Zekariya 13:2 - Mawu a Mulluku

² Navettho nllapo nenno kineerewoononga manddina a mafano mwawi khewa yuupuwelleyattho. Kineerewaavenyihamottho mwiillaponi anamallotella vamodda ni munepa wooripiha. Mi Apwiya Amasiva Mattheene koollota.

Zekariya 13:2 ပူးပေါင်းရင်းမြစ်များ

1 Mamwene 22:22

Vano Apwiya yaawukoha wi, “Onaamulleke mwawiidde?” Munepooyo waawaakhulla wi, “Kinaya kalloteke ddawoottha oyeella mwa anamallotellaaye attheene.” Sika Apwiya yaallota wi, “Weera ddiiddo, oneeropambana. Khawe wamulleke.”

Hoseya 2:17

Kineeromuhiiha oromollattho manddina a Abaala nave manddiniiwa kheromolliwaka voollapellani.

Eksodo 23:13

“Wiiwesese ddittheddene kuulleelleminndda. Ohiddillapelleke milluku ddimodda nave ohiromollekettho ni manddiniiwa.

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Ezekiele 30:13

“Mi Apwiya Mulluku kinallota, Kineeromalliha mafano ni woononga milluku ddoohikhalla ni mutteko dda o Memfisi. Khowa okhallattho mwene a o Iguputo nave kineerowoopopiha attheene ookhalla mwiillaponimmo.

Yawuupullulla 19:20

Enama yuullupalli yawoopiheeyo yaaphariwa vamodda ni namallotella awoottha oyo enre ddoottikhiniha vamiitthoni vaye. (Waari weera ddoottikhiniha wenko aallekilleeyena ayo yadindiwe echidindo ya enama yawoopiha yuullupalli ni ayo yallapenlle nifano na enameeyo.) Enama yuullupalli yawoopiha ni anamallotella awoottha yaavokhelliwa eri akumi mu enyanja ya mallumi amunllo ni sulufure.

Luka 11:20

Koma kaakhumihaka minepa ddoonanara ni masiva a Mulluku ddinnooniha wi omwene wa Mulluku woowa khalle wa nyuwaano.

Mateyu 12:43

“Munepa woonanara wakhuma mwa muthu, onneeteeta m'mapuroni awumma waashaasha vawiithuuwella. Koma waahiphwanya,

Zefaniya 2:11

Vano Apwiya eneerowoopopiha, eneerewoononga milluku ddittheddene dda va ellapo yavatthi. Sika athu attheene eneerewaallapella Apwiya, arive muthu vanipuroni vaye, orive mutundu wa athu o ellapwiiwa.

Mika 2:11

“Muthu mmodda eetaka ni murima wawoottha ni woolleka anallotella wi, ‘Ddawoona, muneerokhalla ni vinyo ni ddoowirya ddoowalli ddinchichi,’ namallotella yoolla athwaalla eneeromukonda.

Ezekiele 37:23

Kheyiiripihattho ni mafanwiiwa ni ddeko ddimodda ddoonanara apaalle ni ddirive ddoochimwa ddiwa ddittheddene. Koma kineerewaavullusa o machimwiiwa mattheene nave kineeroweelliha. Vano alliwa eneerokhalla athwaaka nave miyaano kineerokhalla Mullukwiiwa.

Ezekiele 14:9

“Namallotella allekiwa anallotella, tti miyaano kimullekille. Sika kineeromoononga nave kineeromuvenyiha variyari va athwaaka Aisraele.

Ezekiele 13:23

“Sika ekaamba ya yeella khamoonattho masomphenya awoottha nave khamoombesa mowaahollosa. Kineerewaavullusa athwaaka m'mattani mwanyu. Vano muneerodduwella wi mi tti Apwiya.”

Yeremiya 29:23

Ddawoona, makhallellwiiwa o Israele yaari oonanara, yaanararuwa ni awara aaneena, yaanallotella ddawoottha munnddina naka kihaalamunle. Mi kinnadduwella, kineerella omboni ddenndda. Mi Apwiya koollota.”

Yesaya 2:20

Nllapo nenno athu eneeromutathillella nahuwo ni mullema mafanwiiwa a siliva ni a golide ayo yiipotokoselliiwa wi yaallapelleke.

Yesaya 2:18

Nave mafano mattheene eneerotthollosiwa.

Masalimo 16:4

Koma ayo enatthoolla milluku ddimodda, ennaddoonjereriha ddookatamiha. Ngihellana mikutho ddiwa ddoowirya dda nikhame, ngiromollana manddina a milluku ddiwannddo.

Yoswa 23:7

Nave muhiniiwananaka ni athu alla ehanlle nave eri ni nyuwaano. Muhinaromollaka manddina a milluku ddiwa apaalle oyiromolla voollupellani apaalle oyirumeyella apaallettho oyikokhorella.

Deuteronomo 12:3

Mwakumulle makuwiiwa ni woononga mallukwiiwa oopatuleya. Mwawoose mafanwiiwa a Asherimu nave mwapwaramwase mafanwiiwa oosema navettho mwathiimihe manddina a millukunnddo orive weko.

Eksodo 22:13

Yattakhuniwa ni enama ddamuhakani, akusewo ddoohallannddo wi ddikhalle omboni koma ahillivelle eyo yattakhuniwe ni enameeyo.

Yawuupullulla 18:2

Aakhuwa ni mawu oowella nave allota wi, “Ookumuwa! Babiloni oovuwa ookumuwa! Vano ootthattuwa nipuro nookhallamo minepa ddoonanara, enama ddawoopiha ddoonanara ddittheddene ni epallame ddoonanara.

Mateyu 7:15

“Chenjerani ni anamallotella awoottha; enaphiya wa nyuwaano yooneyaka oomaalleya wonanko enkhosa koma muwari mwiwa eri enama ddawoopiha

Hoseya 14:8

Ethiyo Aefuremu enaaweerena tini mafano? Tti miyaano kiniiwa ovekella wiwa ni waapwatha. Kiri wonanko mukunguza woophuwa enthawi ettheene tti miyaano kinaavaha ezipaso.”

Ezekiele 6:6

Orive weko munaakhallekeenyuwo, mizinda ddanyu ddineerotthattuwa matepe. Mapurwaanyu oollapellamo mattheene eneerewoonongiwa sika wi makuwaanyu ni mafanwaanyu eneeropwesiwa. Makuwaanyu awoosellamo lubani eneerokumulliwa nave ddittheddene mwapangilleenyu ddineeromalla.

Ezekiele 12:24

Enthawi yeeyo khokhallattho ddawooneya m'masomphenya awoottha. Khokhallattho woombesa wowaahollosa Aisraele.

Ezekiele 36:29

Kineerewuuvullusani o ddittheddene ddawuuripihani. Kineerewuuruuwihellani tirigwaanyu nave ngiwa kuumorihellani ettalla.

Deuteronomo 18:20

Koma arive namallotella oollotella mu nnddina naka, miyaano kihimulamunle apaalle oollotella mu nnddina na milluku ddimodda, olliye iiphiweke.’

Ezekiele 43:7

Aakilleella wi, “We mwaana a muthu, nipuro nenna tti na mpandwaaka woomwene mvo kinanyingallihaamivo manyallwaaka. Wuno sika kinaakhalleemi ni athwaaka Aisraele wa enthawi yoohimalla. Alliwa naari mamweniiwa khewa eripihattho nnddina naka naweella vooraruwani apaalle voovitthani mitembo dda mamweniiwa o mapuro oollapellawo.

Hoseya 2:19

We Israele, kineerewuutomela wi okhalle mwaaraka wa enthawi yoohimalla. Kineerewuutomela mwawoona, moolungama, mweechikondi yoohisintheya ni mweechifundo.