo yeechipululu wa enthawi yoohimalla. Athwaaka oohalla eneerewaakha mapuro oovulluwa eneerewaakhella wi ekhalle yoohallaniiwa.’ ”

Habakuku 2:17

Ekuku weerilleewe o Lebanoni eneerowoopopiha, woononga wa enama ddamuhakani oneerewuutthukumelliha ekaamba yawi woomoriha nikhame na athu, waaweerella ekuku athu a ellapo yavatthi ni mizinda ddiwa.

Habakuku 2:8

Ekaamba yawi waawaakha athu a mitundu ddinchichi athu oohalla eneerowaakhattho ekaamba yawi woowiipha ni oweerella ekuku athu a va ellapo yavatthi ni mizinda ddiwa.

Yeremiya 28:9

Koma namallotella allotella dda murendelle nave ddeereya aallotenlleeyennddo, ddaanadduwanyeya wi tti ddawoona Apwiya sika yamurumalle.”

Yeremiya 27:7

Athu amitundu ddittheddene eneerekomurumeyella olliye, mwanaye ni edduullwaaye ophiyera ekwakhwanille enthawi yawi ellapwaaye yoonongeye. Vano athu amitundu ddinchichi ni mamwene amasiva eneerogonjiha omwenaaye.’

Yesaya 33:23

Mikwe dda ekallawa dda adanaahu ddoottaphuwa wawi khaddiwora ollipiha mulongotiiwa nave embenderiiwa khettaphuruwa. Sika ddawaakha ddahu ddineerewaata wunchichi wawi vookawanani naari oorakalla eneerototavo ello.

Yesaya 33:1

Otulli wa awoononga, we ohinoonongiweke! Otulli wa awoottottha, we ohinoottotthiweke ni arive muthu! We wahiya woononga oneerewoonongiwa nave wahiya woottottha oneerewoottotthiwa.

Yesaya 13:2

Tukhullellani muddullu embendera yeekhoto mwaango wawi see ni owiithana nave wuuvelleni matta wi evollowe va millako dda enduna.

Yesaya 10:32

Ollello adanaayo eniimelle o Nobu, eneerotikha miwono ddiwa owoopopiha athu a o Ziyoni, mwaango wa Yerusalemu.

Yesaya 48:16

Vano Waani vakhuviru, iwani nnddo kineereemi killote. Ovenyera vawaamba ngaallotille vaweella, enthawi eyo ddennddo ddeereyiiwa, miyaano sika kiri vaavo.” Sika vano Apwiya Mulluku Amasiva Mattheene aakiruma moohoollelliwa ni munepiiwa.

Zekariya 2:11

Enthawi yeeyo athu anchichi eneeroowa wa mi Apwiya, muneerotthattuwa athwaaka nave kineerokhalla variyari vanyu.” Vano muneerodduwella wi Apwiya Amasiva Mattheene sika ekirumalle.

Yesaya 4:5

Sika Apwiya eneerohuruwella mwaango muttheene wa Ziyoni ni athwiiwa ni murapo otthaana ni mwiisi owaaka munllo woowala mahiiyu.

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Yesaya 26:1

Nllapo nenno athu a mu ellapo ya Yuda eneerewiipa nchipo nawi, “Nookhalla ni muzinda wampanda, Apwiya eneeroteteza mpandiiwa.

Yesaya 33:21

Wenko Apwiya mwa ntitimiho niwa enaakhalle wonanko nipuro na mihinje ni asimihinje. Nave ekallawa ddakhoto khaddiwa ddiphiyawo naari ekallawa dduullupalli khaddiwa ddiphiyawo.

Yesaya 60:18

Eziwawa kheddiwa ddiiweyattho, ellapwaawo khewa yoonongeyattho. Kinaakhalle wonanko mpanda wawuuteteza, oneerokititimiha ekaamba yawuuvullusa.

Yesaya 60:19

Khaviwa vipaalleyattho nndduwa wi nuumolleelle otthaana apaalle mweeri wi wuumolleelle mahiiyu. Koma mi Apwiya sika kinaakhalle omolleella wawo woohimalla, miyaano Mullukwaawo sika kinaakhalle owala wawo.

Yeremiya 8:19

Ngiiwani winlla wa athwaaka ovenyera o ellapo yawoorekama wi, “Ethiyo Apwiya kheri o Ziyoni? Ethiyo mweniiwa khari wenko?” Apwiya enaakhulla wi, “Kaambiiwa tini enakillikiiwa ni mafanwiiwa navettho ni milluku ddiwa ddeelleto?”

Yowele 2:27

Vano Israele, oneerodduwella wi kiri variyari vawo, miyaano Apwiya tti Mullukwaawo khaavottho mmodda. Athwaaka khewa enyaambusiwattho.”

Zefaniya 3:15

Apwiya ahuuvenyihellani ollakiwa wanyu, aawiikarihellani adanaanyu. Apwiya, mwene a Israele, eri ni nyuwaano, khamuwa moovattho erive yoonanara.

Zekariya 9:15

Apwiya Amasiva Mattheene eneerowaakiha, alliwa eneerewaapambana ni waagonjiha adaniiwa vawaavokhani malluku, eneerowirya nikhame na adaniiwa nngu ekhuwaka wonanko emuvonille vinyo. Nikhamenno nineereweetellella wonanko na mukutho, nawiithellelliwa ni kapu va nikuwa.