Zekariya 14:20 - Mawu a Mulluku

²⁰ Nllapo nenno va mabelo oowara akavalo akhoto vineerolembiwa mawu awi, “Oopatulelliwa wa Apwiya.” Nave epalli dda o enyumba ya Apwiya ddinaakhalle ddoopatuleya wonanko embale dda vanikuwani.

Zekariya 14:20 ပူးပေါင်းရင်းမြစ်များ

Eksodo 39:30

Nave yaapanga malluwa agolide aphaama wunchichi. Navettho yaagoba wonanko echidindo mawu awi, “Yoovelleelliwa wa Apwiya.”

1 Petro 2:5

Waani wonanko malluku ookumi wi nyuwaano mupharihiwe mutteko voomakani enyumba ya Munepa, nko munaarumeyelleke wonanko allupa mukutho aweella oheraatthi wa Mulluku mukutho wa Munepa ni wawaakhelliwa oweella mwa Yesu Khrisitu.

Yesaya 23:18

Koma mphurweene ni mallivellweene ddinaavelleelliwe wa Apwiya. Kheddisungiwa apaalle ohiyiwa koma ddinaavelleelliwe wa oorumeyella a Apwiya wi ekulle ddoocha ddinchichi ni ddoowara ddooreera.

Levitiko 8:9

Aamuwariha enduwira omuruni. Owiitthoni wa enduwireeyo aahiyawo malluwa a golide wi ekhalle echizindikiro ya opatuleya. Sika Mose aheera ddittheddene moollikana ni mmo Apwiya yamulamulalliiwa.

Zekariya 9:15

Apwiya Amasiva Mattheene eneerowaakiha, alliwa eneerewaapambana ni waagonjiha adaniiwa vawaavokhani malluku, eneerowirya nikhame na adaniiwa nngu ekhuwaka wonanko emuvonille vinyo. Nikhamenno nineereweetellella wonanko na mukutho, nawiithellelliwa ni kapu va nikuwa.

Numeri 7:19

Avelleellille embale emodda ya siliva yoollemella nikilogaramu nimodda ni hafu, mwanambale emodda ya siliva yoollemella magaramu 800 moollikana ni yoolingella yoopatuleya. Piillinndda ddaari ddooddalla ni othu waphaama woottakanyihera ni makhura, mukutho wa othu.

Numeri 7:13

Avelleellille embale emodda ya siliva yoollemella nikilogaramu nimodda ni hafu, mwanambale mmodda a siliva oollemella magaramu 800 moollikana ni yoolingella yoopatuleya. Piillinndda ddaari ddooddalla ni othu waphaama woottakanyihera ni makhura, mukutho wa othu.

Numeri 4:14

Ehiyevo ezipangizo ddittheddene dda vanikuwani, ezipangizo ddoovallella munllo, mafoloko, mafosholo ni mabeseni, nikhulle mi ezipangizo ddittheddene dda vanikuwanimvo. Va ddittheddenennddo yakhuneellevo ni mattapara awoollowa nave ehereremo ekopo ddiwa.

Numeri 4:7

Nave vatebuloni a buledi oopatuleya yaannddellellevo ekuwo yabululu, ehiyevo embale ddiwa, ebakuli, mino, mabeseni oopaalleya va mikutho dda ddoowirya nave buledi oyo anaakhalleke vaavo enthawi ettheene.

Levitiko 6:28

Vano apwese epalli aapeyilleeyemo enameeyo. Koma aapeya musupuliyani ahuwe nave attulluse ni maaddi.

Eksodo 37:16

Aapangattho eziwiya dda vatebuloni monga embale, ebakuli, mino ni mabeseni oopaalleya va ddoovelleella dda ddoowirya. Ddittheddenenndda ddaari dda golide aphaama wunchichi.

Yawuupullulla 20:6

Oodalisiwa ni aweella tti athu ayo enaavenyihiwena va ovenya wawaambanko wa ookhwa. Okhwa waneepiilli khowinnattho masiva va alliwaalla vawi enaakhalle allupa mukutho a Mulluku ni a Khrisitu nave eneerolamulella vamodda ni olliye wa miyakha 1,000.

Yawuupullulla 5:10

Mwaaweeriha wi ekhalle omwene wa allupa mukutho oorumeyella Mullukwaahu, nave eneerolamulella ellapo yavatthi.”

Yawuupullulla 1:6

Nave aaneeriha wi nikhalle omwene wa allupa mukutho oomurumeyella Mulluku Attiitthinnya. Wa Yesu Khrisitu okhalle ntitimiho ni masiva wa enthawi yoohimalla! Amen.

1 Petro 4:11

Arive muthu anallalleya, allalleyeke othenga wa Mulluku, arive muthu anarumeyella, arumeyelleke ni masiva oovenyera wa Mulluku wi mu ddeko ddittheddene ntitimiho niyeeke wa Mulluku oweella mwa Yesu Khrisitu. Wa olliye okhalle ntitimiho ni masiva wa enthawi yoohimalla. Amen.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Akolose 3:17

Vano erive ello muneereenyu apaalle munalloteenyu enaphwanella yeeriwe mu nnddina na Apwiya Yesu, mwaamuthokozaka Mulluku Attiitthaanyu oweella mwa olliyooyo.

Mitteko 15:9

Mulluku khananihiyaniha hiyaano ni alliwaayo, ahaakhululukella machimwiiwa kaambiiwa yaakhulupilila.

Mitteko 11:9

Mawaalle yahiiweya wiilli ellotiwaka wi, ‘Oheereke yoonanara eyo yeellihiwe ni Mulluku.’

Mitteko 10:28

Allota wi, “Nyu nyookha munnadduwella phaama wi Muyuda khanaakhullelliwa ni malamulwaaye oweetella apaalle waattana ni athu ayo ehiri Ayuda. Koma Mulluku ookooniha miyaano wi kihimweere arive muthu oonanara apaalle ooheellihiwa.

Mitteko 10:15

Mawaalle yahiiweya wiilli ellotiwaka wi, “Oheereke yoonanara eyo yeellihiwe ni Mulluku.”

Luka 11:41

Koma mwaavaheke oohoowa nnddo ddiri muwari mwa makapu ni embale ddanyu sika makapwaanyu mattheene ni embale ddanyu ddittheddene ddineerokhalla ddaweella vamiitthoni va Mulluku.

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Zefaniya 2:11

Vano Apwiya eneerowoopopiha, eneerewoononga milluku ddittheddene dda va ellapo yavatthi. Sika athu attheene eneerewaallapella Apwiya, arive muthu vanipuroni vaye, orive mutundu wa athu o ellapwiiwa.

Obadiya 1:17

“Koma va mwaango wa Ziyoni amodda eneerothawellawo nave onaakhalle nipuro naweella. Athu a Yakobo eneerokhalla ni ellapo wi ekhalle yoohallaniiwa

Masalimo 110:3

Athwaawo eneerewiivelleella mwa opaalla wiwa va nllapo nno onaawooniheewe masivaawo vamwaangoni waweella. Asombwaawo eneeroowa wa weyaano mwawaata wonanko nikame ohinase.

2 Epilli 4:8

Aapangattho matebulo khumi aahiya mu enyumbeeyo, matthanu omwera matthanu ompoto. Nave aapanga asimabeseni agolide 100.

1 Samuele 2:14

Aanayivollochiha efolokweelle mwiipallini mulle muri enameelle. Nnddo ddinaahomiwe ni efolokweelle, mullupa mukutho aanaddikusa ddikhalla ddaaye. Yaaneera emoddamoddave yeeyo wa Aisraele attheene yawa o Shilo.

Eksodo 25:29

Apange embale, ebakuli, mino ni mabeseni oopaalleya va ddoovelleella dda ddoowirya. Ddittheddenenndda ddikhalle dda golide aphaama wunchichi.

Yesaya 52:1

We Ziyoni, venya venya, llipa murima. We Yerusalemu, muzinda waweella, wara ddoowara ddawo ddaphaama, athu oohiphaddiwa ni ooripihiwa khewa evollowattho va millako ddawo.

Yeremiya 31:40

Ntapo nittheene mmo yatathillelliiwa mitembo ni ntuura navettho emata ddittheddene waambeella o muhinje wa Kidroni ophiya o Ekona ya Kavalo wookhuma nndduwa, ddittheddenennddo ddinaakhalle ddoopatuleya vamiitthoni va Apwiya nave khowa okumulliwattho apaalle woonongiwa.”

Ezekiele 45:1

“Yaakawiwaka ellapo wi nirive nlloko naakhelle yoohallaniiwa, echigawo emodda eyipatuleke wi ekhalle ya Apwiya. Orekama wiwa okhalle makilomita khumi ni meelli ni hafu nave okhuveya wiwa okhalle makilomita khumi. Nipuro nittheenenno nikhalle noopatuleya.

Zekariya 14:19

Nngu sika onaakhalle ollaka wa Aiguputo navettho orive mutundu wa athu wooheerana Ehakallallo ya Misasa.

1 Mamwene 7:50

Ddoothiimihella enyali, mabeseni, embale ddawoosellamo lubani* navettho eziwaya ddoovallella munllo ddaari ddagolide aphaama. Nave aapangiha ddoomakella machiwi a enyumba ya Apwiya, machiwi a muwari oovollowella o nipuro naweellesesa ni machiwi oovollowella o enyumba ya Apwiya, ddittheddenennddo ddaari ddoohuruwelliwa ni golide.

Zekariya 8:3

Mi Apwiya Amasiva Mattheene kineerohokollweella o Ziyoni nave kinaakhalleke o Yerusalemu, muzindaaka waweella. Sika Yerusalemu aneeroromolliwa Muzinda Woororomelleya. Mwaango wa mi Apwiya Amasiva Mattheene oneeroromolliwa Mwaango Waweella.