Zekariya 13:9 - Mawu a Mulluku

⁹ Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Zekariya 13:9 ပူးပေါင်းရင်းမြစ်များ

Masalimo 50:15

Muvekelle wa miyaano va nllapo na ddookatamiha, miyaano kineerewuuvullusani nave muneerokititimiha.”

Mitteko 2:21

Vano attheene ayo enaawiithane mu nnddina na Apwiya eneerovullusiwa.’ ”

Yesaya 48:10

Kaaweelliha koma ohiri wonanko siliva, kaaweesa mu eng'anjo ya ddoohoosa.

Masalimo 91:15

Akiithana, kineeromwaakhulla, kineerokhalla ni olliye enthawi ya ddoohoosa, kineeromwaakiha ni omuvaha olemu.

Yawuupullulla 21:7

Enaapambanaayo eneerewaakhella yeella ovenyera wa miyaano, kineerokhalla Mullukwiiwa nave eneerokhalla anaaka.

1 Petro 4:12

Akhwaaka ookondiwa, muhittikhineke ni ohoosiwa woovoreya nko muneesiweenyuna wonanko tti ello yeelleto eneereya wa nyuwaano.

Yeremiya 30:22

Sika nyu muneerokhalla athwaaka, mi kineerokhalla Mullukwaanyu. Mi Apwiya koollota.”

Yesaya 43:2

Voollapuwani enyanja kineerokhalla ni weyaano, voovirani m'muhinjeni khokwekweresiwa. Vaweetani vamunlloni khosha, mallumi amunllo kheyuushellelliha.

Yakobo 1:12

Oodalisiwa tti yaayo enavillella vaweesiwani kaambiiwa yapambana weesiwanko, eneerewaakhella emphaso yookumi eyo Mulluku alonjezilleeye wa athu oomukonda.

Zekariya 10:6

“Nibanja na Yuda kineeronillipiha, edduullu dda Israele kineeroddaakiha. Athwaayo kineerewaahokollosella owaniwa kaambiiwa kooweerella echifundo. Sika enaakhalle wonanko ngaatathinlle vawi mi tti Apwiya Mullukwiiwa, kineerowaakhulla ddooveka ddiwa.

Aheberi 8:10

Vano ella sika echipangano kineereemi kikeraatthihe ni Aisraele m'mallaponi enawaayo, enallota tti Apwiya. Kineerewiiyaatthi malamulwaaka m'maganizoni mwiwa ni waalemba m'murimani mwiwa. Kineerokhalla Mullukwiiwa, nave alliwa eneerokhalla athwaaka.

Yobu 23:10

Koma annadduwella meetellwaaka, kineerokhalla wonanko golide akeesa.

Zekariya 8:8

Kineerewaahokollosa wi yakhallettho o Yerusalemu. Sika eneerokhalla athwaaka nave kineerokhalla Mullukwiiwa, moororomelleya ni moolungama.”

Yeremiya 31:33

Koma echipangano eyo kakeraatthihalleemi ni Aisraele attheene emanlle mallapo yaayo tti yawi kineerohiya malamulwaaka mwa alliwa nave kinaalembe m'murimani mwiwa. Vano miyaano kinaakhalle Mullukwiiwa nave alliwa enaakhalle athwaaka.

Yesaya 58:9

Mwaavekellaka kineerekowiiwani nave mwaakiithanaka kineerekowaakhullani. “Mwattaphulla nigoli, mwahiya orunellana ni ollota ddoonanara dda akhwiinyu,

Levitiko 26:12

Kineereweeta variyari vanyu. Miyaano kineerokhalla Mullukwaanyu nave nyuwaano muneerokhalla athwaaka.

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Miyambo 17:3

Siliva aneekiwa mwiipalleni nave golide ni munllo koma murima wa muthu oneesiwa ni Apwiya.

Masalimo 144:15

Oodalisiwa tti athu awaakhella madaliso yaalla, woodalisiwa tti mutundu ayo Mullukwiiwa tti Apwiya.

Yowele 2:32

Vano attheene ayo enaawiithane mu nnddina na Apwiya eneerovullusiwa, vawi mu mwaango wa Ziyoni ni mu Yerusalemu muneerokhalla ovullusiwa monga Apwiya yallotilliiwa, ni mwa oohalla ayo Apwiya yawiithanilliiwa.”

Ezekiele 37:27

Enyumbaaka eneerokhalla variyari viwa. Miyaano kineerokhalla Mullukwiiwa nave alliwa eneerokhalla athwaaka.

Ezekiele 36:28

Muneerokhalla mu ellapo eyo kaavahilleemi makhollwaanyu. Muneerokhalla athwaaka nave miyaano kineerokhalla Mullukwaanyu.

Ezekiele 11:20

Vano eneerothwara malamulwaaka, eneerosunga ni wiiwellella malangizwaaka. Sika eneerokhalla athwaaka nave kineerokhalla Mullukwiiwa.

Yeremiya 32:38

Enaakhalle athwaaka nave miyaano kinaakhalle Mullukwiiwa.

Yawuupullulla 8:7

Mungelo awaamba ahoopa nipallapata naye. Nave marallalla ni munllo ddoottakanyiheriwa ni nikhame ddaavokhelliwa va ellapo yavatthi. Emodda mwa ezigawo ddiraru dda va ellapo yavatthi yahoosiwa navettho emodda mwa ezigawo ddiraru dda miteekho ni munyepu muttheene ddahoosiwa.

Yawuupullulla 8:8

Nave mungelo aneepiilli ahoopattho nipallapata naye. Ello emoddeene yawooneya wonanko mwaango muullupalli yookhara munllo yaavokhelliwa mu enyanja. Emodda mwa ezigawo ddiraru dda enyanjeeyo yaatthattuwa nikhame,

Yawuupullulla 8:9

emodda mwa ezigawo ddiraru dda ddoophatusiwa ddookumi dda mu enyanja ddaakhwa nave emodda mwa ezigawo ddiraru dda ekallawa ddahoonongeya.

Yawuupullulla 8:10

Nave mungelo aneeraru ahoopa nipallapata naye. Etheneeri yuullupalli yookhara wonanko mutthiko woovenyera oddullu yaamorella va emodda mwa ezigawo ddiraru dda mihinje ni aneetuutu amaaddi.

Yawuupullulla 8:11

(Nnddina na etheneereeyo tti, “Owaawa.”) Emodda mwa ezigawo ddiraru dda maaddi yaatthattuwa oowaawa nave athu anchichi yawirya maaddaayo yaakhwa ekaamba ya owaawanko.

Yawuupullulla 8:12

Mungelo aneesese ahoopa nipallapata naye. Emodda mwa ezigawo ddiraru dda nndduwa, mweeri ni etheneeri ddahoonongeya sika owala wiwa waatthattuwa epiphi. Owala khewaariwo waambeella emodda mwa ezigawo ddiraru dda otthaana ni dda mahiiyu.

Yeremiya 24:5

“Mi Apwiya Mulluku a Israele, kinallota wi akaporo a o Yuda ayo kaakhumihalleemi o nipuronna ni waayaana o ellapo ya Babiloni, kinaaphwanaphwaniha ni namukuyu aphaama wa alliwa.

Ezekiele 20:38

Kineerewuuvenyihellani athu ayo enakiwukila ni okichimwella. Kineerewaakhumiha mu ellapo eyo enakhalliiwamo koma khewa enyingalla mu ellapo ya Israele. Sika muneerodduwella wi mi tti Apwiya.

Daniele 11:35

Amodda eezeru eneerewiiphiwa wi eweese, eweellihe ni waahuwa ophiyera enthawi yoomalliha vawi eneerophiya enthawi eyo Mulluku akeraatthihalleeye.”

Daniele 12:10

Anchichi eneeroddeelliha nave eneereweella, oohikhalla ni yooripiha. Koma oonanara eneerovirellella onanara. Khaavo naari mmodda mwa alliwa aniiwesese ddenndda koma yaayove eri ni ezeru eneerewiisesesa.

2 Samuele 7:24

Nave mwaaweera Aisraele, okhalla aanyu aanyu wa enthawi yoohimalla nave nyu Apwiya mwaakhalla Mullukwiiwa.”

Yobu 28:1

“Ddawoona, wookhalla mugodi wa siliva, owaaka nipuro noomweelliha golide.

Masalimo 43:4

Vano kineerooya o nikuwa na Mulluku, wa Mulluku oyo anakivaha ohakallalla wavaddullu, kineerewuutitimihani ni gitala, nyu Mullukwaaka, nyu Mullukwaaka.

Nchipo na Solomoni 2:16

Ookondiwaaka tti aakaaka nave miyaano tti aayaaye. Anachiha eziweto ddaye variyari va malluwa,

Yeremiya 9:6

Ennatthinddaanyera machimo vaddullu va machimo makhwiiwa, woottottha va woottottha okhwiiwa. Apwiya yaallota wi, “Athu ennakhoota okidduwella.

Ezekiele 14:11

Kinaaweere ddenndda wi Aisraele ehihollowe nave wi ehiye machimwiiwa. Eneerokhalla athwaaka nave miyaano kineerokhalla Mullukwiiwa. Mi Apwiya Mulluku koollota.”