Zekariya 14:2 - Mawu a Mulluku

² Apwiya eneerewaatthukumaniha athu a mitundu ddittheddene wi emuhelle ekhoto Yerusalemu. Eneerewaakha muzindooyo ni opwaramwasa enyumba ddittheddene nave atthiyana eneeropharelliwa. Hafu a athu a m'muzindanimmo eneeropharelliwa wuukaporoni koma oohalla attheene a m'muzindanimmo khevenyihiwamo.

Zekariya 14:2 ပူးပေါင်းရင်းမြစ်များ

Yesaya 13:16

Aniiwa awaamwa eneeronyenyiwa alliwa yoonaka, ddeko dda mpa mwiwa ddineerewaakhiwa nave awariwa eneeropharelliwa.

Mariko 13:14

“Vano muneerewoona ‘Yoonanara Yawoononga’ yiimenlle mu nipuro noohiphwanella wi yimellevo (Oyo aneerenga mawaalla iiwesese ottaphullella wiwa.) Vano ayo eri o Yudeya ethawelle omiyaangoni.

Mateyu 22:7

Mwenoolle aasha murima wunchichi, sika ahaaruma akhotwaaye wi yawiiphe awiiphaalle ni woosa muzindiiwa.

Amosi 7:17

“Vano Apwiya enallota wi, ‘Mwaariyo aneerotthattuwa ooraruwa m'muzindanimmu. Anaawo aallopwana ni aatthiyana eneerokhwa ni nsupada. Ellapwaawo eneeroyikawakawa, waakawella athu amodda, weyaano onaakhwelle mu ellapo yooripihiwa, Aisraele eneeropharelliwa wuukaporoni woorekamella ni owaniwa.’ ”

Yowele 3:2

Kineerotthukumaniha mitundu ddittheddene ni oddiwaana ohito wa ntapo na Yehoshafati. Wenko kineeroweeruza ekaamba ya nnddo yaweerelliiwa Aisraele, athwaaka ni yoohallanaaka vawi ahaapallallesella mu ellapo ddiwa ddittheddene nave ayikawakawa ellapwaaka.

Yesaya 5:26

Apwiya eneerewiimesa embendera wiithana mutundu wa athu oovenyera woorekama. Eneerowiithana athwaayo ni mutturu wi ewe ovenyera woomallihella wa ellapo yavatthi ettheene nave alliwa eneeroowa moothamaka wunchichi.

Luka 2:1

Mallapo yaayo Kaisara* Augusto, mwene a o Roma, aalamulella wi mu ellapwaaye ettheene athu elembiwe.

Mariko 13:19

Kaambiiwa, ddoohoosa ddinaawe mallapo yaayo, ddinaakhalle ddawi khaddineereyeke ovenyera mvo Mulluku aphatusalleeye ellapo ophiyera ollello nave khaddiwa ddeereyattho ddoophwanaphwana ni ddenndda.

Maliro 1:10

Adani yaamwaakha eyuumaaye ettheene, munipuroni mwaye mwaweella mwaavollowa athu a mitundu ddimodda, ayo nyu Apwiya mwaahiihalleenyu ovollowa m'mutthukumanwaanyu.

Yeremiya 34:1

Mawu a Apwiya yaawa wa Yeremiya mvo Nebukadinezara mwene a o Babiloni ni mullokwaaye wakhoto, moomwene mattheene a va ellapo yavatthi ayo aalamuleeye ni athu a mitundu ddittheddene yamuhenlliiwa ekhoto Yerusalemu ni mizinda ddaye ddawaapheella.

Yesaya 65:18

Koma nyu khallani oohakallalla ni oothapella wa enthawi yoohimalla ekaamba ya nnddo kinaddiphatuseemi. Vawi ngoonani, kinamuphatusa Yerusalemu anaanweene ooddalla ni othapella nave athwaaye enaakhalle oohakallalla.

Yeremiya 21:4

“Mwamulleelle Zedekiya wi Apwiya Mulluku a Israele anallota wi, ‘Kineerowaakhani ezida ddakhoto ddiri m'mattani mwanyu munawaneenyuna ekhoto ni mwene a o Babiloni ni akhotwaaye ayo ewaaphenlleni ni misasa ddakhoto. Kineerodduukellella ezida dda akhotwaanyu muwari mwa muzindoolla.

Ezekiele 5:8

Ella sika ekaambiiwa mi Apwiya Mulluku kinuuvaanyiheemini. Kineerewuullakani athu a mitundu ddimodda yoonaka.

Yowele 3:9

“Llalleyani wa athu a mitundu ddittheddene wi, ‘Khozekellani ekhoto, wiithaneni akhotwaanyu amasiva, atthukumaniheni athu akhoto attheene wi yaatamelle, alleelleni wi esusellewo.

Zekariya 12:2

“Kineeromutthattusa Yerusalemu akhalle wonanko kapu a vinyo oyo anaalezelihe mitundu ddittheddene dda athu ddoomwaapheella. Yuda aneerohelliwattho ekhoto vamodda ni Yerusalemu.

Zekariya 12:3

Nllapo nenno kineeromutthattusa Yerusalemu nlluku noollemella wunchichi wa mitundu ddittheddene dda athu. Attheene enaaheye otukhulla nineerewaavoreya wunchichi nave mitundu ddittheddene dda va ellapo yavatthi ddineerotthukumana vamodda wi ddillipanena.

Zekariya 12:9

Nllapo nenno kineerewoononga athu mitundu ddittheddene ddoopaalla ohella ekhoto Yerusalemu.

Yesaya 4:3

Vano oohalla o Ziyoni, ootthoolliwa ni Mulluku wi ekhalle ni okumi o Yerusalemu, eneeroromolliwa oopatuleya.