Zekariya 2:13 - Mawu a Mulluku

¹³ Nyu athu attheene, erani ellapo tuu vamiitthoni va Apwiya ekaamba yawi aavenya ni okhuma o nipuroni niwa naweella.

Zekariya 2:13 ပူးပေါင်းရင်းမြစ်များ

Habakuku 2:20

Koma Apwiya eri mu enyumbiiwa yaweella, ellapo yavatthi ettheene yeere ellapo tuu vamiitthoni viwa.

Zefaniya 1:7

Khurumuwani vamiitthoni va Apwiya Mulluku! Nllapo na Apwiya nohaatamella. Apwiya aakhoza mukutho nave ahaapatula khalle awiithaniwa.

Masalimo 68:5

Attiitthiiwa a akhwaadduni, aweeruza aphaama a anaamukhwelle, tti Mulluku oyo anakhalla onipuroni naaye naweella.

Zefaniya 3:8

Apwiya enallota wi “Ekaamba ya yeella kitiyereni, mutiyere nllapo nno kinaawiipeemini mullatu vawi kooganiza ddootthukumaniha mitundu dda athu ni moomweniiwa mattheene wi kiwoonihelle onanariwa waka, yiiwe ovoreya wa owallaaka. Ellapo ettheene yavatthi eneeroosha ni munllo wa osha murima waka.”

Masalimo 78:65

Voomallihella Apwiya yakhanlle wonanko enimavenya wene omakonello, wonanko muthu amasiva anakhuwa ekaamba ya vinyo.

Aroma 9:20

Koma nyuwaano ttaani, asinnaka ni arokoraka wi mumuhumullulle Mulluku? Muno khonamukoha muthu oyo awoopille wi, “Kaambiiwa tini wakoopilleewe mwawi ddiidda?”

Yesaya 51:9

Nyu Apwiya, venyani, venyani, llipani murima! Venyani wonanko mu mallapo akhalle, enthawi ya mibado ddakhalle. Ethiyo khe nyuwaano mwamuphanddephanndde Rahabu oyo ahomille enama yawoopiha ya mu enyanja?

Masalimo 46:10

“Khurumuwani, dduwellani wi miyaano tti Mulluku. Mitundu dda athu ddinnakititimiha, a ellapo yavatthi ennakititimiha.”

Masalimo 11:4

Apwiya eri mu enyumbiiwa yaweella, mpando woomwene wa Apwiya ori oddullu. Miitthwiiwa ennamoona arive muthu, ennadduwella nnddo eneeriiwa.

Deuteronomo 26:15

Ovenyera oddullunko onipuruni nanyu naweella, muwehe vatthi waweella nave mwaadalise athwaanyu Aisraele. Mudalisettho ellapo ella yooddalla ni mukaka ni enwi munivahilleenyu moollikana ni mmo mwallupenlleenyu makhollwaahu.’ ”

Aroma 3:19

Vano ninnadduwella wi erive ello m'malamuloni mmo enallota dda ayo enalamuliwa ni malamulwaayo wi athu ehikhalle ni mawu oothawellavo nave wi ellapo yavatthi ettheene yeeruziwe ni Mulluku.

Yeremiya 25:30

“Vano we Yeremiya, llotella mowaahumullulla wi, ‘Apwiya eneerothuruma oddullu, mawiiwa eneerewiiweya wonanko ogugudeya wa murimu woovenyera o nipuro niwa naweella. Apwiya eneerothuruma moowella waasimwella athwiiwa eneerokhuwa wunchichi wonanko athu oovota mpesa voollipanani ni athu attheene a va ellapo yavatthi.

Yesaya 63:15

Nyu Apwiya oddullunko, o nipuro nanyu naweella ni nantitimiho, nooneni. Ethiyo opwatha wanyu ni masivaanyu ddiri wuuwi? Moohiya onoonihella echikondaanyu ni echifundwaanyu.

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Yesaya 57:5

Munallapella mafano va miteekho dda muthundu, vatthi va orive muteekho wa enthambi ddoorapa. Munnaavelleella aniinyu monga mukutho m'mataponi, m'mittharini dda m'mallukuni.

2 Epilli 30:27

Vano allupa mukutho ni Alevi yahiimella yahaadalisa athu nave mawiiwa yahiiweya, mavekellwiiwa yaaphiya o nipuro naweella na Mulluku oddullu.

Yesaya 41:1

Mulluku anallota wi, “Nyu ellapo mukhwipi mwa enyanja, Erani ellapo tuu wi mukiiwesese, athu a mitundu ddittheddene ekhalle ni masiva anaanweene, waakhullelleni wi ellote, hankoni nitthukumane vamodda wi eneeruze.

Deuteronomo 18:21

“Apaalle ttuukoha wi, ‘Ethiyo ttuudduwella mwawiidde wi mawu a namallotelloolla khenavenyera wa Apwiya?’

Deuteronomo 18:22

Muthu allotella mu nnddina na Apwiya nave ddaaheereya, vaavo dduwellani wi mawaayo khenavenyera wa Apwiya. Namallotella yooyo anallotella dda m'muruni mwaye nave muhimoove.”

Yesaya 14:2

Athu a mitundu ddimodda eneerewaavelleella o ellapo eyo Apwiya yaavahilliiwa. Wenko athwaayo enaakhalle awaarumeyella monga akaporo, aallopwana ni aatthiyana. Aisraele eneerewaaphara okaporo athu ayo khalle yaari apwiiwa ni waalamulella ayo khalle yaahoosa.

Yesaya 19:16

Nllapo nenno Aiguputo enaakhalle wonanko atthiyana. Eneerotthukumella ni woova voowoonani Apwiya Amasiva Mattheene ettaphurusaka nnatta wi yaallake.

Zefaniya 2:9

Sika ekaambiiwa mi Apwiya Amasiva Mattheene kinallupelleemi wi, ‘Kinimallupella vamiitthoni vaka, miyaano Mulluku Ookumi a Israele, Mowabu aneerewoonongiwa wonanko Sodomu, Amoni aneerewoonongiwa wonanko Gomora. Nipuronno ninaakhalle wonanko mapuro oomella miiwa nlliti namwiinyu, ellapo yeechipululu wa enthawi yoohimalla. Athwaaka oohalla eneerewaakha mapuro oovulluwa eneerewaakhella wi ekhalle yoohallaniiwa.’ ”

Zekariya 4:9

“Zerubabele aamaka matthipello a enyumba yeella ni mattaaye, aneeroyimalliha ni mattaaye yaayo. Vano muneerodduwella wi Apwiya Amasiva Mattheene sika ekirumalle.

Zekariya 6:15

Ddawoona, athu awoorekama eneeroowa wi emake enyumba ya Apwiya. Sika muneerodduwella wi Apwiya Amasiva Mattheene aakiruma wa nyuwaano. Ddenndda ddineereweereya nyuwaano mwaawiiwellellaka mwawaakuva Apwiya Mullukwaanyu.