Zekariya 14:10 - Mawu a Mulluku

¹⁰ Ellapo ettheene eneeromwaramwariwa phaama ovenyera o Geba ophiya o Rimoni, omwera wa Yerusalemu. Koma Yerusalemu aneerowellihiwa va nipuro naye ovenyera o mullako wa Benjamini ophiya o nipuro nko waari Mullako Wawaamba, ophiya o mullako wa Ekona navettho ovenyera o nttattha na Hananele ophiya o nipuro noovotella mpesa wa mwene.

Zekariya 14:10 ပူးပေါင်းရင်းမြစ်များ

Zekariya 12:6

“Nllapo nenno oohoollella a Yuda kineerewaatthattusa wonanko ninkhalla noottotthowa variyari va ekhuni, wonanko mutthiko wookhara variyari va mitolo dda tirigu. Eneerewoosa mitundu dda athu ddittheddene ddoowaapheella, onnattanatta ni wuunyotthoni koma athu a o Yerusalemu enaakhalleve mwamurendelle m'muzindani mwiwa.

Yoswa 15:32

Lebaoti, Shilihimu, Aini ni Rimoni. Mizinda ddittheddene vamodda ddaari 29 ni matawoni oowaapheella.

Yeremiya 37:13

Aphiyalleeye va mullako wa Benjamini, mulonda mmodda nnddina naye Iriya mwaana a Shelemiya mwaana a Hananiya, aamuphara Yeremiya nave allota wi, “Wethi onathawella wa Ababiloni!”

Yeremiya 30:18

Apwiya enallota wi, “Kineerohokollosellattho nibanja na Yakobo o ellapwiiwa, kineerewooniha echikondaaka omapuronaaye mattheene. Muzinda wa Yerusalemu oneeromakiwattho va ntepe nakhalle enyumba yoomwene eneeromakiwattho vanipuroni viwa.

1 Mamwene 15:22

Vano mwene Asa aawiithana athu attheene a o Yuda, oohimuhiyavo naari muthu mmodda wi yakavihere otukhulla malluku ni miteekho nnddo Baasha amakelleeyena muzinda wa Rama. Nave Asa aapharihella mutteko ddeko ddenndda voomakellani mipanda m'mizindani dda Geba ni Mizipa. Geba waari muzinda wa mu echigawo ya Benjamini.

Zekariya 2:4

Awaamboolle aallota ni mukhwaaye wi, “Akuva, mulleelle musombwe akusalle mukwe woolingella wi muneerokhalla athu anchichi ni eziweto ddinchichi mu Yerusalemu mwawi khavipaalleya omaka mpanda.”

Yeremiya 38:7

Vano Ebedemeleki, Mukushi mmodda oohulliwa,* mullupa mutteko o enyumba yoomwene, ahiiwa wi Yeremiya aamuvokhella mwiihimeni. Enthawi yeeyo mwene ari o mullako wa Benjamini.

Nehemiya 3:1

Vano Eliyashibu mullupa mukutho muullupalli ni allupa mukutho akhwaaye yahaamba omakattho mullako wa Enkhosa. Yaawupatula nave yaapangellavo machiwiiwa. Yaayimakattho esiri eyipatula ophiya o nttattha na Handredi eya yaphiya o nttattha na Hananele.

Oweeruza 20:47

Koma athu 600 sika yathawenlle mu echipululu ya nlluku na Rimoni, enakhalla onllukuni na Rimoninko miyeri misese.

Oweeruza 20:45

Athu ayo yahanlle yaarukunuwa ethawella mu echipululu ya nlluku na Rimoni. Mwa alliwaayo athu 5,000 yahiiphiwa m'misewuni dduullupalli. Yaawiikarihave Abinjaminaayo ophiya o Gidomu, ewiiphattho amodda 2,000.

Amosi 9:11

Apwiya enallota wi, “Enthawi yeeyo kineerohokollosella omwene wa Davide oyo wakumuwalle wonanko enyumba. Kineeropotokosattho esiri ddiwa ddookumuwa ni omakattho matepiiwa, kineerewuuhokollosellattho mwakhalle.

Yesaya 10:29

Evirelle va mpata nave ekonne mahiiyu o Geba. Athu a o muzinda wa Rama aatthukumella nave a o Gibea, muzinda wa Saulo, aathawa.

Yesaya 2:2

Va mallapo a muhoollo mwaango wa enyumba ya Apwiya oneerotthattusiwa woorekamesesa okhwaranya miyaango ddittheddene. Mitundu ddittheddene dda athu ddineerothamakella omwaangoninko.

Nehemiya 12:39

Nave naweellettho omwaako wa mullako wa Efuremu, va Mullako Wakhalle, va Mullako wa Ehomba, va nttattha na Hananele ni nttattha na Handredi ophiya o Mullako wa Enkhosa nave voomallihellani nahiimella va Mullako wa Alonda.

2 Epilli 25:23

Vano Yowashi mwene a o Israele aamuphara Amaziya mwene a o Yuda mwaana a Yowashi mwaana a Ahaziya o Beteshemeshi amuyaana o Yerusalemu. Nave Yowashi aakumulla mpanda wa Yerusalemu mamita 200 ovenyera va mullako wa Efuremu ophiyera va mullako wa Vakona.

1 Epilli 6:77

Mabanja oohalla a Amerari a nlloko na Zebuloni yakawelliiwa mizinda dda Rimono ni Tabori ni mapurwiiwa mattheene oochihellamo eziweto.

1 Epilli 4:32

Nave mizinda ddiwa dditthanu ddimodda ddaari Etamu, Aini, Rimoni, Tokeni, Ashani

Oweeruza 21:13

Vano athu yatthukumannaayo yaarumiha othenga wa Abenjamini ayo yaari o nlluku na o Rimoni waalleella wi ekhoto yoomalla.

Yoswa 21:17

Nave ovenyera mu nlloko na Benjamini ddaari Gibiyoni ni mapuro oochihellamo eziweto, Geba ni mapuro oochihellamo eziweto,

2 Mamwene 14:13

Vano Yowashi mwene a o Israele aamuphara Amaziya mwene a o Yuda mwaana a Yowashi mwaana a Ahaziya o Beteshemeshi amuyaana o Yerusalemu. Nave Yowashi aakumulla mpanda wa Yerusalemu mamita 200 ovenyera va mullako wa Efuremu ophiyera va mullako wa Vakona.

Yeremiya 20:2

Vano Pashuri aalamula wi athu emuukuthe Yeremiya nave emuhiye mundendeni Mullako Wavaddullu wa Benjamini o enyumba ya Apwiya.

2 Epilli 26:9

Aamaka mattattha mu Yerusalemu o mullako wa Vakona, mullako wa Ntapo ni va Ekona nave aaddillipiha.

Mika 4:1

Va mallapo a muhoollo mwaango wa enyumba ya Apwiya oneerotthattusiwa woorekamesesa okhwaranya miyaango ddittheddene. Athu ddineerothamakella omwaangoninko,

Zekariya 8:3

Mi Apwiya Amasiva Mattheene kineerohokollweella o Ziyoni nave kinaakhalleke o Yerusalemu, muzindaaka waweella. Sika Yerusalemu aneeroromolliwa Muzinda Woororomelleya. Mwaango wa mi Apwiya Amasiva Mattheene oneeroromolliwa Mwaango Waweella.