Zekariya 13:7 - Mawu a Mulluku

⁷ Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Zekariya 13:7 ပူးပေါင်းရင်းမြစ်များ

Mariko 14:27

Vano Yesu aallota wi, “Nyu attheene muneerothawa okihiya meekhaaka vawi woolembiwa wi, ‘Mukakathe mbusa nave enkhosa dda mulloko ddineeropallalleya.’

Mateyu 26:31

Vano Yesu aallota wi, “Nyu attheene muneerothawa okihiya meekhaaka mahiiyu yaalla vawi woolembiwa wi, ‘Mukakathe mbusa nave enkhosa dda mulloko ddineeropallalleya.’

Yesaya 40:11

Eneeropwatha enkhosa ddiwa wonanko mbusa, eneerewaatthukumaniha anamwanankhosa ni waakhupaarella, eneeroddihoollella phaama enkhosa ddawaamwiha.

Yohane 16:32

Enthawi enimawa nave yoophiya khalle eyo munaapallallesiweenyu, arive muthu owaniwa nave munaakihiye meekhaaka. Koma nginakhalla meekhaaka kaambiiwa Attiitthaaka eri ni miyaano.

Mariko 14:50

Vano oohudderaaye attheene yaamuhiya ethawa.

Ezekiele 37:24

“Oorumeyellaaka Davide sika anaakhalle mweniiwa. Eneerothwara malamulwaaka nave eneerewiiwellella phaama malangizwaaka.

Zekariya 11:7

Vano kahaamba owehera enkhosa ddooya wawiiphiwanndde. Kaakusa ekopo piilli yawaamba kaayiromolla Echisomo nave yaneepiilli Mwiiwanano. Sika kaawuwehera phaama mulloko wa enkhosoolle.

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Yawuupullulla 1:8

“Mi tti awaambeella ni oomallihella,” eni ddiiddo Apwiya Mulluku Amasiva Mattheene ayo erivo ollello, yaarivo khalle ni oyo enawa muhoollo.

Yeremiya 47:6

Munallota wi, ‘Ha, Apwiya aatukhulla nsupada! Nihokolloselleni munthumbani mwiwa, nikhalle mwemmo, niithuuwe.’

1 Petro 5:4

Nave mbusa muullupalli ooneya, muneerewaakhella emphaso yantitimiho yoohinyaalla.

1 Petro 3:18

Vawi Khrisitu, muthu oolungama, aakhwa omoddave mu nipuro mwa oochimwa ekaamba ya ddoochimwa dda amodda wi uuhoollelleni wa Mulluku. Ahiiphiwa mwa mwiilli nave aakhalla mukumi mwa Munepa.

Aheberi 13:20

Mulluku oovaha murendelle, ahaavenyiha Apwiihu Yesu wa ookhwa. Vano Yesu tti mbusa muullupalli a enkhosa, oyo eerille echipangano yanaanweene yoohimalla oweella mu nikhame naye.

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

Aroma 4:25

Aavelleelliwa wi akhwe ekaamba ya machimwaahu nave aavenyihiwa wa ookhwa wi nilungamihiwe ni Mulluku.

Yohane 10:30

Miyaano ni Attiitthaaka niri amodda.”

Mateyu 11:27

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthinnyave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.

Zekariya 11:4

Apwiya Mullukwaaka yaakilleella wi, “Wehera phaama enkhosa nnddo ddinaya wawiiphiwa.

Mika 5:4

Olliye aneerollipihella nave ochiha enkhosa ddaye mwamasiva a Apwiya ni ntitimiho na nnddina na Apwiya Mullukwaaye. Nave eneerokhalla m'murendelleni vawi ottekweenaaye oneerokeraattheya va ellapo yavatthi ettheene.

Yohane 16:15

Ddeko ddittheddene dda Attiitthaaka tti ddaaka. Ella sika ekaambiiwa kaallotilleemi wi Munepa Waweella aneerokokusa nnddo kinamulleellekeemi nave aneerekewuulleellani nyuwaano.

Yohane 14:23

Yesu aamwaakhulla wi, “Muthu akikonda miyaano aneerothwara mawaaka. Attiitthaaka eneeromukonda nave miyaano ni Attiitthaakaayo nineeroowa wa olliyooyo ni okhalla ni olliye.

Yohane 14:1

Yesu ahaalleella oohudderaaye wi, “Muhikhupanyeke, mukhulupilileni Mulluku, kikhullupililenittho miyaano.

Yohane 10:38

Koma kaarimi keeraka mitteko ddoovenyera wa Attiitthaaka naari muhikikhulupililaka, mukhulupilileke mitteko ddaka wi mudduwelle ni wiiwesesa wi Attiitthaaka eri mwa miyaano nave miyaano kiri mwa Attiitthaaka.”

Yohane 8:58

Yesu ahaakhulla wi, “Ddawoona, kinimuulleellani wi, Abrahamu ahinayariwe, miyaano kaari kiriwo khalle.”

Yohane 5:23

wi attheene yakititimihe miyaano emoddamoddave yeeyo enaatitimiheriiwa Attiitthaaka. Oohikititimiha miyaano khenaatitimiha Attiitthaaka ayo yaakirumalle.

Mateyu 10:42

Nave oyo anamuvaha mmodda mwa oohuddera oohambuwaalla naari kapu amaaddi oowirya ooriirya kaambiiwa tti oohudderaaka, kinimuulleellani ddawoona wi, aneerothuviwa.”

Mateyu 1:23

“Namwalli aneerokhalla ni erukullu nave aneeromuyara mwaana aamullopwana. Athu eneerekomuromolla wi Imanuele ottaphullella wi Mulluku ari ni hiyaano.”

Ezekiele 21:28

“Vano we mwaana a muthu, llotella wi voollotani dda Aamoni ni okivevulla wiwa, mi Apwiya Mulluku kinallota wi, ‘Nsupada, Nsupada! Noohullulliwa wi noononge, noopukutiwa wi niiphe wi nisherime wonanko ettari.’

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Masalimo 2:2

Mamweniiwa ennapangana ddakhoto, oolamulelliiwa enniiwanana ddoonanara, ddawaawukila Apwiya ni oozoziwiiwa.*

Yawuupullulla 21:6

Olliyooyo aallota wi, “Woomalla! Mi tti awaambeella ni oomallihella, waamba ni omalliha. Wa muthu ari ni nthona kineeromuvaha moohillivella wi awirye maaddi oovenyera va neetuutu amaaddi ookumi.

Yawuupullulla 13:8

Athu attheene ookhalla va ellapo yavatthi eneerollapella enama yawoopiha yuullupalleeyo, waapatula yaayove manddiniiwa yalembiwe ehinaphatusiwe ellapo yavatthi mu nibukhu na akumi na mwaanaankhosa iiphiwoolle.

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

Yawuupullulla 1:17

Kamoonilleemi, kahiivokhella vatthi vahoollo vaye wonanko muthu ookhwa. Koma olliyooyo ahookolla nnattanatta naye akiphara nave allota wi, “Ohoove! Mi tti awaambeella ni oomallihella.

Yawuupullulla 1:11

Mawaayo yaari awi, “Olembe nnddo onooneewe nave orumihe nibukhunno wa mipingo dda o mizinda mitthanu ni miilli, o Efeso, Smurina, Pergamo, Tiyatira, Sarde, Filadelfiya ni o Laodikeya.”

1 Yohane 2:2

Nave ddoonanara ddahu ddinnakhululukelliwa oweella mwa Yesu Khrisitu mwaneena nave ohiri machimwaahuve koma ni machimo a arive muthu.

Afilipi 2:6

Aari wonanko Mulluku, koma khaawanddeellelle wi akhalle moophwanaphwana ni Mulluku.

Agalatiya 3:13

Nave vookhallani ootembeleliwa munipuroni mwahu, Khrisitu oonoopolla hiyaano o otembeleliwa wa malamulo. Vawi mawu a Mulluku enallota wi, “Arive muthu anatthomeyiwa vamuteekhoni tti ootembeleliwa ni Mulluku.”

Aroma 8:32

Mulluku khaaniimaanne Mwanaye ayeekha koma aamuvelleella ekaamba ya hiyaano attheene! Vawi aanivaha Mwanaye, khanivahattho ddeko ddittheddene?

Mitteko 2:23

Yesu yoolla aavelleelliwa moollikana ni opaalla wa Mulluku vawi aadduwella khalle wi mwaamutthomeya vamutandani nave mumwiipha voomuvelleellani wa athu oonanara.

Yohane 1:29

Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi.

Luka 17:2

Waaweerokhalla waphaama wi nlluku na nsillo namakellelliweke munikohini mwaye nave avokhiwe mu enyanja ohiyana ni wi muthu yoolla amweerihe mmodda a ang'onong'onwaalla ahiye okikhulupilila miyaano.

Luka 12:32

“Muhoove, nyuwaano ayo muri wonanko mulloko wa enkhosa ddooweerengeya vawi Attiitthaanyu yaakonda wi yuuvaheni omweniiwa.

Mateyu 26:56

Koma ddittheddenenndda ddoheereya wi yaalembille anamallotella, ddikwakhwanelle.” Vano oohuddera attheene yaamuhiya ethawa.

Mateyu 18:14

Emoddamoddave yeeyo Attiitthaanyu ooddullu khenapaalla wi naari mmodda mwa ang'onong'onwaalla ahollowe.

Mateyu 18:10

“Chenjerani wi muhimuvevulle mmodda a ang'onong'onwaalla. Vawi kinimuulleellani wi angelwiiwa ooddullu eri vamiitthoni va Attiitthaaka enthawi ddittheddene.

Zekariya 11:11

Sika echipanganweeyo yaamalla nllapo nenno nave ookulliha enkhosa ayo yakiwehesesa yaadduwella wi ddittheddene keereemi ddaari ddoovenyera wa Apwiya.

Yesaya 27:1

Nllapo nenno Apwiya enaapharihe mutteko nsupada niwa nawiisha, nuullupalli ni namasiva, omullaka Leviyatani,* enowa yoothawa, yoonyimphireya nave eneerewiiphattho enama yawoopiha ya mu enyanja.

Yesaya 1:25

Kineerotukhulla muwonwaaka wi killipane ni weyaano. Kineeroweeka machimwaawo ni waahuwa wonanko enahuwelliiwa murawa.

Ezekiele 7:6

Omalla woophiya, omalla woophiya, wohuumorella! Ngoonani woophiya!

Ezekiele 21:3

Oyilleelle ellapo ya Israele wi Apwiya enallota wi, ‘Kineerollipana ni weyaano. Sika kineerohullulla nsupada naka munigoneloni mwiwa wi kiwiiphe athwaawo, oolungama vamodda ni oonanara.