Zekariya 2:7 - Mawu a Mulluku

⁷ Nyu a o Ziyoni, nyu ookhalla variyari va a Babiloni, venyani, thawani!

Zekariya 2:7 ပူးပေါင်းရင်းမြစ်များ

Yesaya 48:20

Khumani mu ellapo ya Babiloni, thawani mu ellapo ya Akaldeya. Mullalleye ni okhuwa wunchichi ophiya o makomello a ellapo yavatthi, voollotani wi, “Apwiya ennamoopolla Yakobo, oorumeyelliiwa.”

Yawuupullulla 18:4

Nave kahiiwattho mawu amodda oovenyera oddullu ellotaka wi, “Khumaniwo athwaaka, wa olliyooyo! Khamunaphwanella wi mweerekena machimwaayaayo, khamunaphwanella wi mukawanena ollakiwa wayenko!

Mitteko 2:40

Petro ahaallalleyella athwaayo ni mawu oohiyanahiyana manchichi aalleella moollipa wi, “Mwiivulluse nyookha o ollaka onawanko wa athu oonanara amuttano!”

Yeremiya 51:6

Arive muthu mwa nyuwaano athawe, avenyewo o Babiloni wi avulluse okumaaye. Muhiiphiwena nimodda aallakiwaka. Nna sika nllapo nno Apwiya enaallakiiwa ni waahokollosella ddoonanara wunchichi.

Yesaya 52:11

Khumani, khumani, venyaniwoni mwawaakuva o Babiloninko, muhittannye ello yooripihiwa! Nyu ootukhulla eziwiya ddoopatulelliwa Apwiya, khumani, ddeelliheni.

Genesis 19:17

Yaakhumihelle otte wa muzindooyo, mmodda mwa angelwaayo aallota wi, “Thamakani, muvulluse okumaanyu. Muhiwehe mutulli nave muhiimelle muntaponimmo. Thawellani omiyaangoni wi muhiiphiwe.”

Mika 4:10

Nyu athu a o Ziyoni, wuupuruwa ni wiipullella wonanko mutthiyana va enthawaaye yooyara. Vawi vano muneerovenyamo m'muzindanimmo wi mwakhalle m'mawaani. Muneeroya o Babiloni wuukaporoni komave muneerovullusiwawo vawi Apwiya eneerowoopollani wa adanaanyu.

Yeremiya 51:45

Nyu athwaaka, khumanimoni mu Babiloni! Vullusani okumaanyu o osha murima wawoopiha wa Apwiya!

Yeremiya 50:8

“Muthawe o Babiloninko, muvenyewo o ellapo yeeyo, mwaambe okhumawo nyuwaano wonanko anankhoro vahoollo va eziweto.

Yesaya 52:2

We Yerusalemu oophariwa ittatthe nthupi, venya, Nyu oomakiwa a o Ziyoni, phaddani onyolo munikohini mwanyu.

Numeri 16:34

Aisraele ayo yaari vakhuviru yaathawa, ewiiwalle athwaayo yinllaka. Yaallota wi, “Hankoni nithawe wi naheenettho ethayeella ehinimirye.”

Numeri 16:26

Mose ahaalleella athu a m'mullokonimmo wi, “Pepaani venyanivoni va misasa dda athu oonanaraalla nave muhinattannya erive ellwiiwa wi muhiiphelliwe nimodda ekaamba ya machimwiiwa.”

Yesaya 47:1

Apwiya enallota wi, “We namwalli, Babiloni, kittha okeraatthi vanthupini. We namwalli, Babiloni, keraatthi vatthi voohikhalla mpando woomwene, vawi kheyuuromollattho awoollowa ni ooreera.