Zekariya 12:2 - Mawu a Mulluku

² “Kineeromutthattusa Yerusalemu akhalle wonanko kapu a vinyo oyo anaalezelihe mitundu ddittheddene dda athu ddoomwaapheella. Yuda aneerohelliwattho ekhoto vamodda ni Yerusalemu.

Zekariya 12:2 ပူးပေါင်းရင်းမြစ်များ

Zekariya 14:14

Athu a o Yuda eneerowana ekhoto o Yerusalemu. Nave eyuuma ya athu a mitundu ddawaapheella eneeroyitthukumaniha vamodda monga golide ni siliva munchichi owaaka ddoowara ddinchichi.

Masalimo 75:8

Ollaka wa Apwiya tti wonanko m'mattani mwiwa ooddalla ni vinyo ookhuma niphoru ni oowaawa. Ammimina vinyooyo oonanara attheene a va ellapo yavatthi eneeromuwirya, ophiyera yoombonlle ddoohalla mukapunimmo.

Yesaya 51:17

We Yerusalemu, venya, venya, imella! Woomuwirya kapu oollaka oyo Apwiya yawinnyalliiwa eshille murima, kapu oohaharereyiha waamuwirya muttheene.

Yawuupullulla 18:6

Mumuhokolloselle aweerenlleeyeni, mumullivellihe opiilli va ddittheddene enreeye. Mumuwiryihe opiilli kapwaaye a yoowirya yoowalli wonanko yoowirya uuvahilleni olliyooyo.

Yawuupullulla 16:19

Muzinda woovuwa waakawaneya vararu navettho mizinda dda ellapo ddittheddene ddaakumuwa. Mulluku ahuupuwella muzinda woovuwa, Babiloni nave aamuwiriha kapu a vinyo a osha murima waye wawoopiha.

Yawuupullulla 14:10

amuwirye yeekha vinyo a Mulluku, vinyo oohisungunula a onanariwa waye nko ahenlleeye mu kapu a osha murima waye! Attheene eneera ddenndda eneerollakiwa ni munllo owaaka sulufure vamiitthoni va angelwaaye aweella ni mwaanaankhosa.

Habakuku 2:16

Koma oneerowulliwa muru munipuroni moovahiwa olemu. Vano wirya, olezele ni ohahareye, Apwiya eneerewuwiryiha kapu a owalliiwa, olemwaawo oneerotthattusiwa owulliwa muru.

Yeremiya 51:57

Kineerolezeliha enduna ddaye ni eezerwaaye, oolamulellaaye, oohoollella ekhoto ni akhotwaaye. Eneerokona ekhove ddoonanara ddoohirurumuwana, mi, mwene, koollota, nnddina naka tti Apwiya Amasiva Mattheene.

Yeremiya 51:7

Vawi Babiloni aari wonanko kapu agolide m'mattani mwa Apwiya wi alezelihe ellapo yavatthi ettheene. Mitundu ddinchichi dda athu ddaamuwirya vinywaaye sika ekaambiiwa ddasavuwalliiwa.

Yeremiya 49:12

“Naari ayo yahiphwanenlle omuwiryella kapu a ollaka, emuwiryelle. Muhiddoottotthe wi nyuwaano sika khemullakiwa. Khe ddiiddo, ddawoona muneerollakiwa nave muneeromuwiryella kapooyo.

Yeremiya 25:17

Vano kaamukusa kapooyo kiwinnya athu a mitundu ddittheddene wi emuwirye moollikana ni mmo Apwiya yakilamulelliiwa.

Yeremiya 25:15

Apwiya Mulluku a Israele, yaakilleella wi, “Omukuse kapu olla ooddalla ni owallaaka nave waawiryihe athu a mitundu ddittheddene nko kinaawurumeemi.

Yeremiya 8:14

Athu enakoha wi, “Kaambiiwa tini nineeriiwa moona okeraatthi? Hankoni attheene vamodda nithawelle o mizinda dda mipanda nakhwelle wenko. Apwiya Mullukwaahu aakamulla mullatu wi noophwanella okhwa aaniwiryiha maaddi anttipwi kaambiiwa nohaachimwella.

Zekariya 14:2

Apwiya eneerewaatthukumaniha athu a mitundu ddittheddene wi emuhelle ekhoto Yerusalemu. Eneerewaakha muzindooyo ni opwaramwasa enyumba ddittheddene nave atthiyana eneeropharelliwa. Hafu a athu a m'muzindanimmo eneeropharelliwa wuukaporoni koma oohalla attheene a m'muzindanimmo khevenyihiwamo.