Zekariya 12:5 - Mawu a Mulluku

⁵ Vaavo oohoollella a Yuda eneerollota m'murimani mwiwa wi, ‘Apwiya Mulluku Amasiva Mattheene ennaavaha masiva athwiiwa ookhalla mu Yerusalemu.’

Zekariya 12:5 ပူးပေါင်းရင်းမြစ်များ

Zekariya 10:12

Kineerewaallipiha athwaaka, eneereweeta moollapella mu nnddina naka, mi Apwiya koollota.”

Yowele 3:16

Apwiya enimathuruma ovenyera o mwaango wa Ziyoni, mawiiwa eniiweya wonanko ogugudeya wa murimu ovenyera o Yerusalemu, oddullu ni ellapo yavatthi ddinimatthukumella. Apwiya tti woothawellawo wa athwiiwa, esiri yoollipa ya Aisraele.

Masalimo 18:32

Mullukoolla sika annakivaha masiva, annakivenyihella ddawoopiha muttillani mwaka.

Masalimo 144:1

Etitimiheye Apwiya, nlluku naka, ayo enahuddiha mattaaka ni eyaalla ddaka owana ekhoto.

Masalimo 18:39

Vallethi tti nyu mwakivahille masiva oowanella ekhoto, tti nyu mwakigonjihelle athu ookiwukila.

Yesaya 28:6

Oweeruza eneerovahiwa murima woolungama nave eneerewaallipiha murima attheene enallipana ni adani va millako dda muzinda.

Zekariya 12:6

“Nllapo nenno oohoollella a Yuda kineerewaatthattusa wonanko ninkhalla noottotthowa variyari va ekhuni, wonanko mutthiko wookhara variyari va mitolo dda tirigu. Eneerewoosa mitundu dda athu ddittheddene ddoowaapheella, onnattanatta ni wuunyotthoni koma athu a o Yerusalemu enaakhalleve mwamurendelle m'muzindani mwiwa.

Zekariya 10:6

“Nibanja na Yuda kineeronillipiha, edduullu dda Israele kineeroddaakiha. Athwaayo kineerewaahokollosella owaniwa kaambiiwa kooweerella echifundo. Sika enaakhalle wonanko ngaatathinlle vawi mi tti Apwiya Mullukwiiwa, kineerowaakhulla ddooveka ddiwa.

Yeremiya 33:26

Vano wonanko mmo keerelleemi ddenndda moosimikiza, kineerosunga echipangano eyo kakeraatthihalleemi ni edduullu dda Yakobo ni Davide, oorumeyellaaka. Kineeromutthoolla mmodda mwa edduullu dda Davide wi alamulelleke edduullu dda Abrahamu, Isaki ni Yakobo. Vano kineerewaamorella ethakaraka ni waahokollosellattho ddaphaama.”

Yeremiya 30:21

Oolamulella anaakhalle mmodda a alliwa, oohoollella anaavenyera variyari viwa. Kineeromususihella vakhuviru ni miyaano, olliye aneerewaatamana ni miyaano. Ttaani anaallipe murima wi aatamane ni mi?

Yesaya 60:17

Kineerewuuvaha golide munipuroni mwa bronzi, siliva munipuroni mwa mukoko, bronzi munipuroni mwa muteekho, mukoko munipuroni mwa nlluku. Awuuwehera kineerewaatthattusa amurendelle, awuulamulella kineerewaatthattusa oolungama.

Yesaya 32:1

Enthawi emodda muhoollo oneerokhalla mwene mmodda oolamulella moolungama navettho enduna ddineerolamulella moolungama.

Yesaya 29:10

Apwiya yohuukonihani ekhove ddookhwana, yohuukhuneellani miittho, ayo tti anamallotella nave yohuukhuneellani omuruni, ayo tti oollohella.

Yesaya 1:26

Kineerewaakeraatthihattho aweeruzaawo ni attekweenaawo wonanko khalle. Attekweenaawottho. Vatulli viwa we oneeroromolliwa muzinda woororomelleya ni woolungama.”

Yesaya 1:23

Oohoollellaawo ennawukila nave enniiwanana ni allupaawiiya. Arive muthu annaakhella ddamukaphwani nave annathamakella emphaso. Khanaateteza akhwaadduni nave khanapwatha millatu dda anaamukhwelle.

Yesaya 1:10

Vano nyu oolamulella a o Sodomu, iwani mawu a Apwiya. Nyu a o Gomora, apellani maaru nnddo Mullukwaahu anuuhuddiheeyeni.

Masalimo 46:1

Mulluku sika woothawella waka ni masivaaka, tti ookhozeka onikavihera va enthawi ya ddookatamiha.

Oweeruza 5:9

Etitimiheye Apwiya, murimaaka ori ni oohoollella a akhoto a o Israele, ori ni athu ayo awiivelleella, variyari va akhwiiwa.

Zekariya 12:4

Nllapo nenno kineeromoopopiha mowaapheelliha muru arive kavalo nave oowellavo kineeromusavulla. Kineeroniwehera nibanja na Yuda koma akavalo attheene a adaniiwa kineerewaatthattusa oohoona.

Zekariya 14:14

Athu a o Yuda eneerowana ekhoto o Yerusalemu. Nave eyuuma ya athu a mitundu ddawaapheella eneeroyitthukumaniha vamodda monga golide ni siliva munchichi owaaka ddoowara ddinchichi.

Yesaya 28:5

Nllapo nenno Apwiya Amasiva Mattheene enaakhalle wonanko echipewa yoomwene yooriiheya ni enduwira yooreera wa athwiiwa oohalla.

Yesaya 45:24

Eneerollota dda miyaano wi, ‘Echilungamo ni masiva ddiri mwa Apwiyave.’ Attheene ayo yakiwukilalle eneerowulliwa muru nave eneeroowa wa miyaano.