Zekariya 14:17 - Mawu a Mulluku

¹⁷ Mutundu mmodda wakhoota oyaawo wi wamullapelle mwene, Apwiya Amasiva Mattheene murimu kharupaka variyari viwa.

Zekariya 14:17 ပူးပေါင်းရင်းမြစ်များ

Yeremiya 14:4

Vatthi vookhalla mitthari vawi khewuri murimu, Oollima ennawulliwa muru, aawaaramella vatthi.

Yesaya 60:12

Koma ellapo ni moomwene ayo ehinuurumeyella eneerotthollowa, athu a mitundu ddenndda eneerewoonongeya.

Yawuupullulla 11:6

Aakhalla ni olamulello wommaka murimu wi ahirupe va enthawi enallotelliiwa. Aakhallattho ni olamulello wootthattusella aneetuutu amaaddi okhalla nikhame. Aakhallattho ni olamulello woowiiha millilli ddoohiyanahiyana va ellapo yavatthi enthawi enapaalliiwa.

Yakobo 5:17

Namallotella Eliya aari muthu wonanko hiyaano nave aavekella moollipiha wi murimu ahirupe nave murimooyo khaarupalle va miyakha miraru ni hafu.

Deuteronomo 11:17

kaambiiwa Apwiya eneerewuushellani murima, eneerowiimanani murimu nave ethaya eneerewumma sika khamuhataka ddeko. Nave muneerewoonongeya mwawaakuva mwiillaponi yamukaka ni enwi eyo Apwiya enuuvahiiwani.

Zekariya 14:16

Vatulli viwa athu attheene oohalla a mitundu nndde ddawana ni Yerusalemu eneerekowa vamuyakhani omullapella mwene Apwiya Amasiva Mattheene navettho eneerekeweera Ehakallallo Ya Misasa.

Amosi 3:2

“Mwa mitundu ddittheddene dda va ellapo yavatthi tti nyeeneve kinuudduwelleemini ni wuupwathani, sika kineerewuullakani wunchichi ekaamba ya machimwaanyu mattheene.”

Yeremiya 14:22

Variyari va milluku ddawoottha dda mitundu ddimodda, ethiyo ookhallavo mulluku mmodda oowora omurupiha murimu? Ethiyo oddullu vaweekhiiwa onnamurupiha murimu? Otiyerella wahu ori mwa nyuwaano Apwiya Mullukwaahu ekaambiiwa tti nyuwaano muneera ddenndda.

2 Epilli 6:26

“Oddullu wawalleya, murimu ahirupa kaambiiwa athwaanyu ahuuchimwellani nave yavekella va enyumbaanyu, elapa mu nnddina nanyu ni orukunuwa murima vawaallakani nyuwaano,

1 Mamwene 17:1

Namallotella Eliya Mutishibe a o Giliyadi aamulleella Ahabu wi, “Kinimallupella vamiitthoni va Apwiya Mulluku a Israele oyo kinamurumeyelleemi wi khavikhalla nikame naari murimu miyakha ddenndda ophiyera killotille.”

Genesis 28:14

Edduullu ddawonnddo ddineerewaata wonanko nthupi na va ellapo yavatthi. Ddineeropallalleyella o ezigawo ddittheddene, woovollowa nndduwa, wookhuma nndduwa, ompoto ni omwera. Nave mitundu ddittheddene dda va ellapo yavatthi ddineerodalisiwa oyeella mwa weyaano ni edduullu ddawo.

Genesis 12:3

Kineerewaadalisa attheene enuudalisa weyaano, koma kineeromutembelela arive muthu anuutembelela weyaano. Oweella mwa weyaano mitundu ddittheddene dda va ellapo yavatthi ddineerodalisiwa.”

Genesis 10:32

Attheenaalla sika malloko a edduullu dda Nowa voothwarani oyariwa wiwa ni mitundu ddiwa. Nndda sika mitundu ddittheddene dda va ellapo yavatthi ddakhumalle mwa malloko a Nowa eviralle echigumula.

Yeremiya 10:25

Owallaanyu okharelle mitundu nnddo ddihinuudduwellani, athu ayo ehinatitimiha nnddina nanyu. Alliwa yaawiipha athwaanyu, yahaatthollosa oohimuhiya naari mmodda, ellapwiiwa yaayitthattusa ntepe.

Yesaya 45:23

Killupenlle mu nnddina naakave, eyanwaaka ellotille ddawoona, mawu oohisintheya awi, ‘Nirive nikuttha nineerokikokhorella, athu attheene eneerollupella vooromollani nnddina naka.’

Yesaya 5:6

Kineeroyitthattusa emateeyo ntthalla, enaakhalle yoohiphadderiwa ni yoohikoholliwa nave muneeromella kakande ni miiwa ddimodda. Kineerolamulellattho mirapo wi ddihimurupihe murimu.

2 Epilli 7:13

Katiyella oddullu ni ommaka murimu wi ahirupe apaalle karumiha nazombe wi oononge mmiddo wa va ellapo yavatthi apaallettho karumiha mullilli variyari va athwaaka

1 Mamwene 8:35

“Oddullu wawalleya, murimu ahirupa kaambiiwa athwaanyu ahuuchimwellani nave yavekella va enyumbaanyu, elapa mu nnddina nanyu ni orukunuwa murima vawaallakani nyuwaano,

Yesaya 18:7

Va enthawi yeeyo, athu eneerowaana ddoovelleella ddiwa wa Apwiya Amasiva Mattheene. Alla enaakhalle athu oorekama ni awoollowa mwiilli nave awooviwa ni athu avakhuviru ni awoorekama, mutundu wamasiva ni woogonjiha mitundu ddimodda, athu ayo ellapwiiwa tti yookawaneya ni mihinje. Ddoovelleellanndda eneerowaana o mwaango wa Ziyoni, nipuro na nnddina na Apwiya Amasiva Mattheene.

Yeremiya 14:3

Eeyuuma ennaaruma allupa muttekwiiwa wi yarike maaddi, ennaphiya wiihimeni koma khewuri maaddi, sika ennahokollowa ni mino muhiri ello. Ennawulliwa muru nave ahiimella muru, ennawaramella vatthi.

Zekariya 14:9

Apwiya eneerokhalla mwene a ellapo yavatthi ettheene. Nllapo nenno Apwiya enaallapelliweke ni odduwelliwa ni athu attheene ni nnddina nimoddave.