Zekariya 14:11 - Mawu a Mulluku

¹¹ Athu eneerokhalla o Yerusalemu mwamurendelle vawi khewa yoopopihiwattho ni woonongiwa.

Zekariya 14:11 ပူးပေါင်းရင်းမြစ်များ

Yawuupullulla 22:3

M'muzindanimmo khamukhalla ello yootembeleliwa ni Mulluku. Mpando woomwene wa Mulluku owaaka wa mwaanaankhosa oneerokhalla m'muzindanimmo nave oorumeyellaaye eneeromullapella olliye.

Amosi 9:15

Kineerewaallattho mwiillaponi mwiwa khaavo anawaatulle mu ellapo eyo kinawaavaheemi.” Mi Apwiya Mullukwaanyu, koollota.

Yawuupullulla 21:4

Olliye aneerewaavutta miitthori m'miitthoni mwiwa. Khowattho okhalla okhwa winlla wiiwa ovoreya naari ekutho. Ddeko ddakhalle ddoovira.”

Zekariya 8:8

Kineerewaahokollosa wi yakhallettho o Yerusalemu. Sika eneerokhalla athwaaka nave kineerokhalla Mullukwiiwa, moororomelleya ni moolungama.”

Zekariya 8:4

Allopwana ni atthiyana awuulluvalla, aweeta ni mutooto ekaamba yawuulluvalla, eneereweetattho mu misewu dda mu Yerusalemu. Mi Apwiya Amasiva Mattheene koollota.

Zekariya 2:4

Awaamboolle aallota ni mukhwaaye wi, “Akuva, mulleelle musombwe akusalle mukwe woolingella wi muneerokhalla athu anchichi ni eziweto ddinchichi mu Yerusalemu mwawi khavipaalleya omaka mpanda.”

Yowele 3:20

Koma Yuda aneerokhalliwa wa enthawi yoohimalla, Yerusalemu khawa amalla athu o mibado ddittheddene.

Yowele 3:17

Vano we Israele, oneerodduwella wi, mi tti Apwiya Mullukwaawo oyo kinakhalla o Ziyoni, mwaangwaaka waweella. Yerusalemu anaakhalle oopatuleya, adani khewa emugonjihattho.

Ezekiele 37:26

Kineerokeraatthihana echipangano yamurendelle. Echipangano yeella eneerokhalla yayiwa wa enthawi yoohimalla. Kineerewaakeraatthiha ni Waaruuwiha nave kineerohiya enyumbaaka variyari viwa wa enthawi yoohimalla.

Yeremiya 31:40

Ntapo nittheene mmo yatathillelliiwa mitembo ni ntuura navettho emata ddittheddene waambeella o muhinje wa Kidroni ophiya o Ekona ya Kavalo wookhuma nndduwa, ddittheddenennddo ddinaakhalle ddoopatuleya vamiitthoni va Apwiya nave khowa okumulliwattho apaalle woonongiwa.”

Yesaya 66:22

“Wonanko mmo ellapo yavatthi yanaanweene ni ellapo yooddullu yanaanweene nnddo kinaddiphatuseemi ddinaakhalle wa enthawi yoohimalla vamiitthoni vaka emoddamoddave yeeyo edduullu ddanyu ni nnddina nanyu ddineerokhallavove.

Yesaya 60:18

Eziwawa kheddiwa ddiiweyattho, ellapwaawo khewa yoonongeyattho. Kinaakhalle wonanko mpanda wawuuteteza, oneerokititimiha ekaamba yawuuvullusa.

Yesaya 26:1

Nllapo nenno athu a mu ellapo ya Yuda eneerewiipa nchipo nawi, “Nookhalla ni muzinda wampanda, Apwiya eneeroteteza mpandiiwa.

Numeri 21:3

Apwiya yahiiwa mawu a Aisraelaayo nave yahaavelleella Akanani m'mattani mwiwa. Aisraele yaawoononga Akanani ni mizinda ddiwa ddene. Sika nipuronno yaaniromolla wi Horoma.

Yeremiya 32:37

“Mi kineerewaatthukumaniha athwaalla ovenyera o ellapo ddittheddene kawiikarelleemiwo kishille murima navettho kinanariwalle wunchichi. Kineerewaahokollosellattho o nipuro nenna nave eneerokhalla wuno ni murendelle muttheene.

Zekariya 8:13

Nyu mabanja a Yuda ni Israele, khalle mwaari echizindikiro ya matembelelo variyari va mitundu ddimodda dda athu. Koma vano kineerewuuvullusani wi mukhalle echizindikiro ya madaliso. Muhoove, llipani murima.”

Deuteronomo 33:28

Sika Aisraele eri vamurendelleni, edduullu dda Yakobo ddookeraattheya mwiillaponi, mmo muhinamalla tirigu ni vinyo, mmo muhinamwara nikame nooddullu.

Zekariya 12:6

“Nllapo nenno oohoollella a Yuda kineerewaatthattusa wonanko ninkhalla noottotthowa variyari va ekhuni, wonanko mutthiko wookhara variyari va mitolo dda tirigu. Eneerewoosa mitundu dda athu ddittheddene ddoowaapheella, onnattanatta ni wuunyotthoni koma athu a o Yerusalemu enaakhalleve mwamurendelle m'muzindani mwiwa.