Zekariya 13:3 - Mawu a Mulluku

³ Nave mmodda aphwanyeya oopaalla wi allotellekeve, attiitthinnya ni amennya oomuyara eneeromulleella wi, ‘Ohikhallettho ni okumi kaambiiwa onallota ddawoottha mu nnddina na Apwiya.’ Sika makhollwaaye eneeromuhoma olliye allotellaka.

Zekariya 13:3 ပူးပေါင်းရင်းမြစ်များ

Deuteronomo 18:20

Koma arive namallotella oollotella mu nnddina naka, miyaano kihimulamunle apaalle oollotella mu nnddina na milluku ddimodda, olliye iiphiweke.’

Mateyu 10:37

“Oyo anaakonda attiitthinnya apaalle amennya ohiyana ni miyaano khanaphwanella okhalla oohudderaaka, oyo anamukonda mwanaye aamullopwana apaalle mwanaye aamutthiyana ohiyana ni miyaano khanaphwanella okhalla oohudderaaka.

Ezekiele 14:9

“Namallotella allekiwa anallotella, tti miyaano kimullekille. Sika kineeromoononga nave kineeromuvenyiha variyari va athwaaka Aisraele.

Yeremiya 23:34

Nave namallotella, mullupa mukutho apaalle arive muthu allota wi, ‘Olla tti othenga woollemella wa Apwiya,’ yooyo kineeromullaka ni nibanja naye.

2 Akorinto 5:16

Waambeella vano ophiyera muhoollo khaninamweeruzattho arive muthu moollikana ni omuthu. Naari khalle naamweeruza Khrisitu moollikana ni omuthu koma vano khanineera ddiiddo.

Luka 14:26

“Muthu aapaallaka okhalla oohudderaaka akikondeke miyaano ohiyana ni attiitthinnya ni amennya, mwaariye ni anaaye, asinne ni arokoriye naari okumaayeene.

Deuteronomo 33:9

Alliwa yaanuuroromellani nyuwaano okhwaranya makhollwiiwa, abaliiwa apaalle aniiwa. Alliwa yahiiwellella malamulwaanyu nave yaaroromella echipanganwaanyu.

Yeremiya 23:25

Kohiiwa ddoollota dda anamallotella mmo enallotelliiwa ddawoottha mu nnddina naka enakhuwa wi, ‘Koolloha, koolloha!’

Yeremiya 28:15

Vano Yeremiya aamulleella Hananiya wi, “We Hananiya, ngiiwa! Apwiya kheyuurumalle koma onaaroromelliha athwaalla ddawoottha.

Ezekiele 13:23

“Sika ekaamba ya yeella khamoonattho masomphenya awoottha nave khamoombesa mowaahollosa. Kineerewaavullusa athwaaka m'mattani mwanyu. Vano muneerodduwella wi mi tti Apwiya.”

Ezekiele 43:7

Aakilleella wi, “We mwaana a muthu, nipuro nenna tti na mpandwaaka woomwene mvo kinanyingallihaamivo manyallwaaka. Wuno sika kinaakhalleemi ni athwaaka Aisraele wa enthawi yoohimalla. Alliwa naari mamweniiwa khewa eripihattho nnddina naka naweella vooraruwani apaalle voovitthani mitembo dda mamweniiwa o mapuro oollapellawo.