Zekariya 12:7 - Mawu a Mulluku

⁷ “Apwiya enaambe ovullusa misasa dda Yuda wi eyuuma ettheene ya nibanja na Davide ni ya athu a o Yerusalemu ehikhwaranye ya Yuda.

Zekariya 12:7 ပူးပေါင်းရင်းမြစ်များ

Yeremiya 30:18

Apwiya enallota wi, “Kineerohokollosellattho nibanja na Yakobo o ellapwiiwa, kineerewooniha echikondaaka omapuronaaye mattheene. Muzinda wa Yerusalemu oneeromakiwattho va ntepe nakhalle enyumba yoomwene eneeromakiwattho vanipuroni viwa.

Aroma 3:27

Vano ninitukhullelle tini? Khayiivo! Nave kaambiiwa tini? Apaalle tti kaambiiwa ninniiwellella malamulo? Khe ddiiddo! Koma tti kaambiiwa ninnakhulupilila.

Zekariya 11:11

Sika echipanganweeyo yaamalla nllapo nenno nave ookulliha enkhosa ayo yakiwehesesa yaadduwella wi ddittheddene keereemi ddaari ddoovenyera wa Apwiya.

Zekariya 4:6

Vano olliye aakilleella wi kimulleelle Zerubabele mawu a Apwiya awi, “Ddawoona, oneeropambana koma ohiri ni ekhoto apaalle ni masivaawo koma ni munepaaka. Mi Apwiya Amasiva Mattheene koollota.

Amosi 9:11

Apwiya enallota wi, “Enthawi yeeyo kineerohokollosella omwene wa Davide oyo wakumuwalle wonanko enyumba. Kineeropotokosattho esiri ddiwa ddookumuwa ni omakattho matepiiwa, kineerewuuhokollosellattho mwakhalle.

Yesaya 23:9

Apwiya Amasiva Mattheene sika yasimikizalle ddenndda wi emallihe okota waye ni waakitthiha athu attheene oovahiwa olemu a vatthimva.

Masalimo 55:12

Aariki mudanaaka anakivevulla, kaaweerovillella, aariki mudanaaka anakeerella epewe, kaaweerewiipittha.

Masalimo 38:16

Vawi kinnavekella wi, “Muhaakhullelle wi ehakallallelle va miyaano ayo enakinyemulla yoona wi kooserenguwa.”

Masalimo 35:26

Ayo enahakallalla ekaamba ya ddookatamiha ddaka, ewulliwe muru, epallalleye muru. Ayo eneeseesa wi ekipambane, ewulliwe muru, evevuwe.

Yobu 19:5

Ddawoona, munniitukhulla vamiitthoni vaka, ddoohoosa ddakanndda muneesa omboni wa ochimwa waka.

Yakobo 4:6

Koma echisomo ya Mulluku tti yuullupalli wunchichi. Sika mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

Luka 10:21

Yesu addalliwe ni Ehakallallo ya Munepa Waweella, enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera. Ee, Attiitthaaka, nndda ddeereye kaambiiwa ddahuuhakallallihani.