Zekariya 13:4 - Mawu a Mulluku

⁴ “Nllapo nenno arive namallotella aneerowulliwa muru ni masomphenyiiwa. Khawa awarattho mukanjwaaye wamapururu wa anamallotella wi aallekekena athu.

Zekariya 13:4 ပူးပေါင်းရင်းမြစ်များ

Mateyu 3:4

Yohane awara ddoowara ddawoopiwa ni mapururu a ekamira,* am'makella laamba anttapara muyuununi mwaye navettho acha middope ni enwi dda muchipululuni.

Yesaya 20:2

Enthawi yeeyo Apwiya yaari ellotille khalle oweella mwa Yesaya mwaana a Amozi wi, “Khawe warulle echiguduli muyuununi mwawo ni esapato omanyalloni wawo.” Nave olliye aheera ddennddo, aneeta epwillimwinddive ni oohiwara esapato.

2 Mamwene 1:8

Alliwa yahaakhulla wi, “Muthooyo awanre ddoowara dda mapururu ni laamba anttapara muyuununi.” Sika mwenooyo aallota wi, “Yooyo tti Eliya Mutishibe.”

Yawuupullulla 11:3

Kineerewaarumiha ambonaaka eelli ewanre eziguduli nave eneerollotella wa mallapo 1, 260.”

Mariko 1:6

Yohane awara ddoowara ddawoopiwa ni mapururu a ekamira,* am'makella laamba anttapara muyuununi mwaye navettho acha middope ni enwi dda muchipululuni.

Yeremiya 6:15

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.”

Yeremiya 2:26

“Athu a o Israele nineerowulliwa muru wonanko mmo mullupaawiiya aneerelleeye aphariwa. Mamwene, enduna, allupa mukutho ni anamallotella, attheene eneerowulliwa muru.

Aheberi 11:37

Amodda yahiiphiwa voovokhiwani malluku, amodda yaaphaddiwa variyari, amodda yahiiphiwa ni masupada. Amodda kheyaarina ddoowara ddaphaama koma yawara mattapara a enkhosa ni a epuri. Yaari oohoowa, oorama murendelle nave oohambulliwa.

Yeremiya 8:9

Athu eezeru eneerowulliwa muru, eneeromalla ezeru nave eneerophariwa. Aakhoota mawu a Apwiya, vano ezeru ddiwa tti ddawiidde?