Zekariya 12:11 - Mawu a Mulluku

¹¹ Nllapo nenno oneerokhalla winlla maliro wuullupalli o Yerusalemu monga ddakhallelliiwa voomwinllellani Hadadirimoni mu ntapo na o Megido.

Zekariya 12:11 ပူးပေါင်းရင်းမြစ်များ

2 Epilli 35:24

Sika allupa muttekwaaye yaamutukhulla mu nigareta naye emuhiya mu nigareta nimodda yaayaana o Yerusalemu. Nave aakhwa avitthiwa mu mahame a makhollwaaye. Vano athu attheene a o Yuda ni Yerusalemu yaamwinllella Yosiya.

2 Mamwene 23:29

Mu enthawi ya omwenaaye, Neko mwene a o Iguputo aaya woomukavihera mwene a o Asiriya o muhinje wa Yufurate. Mwene Yosiya aaya woowanana ekhoto koma Neko aamwiipha Yosiya o Megido va ekhotweeyo.

Mateyu 24:30

Vano vaavo echizindikiro ya mi, Mwaana a Muthu, eneerewooneya muddullu. Navettho malloko mattheene a athu a va ellapo yavatthimva eneerekewinlla yaakoonaka mi Mwaana a Muthu kiwaaka vamiraponi ddooddullu ni masiva ni ntitimiho nuullupalli.

Yawuupullulla 1:7

Ngoonani aneeroowa m'miraponi! Arive muthu aneeromoona naarittho alle yamuhomille. Malloko mattheene a va ellapo yavatthi eneeromwinllella. Sika ddinaakhalle ddiiddo!

Yawuupullulla 16:16

Vano minepa ddoonanaranndde ddahaatthukumaniha vamodda mamwenaalle vanipuroni nooromolliwa wi, “Armagedoni” mu ellotello ya Eheberi.

Zekariya 12:12

Ellapo eneerewinlla, nirive nibanja vaweekhiiwa. Nibanja na Davide nininlle vaweekhiiwa nave awariyettho eninlle vaweekhiiwa. Nibanja na Natani nininlle vaweekhiiwa nave awariyettho eninlle vaweekhiiwa.

2 Epilli 35:22

Koma Yosiya khaavenyillevo koma ahiipittha wi awanena ekhoto. Khaapwathille mawu a Neko ayo allotille Mulluku koma aaya awanana ekhoto o ntapo na Megido.