Zekariya 14:6 - Mawu a Mulluku

⁶ Nllapo nenno khoriirya apaalle khokhalla nakhuttu.

Zekariya 14:6 ပူးပေါင်းရင်းမြစ်များ

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

2 Petro 1:19

Sika ekaamba ya yeella ninnasimikiza wi othenga woollalleyiwa ni anamallotella tti wawoona. Mwathwara yoolla muneereweera phaama kaambiiwa tti wonanko enyali yoomolleella mu nipuro na epiphi ophiyera ohinase etheneeri ya thanda yawala m'mirimani mwanyu.

Yohane 12:46

Mi tti owala wawiille mu ellapo yavatthi wi arive muthu anakhulupilila mwa miyaano ahikhalle mu epiphi.

Masalimo 112:4

Naari enthawi ya epiphi, muthu oolungama aneeta moowala, kaambiiwa tti ooreera murima, eechifundo ni awoona.

Yawuupullulla 11:3

Kineerewaarumiha ambonaaka eelli ewanre eziguduli nave eneerollotella wa mallapo 1, 260.”

Yohane 1:5

Nave owalanko onnamolleella mwiipiphini nave epipheeyo khenathiimiha owalanko.

Hoseya 6:3

Hankoni nillipihelle waadduwella Apwiya. Eneeronihokollweella wonanko waayaaka ni osa, owa wiwa onaakhalle madaliso wonanko murimu, murimwiine ntthokollapallaka oyo anoollowiha ethaya.

Yeremiya 4:23

Kaaweha va ellapo yavatthi, yaari yoohikhalla ni erive ello. Kaaweha muddullu, khemwaari erive yoowala.

Yesaya 50:10

Ttaani mwa nyuwaano anawoova Apwiya, aniiwellella mawu a oorumeyelliiwa? Arive muthu aweeta mwiipiphini oohikhalla ni yoomumolleella, aroromelle nnddina na Apwiya, ahameelle va Mullukwaaye.

Yesaya 13:10

Vawi etheneeri ddittheddene ddooddullu khaddiwala. Nndduwa nineeroripa vookhumani nave mweeri khowala.

Mitteko 2:16

Ddineereyanndda sika ddallotelliwe ni namallotella Yowele wi,

Mitteko 2:19

Kineerewooniha ddoottikhiniha, oddullu ni ellapo yavatthi, nikhame, munllo ni mwiisi woottikana.

Yesaya 24:23

Mweeri oneeronyaalla nave nndduwa nineerowulliwa muru vawi Apwiya Amasiva Mattheene enaakhalle mwene. Eneerolamulella va mwaango wa Ziyoni ni o Yerusalemu nave eneerewooniha ntitimiho niwa vamiitthoni va attekweeniiwa.

Ezekiele 32:7

Kineerowoononga, kineerohuruwella oddullu nave kineeroripiha etheneeri. Kineerohuruwella nndduwa ni murapo nave mweeri khowa owala.

Ezekiele 32:8

Kineerothiimiha ddoowala ddittheddene ddamuddullu nave kineerowiiha epiphi mwiillaponi mwawo. Mi Apwiya Mulluku koollota.’

Yowele 2:30

“Kineerewooniha ddoottikhiniha, oddullu ni ellapo yavatthi, nikhame, munllo ni mwiisi woottikana.

Yowele 2:31

Nndduwa nineerothiima, mweeri oneerofiira wonanko nikhame nihinaphiye nllapo nuullupalli ni nawoopiha na Apwiya.

Yowele 2:2

Tti nllapo neepiphi ni neethakaraka, nllapo namirapo ddoottikana. Mulloko wa amasiva, tti wonanko epiphi ehuruwelle miyaango, khonooneyekevo waambeella khalle nave khowa wooneya.