Zekariya 2:12 - Mawu a Mulluku

¹² Apwiya eneeromukusattho Yuda wi akhalle yoohallaniiwa mu ellapo yoopatuleya nave Yerusalemu akhalle muzindiiwa wa vamurimani.

Zekariya 2:12 ပူးပေါင်းရင်းမြစ်များ

Zekariya 1:17

“Ollalleyettho wi Apwiya Amasiva Mattheene eni, ‘Mu mizinda ddaka muneerokhallattho eyuuma yinchichi. Kineeromukhurumusa murima Ziyoni nave kineeromutthattusattho Yerusalemu muzindaaka wavamurimani.’ ”

Deuteronomo 32:9

Koma yoohallaniiwa ya Apwiya tti athwiiwa, edduullu dda Yakobo sika yoohallaniiwa yoopatuleya.”

Yeremiya 10:16

Koma Mulluku a Yakobo khari wonanko mafanwaalla, olliye sika oophatusa a ddittheddene. Israele tti mutundu wa yoohallanaaye, nnddina niwa tti Apwiya Amasiva Mattheene.

Masalimo 33:12

Woodalisiwa tti mutundu oyo Mullukwiiwa tti Apwiya, athu ayo Apwiya yaatthoonlliiwa wi tti yoohallaniiwa.

Yeremiya 51:19

Koma Mulluku a Yakobo khari wonanko mafanwaalla, olliye sika oophatusa a ddittheddene. Israele tti mutundu wa yoohallanaaye, nnddina niwa tti Apwiya Amasiva Mattheene. Apwiya enallota wi,

Yesaya 41:9

Kuukusalle ovenyera omamallihello wa ellapo yavatthi, kaawiithana ovenyera o makona awoorekama a ellapo. Kahuulleella wi, ‘We tti oorumiwaaka, kahuutthoolla ngaawukhootille.’

Masalimo 135:4

Ahiitthoollella Yakobo wi akhalle ayiwa, Israele wi akhalle yoohallaniiwa.

Masalimo 82:8

Nyu Mulluku, venyani, eruzani ellapo yavatthi, vawi mitundu dda athu ddittheddene tti ddaanyu.

2 Epilli 6:6

Koma vano kimutthoollille Yerusalemu okhalla nipuro nawi ekillapellekemo nave kimutthoollille Davide wi aalamulelle Aisraele athwaaka.’ ”

Masalimo 132:13

Apwiya aamutthoolla Ziyoni, enapaallesesa wi akhalle nipuro niwa nookhallamo.

Masalimo 132:14

Yaallota wi, “Nenna sika nipuro naka nawiithuuwellamo wa enthawi yoohimalla, kinaakhalle weewuno kaambiiwa koopaallesesawo.

Yesaya 14:1

Apwiya eneereweerella echifundo nibanja na Yakobo, eneerewaatthoollattho Aisraele ni owaakhullella wi ekhallettho mu ellapwiiwa. Athu ayo ehiri Aisraele eneerokhalla nimodda ni ollundellelleyana ni nibanja na Yakobo.

Zekariya 3:2

Mungelo a Apwiya aamulleella Satana wi, “We Satana, ddawoona, Apwiya yuuhumullulle! Apwiya ayo yamutthoollille Yerusalemu yuuhumullullesese. Ethiyo muthu khari wonanko ekhuni yoothumulliwa viikho?”

Deuteronomo 32:10

“Aaphwanyille muchipululuni, ohakani woohikhalla ello. Ahaateteza nave ahaapwatha, wonanko mmo aneerelleeye ni niittho naye,

Estere 6:13

Wenko aamulleella mwaariye Zereshi ni akhwaaye attheene, ddittheddene nnddo ddamweereyelle. Sika akhwaaye eezeru ni mwaariye yamulleella wi, “Mohaambathi ogonja vamiitthoni va Mordekai. Vano vawi olliyoolle tti Muyuda, kheyiivo munaapambaneenyu. Moohikayika, muneerogonja ddawoona, vamiitthoni vaye.”

Masalimo 105:15

Yaallota wi, “Muhaattannye oozoziwaaka,* muhiweerelle yoonanara anamallotellaaka.”

Yesaya 17:14

Va enthawi ya misikuwa, ngoonani ddawoopiha! Koma ohinase attheene ennathiima vawi mmu sika ddinaaweereyelliiwa athu ayo enanaakha ddeko. Olla sika otulli wa athu ooniiyera.

Yeremiya 30:16

Koma attheene yawoonongilleni, kineerowoonongattho alliwaayo. Attheene awuuhoosani eneerophariwa okaporo. Attheene awaakha ddeko ddanyu alliwattho eneerewaakhiwa. Attheene awuumallihani, alliwattho eneeromallihiwa.