Zekariya 12:4 - Mawu a Mulluku

⁴ Nllapo nenno kineeromoopopiha mowaapheelliha muru arive kavalo nave oowellavo kineeromusavulla. Kineeroniwehera nibanja na Yuda koma akavalo attheene a adaniiwa kineerewaatthattusa oohoona.

Zekariya 12:4 ပူးပေါင်းရင်းမြစ်များ

Zekariya 12:3

Nllapo nenno kineeromutthattusa Yerusalemu nlluku noollemella wunchichi wa mitundu ddittheddene dda athu. Attheene enaaheye otukhulla nineerewaavoreya wunchichi nave mitundu ddittheddene dda va ellapo yavatthi ddineerotthukumana vamodda wi ddillipanena.

Deuteronomo 28:28

Apwiya eneerewuullakani ni ereta ya anepa, ohoona ni waapheella muru.

Zekariya 12:6

“Nllapo nenno oohoollella a Yuda kineerewaatthattusa wonanko ninkhalla noottotthowa variyari va ekhuni, wonanko mutthiko wookhara variyari va mitolo dda tirigu. Eneerewoosa mitundu dda athu ddittheddene ddoowaapheella, onnattanatta ni wuunyotthoni koma athu a o Yerusalemu enaakhalleve mwamurendelle m'muzindani mwiwa.

Mitteko 17:30

Mulluku khalle ahaahiya athu oohaallaka vawi kheyaamudduwella koma vano annaalamulella athu attheene orive weko wi erukunuwe murima.

Zekariya 14:15

Ereta yawoopiha eneerewaamorellattho akavalo, enyuru,* ekamira,* abulu vamodda ni enama ddittheddene ddookhalla o misasa ddakhoto.

Zekariya 12:11

Nllapo nenno oneerokhalla winlla maliro wuullupalli o Yerusalemu monga ddakhallelliiwa voomwinllellani Hadadirimoni mu ntapo na o Megido.

Zekariya 10:5

Ayuda attheene vamodda enaakhalle wonanko akhoto amasiva awaanyingallella adani m'musewuni enthawi yakhoto. Eneerowana ekhoto ekaamba yawi Apwiya eri ni alliwa nave eneerewaagonjiha adani oowella va akavalo.

Zekariya 9:8

Sika kineeroyiteteza ellapwaaka wi ahiphwanyeye ooviramo apaalle oovollowamo. Kheyiivo adani enaawore waanyingallella vawi mi sika kinapwatha ddenndda.”

Daniele 9:18

Nyu Mullukwaaka, apellani maaru wi mwiiwe mawaaka. Muhulle miitthwaanyu wi moone matepaahu ni muzinda oyo onadduwelliwa ni nnddina nanyu. Kinavekella wa nyuwaano ekaamba yawi muri eechifundo, ohiri ekaamba yawi hiyaano niri oolungama.

Ezekiele 39:20

Ddawoona o tebulwaaka muneerovona vawaattakhunani akavalo ni oowellavwiiwa, akhoto amasiva ni akhoto oohiyanahiyana’ Mi Apwiya Mulluku koollota.”

Ezekiele 38:4

Kineerewuurukunusa nave kineerewuumedda ni embeza muwano mwawo. Kineerewuuvenyihavo weyaano vamodda ni mullokwaawo muttheene wakhoto, akavalwaawo ni oowellavwiiwa, ayo etukhullalle yootetezella ni echishango, ehullullalle masupadiiwa.

Yeremiya 24:6

Kineerewoonesesa wi kiweerelle echifundo ni waahokollosella o ellapo ella nave kineerewaamakella vamodda ohiri waakumulla, kineerowaalla ohiri waatulla.

Yesaya 37:17

Sika nyu Apwiya, apellani maaru mwiiwe. Nyu Apwiya khunuullani miittho wi moone. Mwiiwe mawu mattheene ayo Senakeribu allotilleeye awuuvevullani nyu Mulluku Ookumi.

Yesaya 24:21

Nllapo nenno Apwiya eneerewaallaka amasiva ooddullu ni mamwene a va ellapo yavatthi.

Nehemiya 1:6

Apellani maaru nave khunuullani miittho wi mwiiwe ovekella wa oorumeyellaanyu nko kinavekelleemi vamiitthoni vanyu otthaana ni mahiiyu waavekellella Aisraele oorumeyellaanyu, owulula machimwiiwa ayo nichimwalleehu vamiitthoni vanyu. Ddawoona, miyaano ni nibanja na makhollwaaka nohuuchimwellani.

2 Epilli 7:15

Vano miitthwaaka eneerewoona nave kineerewaapella maaru o mavekellwiiwa vanipuronimva.

2 Epilli 6:40

Vano nyu Mullukwaaka, khunuullani miitthwaanyu nave apellani maaru o mavekello eneeriiwa vanipuronimva.

2 Epilli 6:20

Weherakani enyumbeella otthaana ni mahiiyu, nipuro nno mwaanithoollilleenyu wi nnddina nanyu nikhalleke mwemmo wi mwiiwe nivekello nno anaavekelle oorumeyellaanyu onipuroni wuno.

2 Mamwene 6:18

Vano athu a o Siriya yaambeelliiwa omuhella ekhoto Elisha, olliye aavekella wa Apwiya wi, “Kinimuuvekani wi muweerihe athu yaalla wi ekhalle ohoona.” Sika Apwiya yaaweeriha akhotwaalle okhalla ohoona monga Elisha avekelleeye.

2 Mamwene 6:14

Sika ahaarumihawo akavalo ni magareta, owaakattho mulloko muullupalli wa akhoto. Akhotwaayo yaphiyallewo mahiiyu yaapheella muzindooyo.

1 Mamwene 8:29

Weherakani enyumbeella otthaana ni mahiiyu, nipuro nno mwaanithoollilleenyu wi nnddina nanyu nikhalleke mwemmo wi mwiiwe nivekello nno anaavekelle oorumeyellaanyu onipuroni wuno.

Zekariya 12:5

Vaavo oohoollella a Yuda eneerollota m'murimani mwiwa wi, ‘Apwiya Mulluku Amasiva Mattheene ennaavaha masiva athwiiwa ookhalla mu Yerusalemu.’