Zekariya 12:6 - Mawu a Mulluku

⁶ “Nllapo nenno oohoollella a Yuda kineerewaatthattusa wonanko ninkhalla noottotthowa variyari va ekhuni, wonanko mutthiko wookhara variyari va mitolo dda tirigu. Eneerewoosa mitundu dda athu ddittheddene ddoowaapheella, onnattanatta ni wuunyotthoni koma athu a o Yerusalemu enaakhalleve mwamurendelle m'muzindani mwiwa.

Zekariya 12:6 ပူးပေါင်းရင်းမြစ်များ

Obadiya 1:18

Athu a Yakobo enaakhalle wonanko munllo, athu a Yosefe enaakhalle wonanko mallumi amunllo. Eneerowoononga athu a Esau wonanko munllo onashellellihiiwa makoto, khekhallavo edduullu ya Esau enaavulluwe. Mi Apwiya koollota.”

Zekariya 2:4

Awaamboolle aallota ni mukhwaaye wi, “Akuva, mulleelle musombwe akusalle mukwe woolingella wi muneerokhalla athu anchichi ni eziweto ddinchichi mu Yerusalemu mwawi khavipaalleya omaka mpanda.”

Zekariya 9:15

Apwiya Amasiva Mattheene eneerowaakiha, alliwa eneerewaapambana ni waagonjiha adaniiwa vawaavokhani malluku, eneerowirya nikhame na adaniiwa nngu ekhuwaka wonanko emuvonille vinyo. Nikhamenno nineereweetellella wonanko na mukutho, nawiithellelliwa ni kapu va nikuwa.

Mika 4:13

“We Ziyoni, amba wuuputha vawi kineerewuutthattusa amasiva wonanko manyaka amukoko, wonankottho manyallo amukuwa. Oneeronyenya mitundu ddinchichi dda athu nave nnddo yaphuralliiwa oneeroddivelleella wa Apwiya. Eyuumiiwa oneeroyivelleella wa Apwiya a ellapo yavatthi ettheene.”

Yeremiya 30:18

Apwiya enallota wi, “Kineerohokollosellattho nibanja na Yakobo o ellapwiiwa, kineerewooniha echikondaaka omapuronaaye mattheene. Muzinda wa Yerusalemu oneeromakiwattho va ntepe nakhalle enyumba yoomwene eneeromakiwattho vanipuroni viwa.

Yesaya 54:3

Vawi eneerewaatamanihella maliriiwa nngu ni nngu, edduullu ddawo ddineerewaakha mapuro a mitundu dda athu ddimodda, ddineeroddalla mizinda nnddo ddahiyiwe.

Yesaya 9:20

Ni nnattanatta ennaakha ni ocha koma khenavona nave o nnatta noonyottho ennaakha ni ocha koma ennavirellella ovolliwa ettalla sika ennattakhunana.

Yawuupullulla 20:9

Eneereweeta va ellapo yavatthi ettheene nave aneerewaapheella misasa dda athu a Mulluku nave ni muzinda oyo Mulluku anawukondeeye. Koma munllo oneerovenyera oddullu nave oneerewoononga attheene.

2 Akorinto 6:7

voollalleyani othenga wawoona ni vookhallani ni masiva a Mulluku. Echilungamo sika ezida ddahu ddoowanella ni ddawiitetezella.

Zekariya 11:1

We Lebanoni, hulla millako ddawo wi munllo oshellellihe mikunguza ddawo.

Zekariya 2:12

Apwiya eneeromukusattho Yuda wi akhalle yoohallaniiwa mu ellapo yoopatuleya nave Yerusalemu akhalle muzindiiwa wa vamurimani.

Zekariya 1:16

Sika ekaambiiwa kihokollweelleemi o Yerusalemu ni murima weechifundo. Enyumbaaka eneeromakiwattho wenko nave eneerokusattho mukwe woolingella wi emakettho muzinda wa Yerusalemu, Mi Apwiya Amasiva Mattheene koollota.’

Zekariya 12:5

Vaavo oohoollella a Yuda eneerollota m'murimani mwiwa wi, ‘Apwiya Mulluku Amasiva Mattheene ennaavaha masiva athwiiwa ookhalla mu Yerusalemu.’