Zekariya 12:1 - Mawu a Mulluku

¹ Alla sika mawu a Apwiya oollota dda Israele. Apwiya sika yaanddellenlle eddullu ni okeraatthiha ellapo yavatthi navettho yaphatusalle mpweya woovaha okumi. Alliwa eni,

Zekariya 12:1 ပူးပေါင်းရင်းမြစ်များ

Yesaya 42:5

Mulluku Apwiya aaphatusa ni waanddellella ddooddullu, aaphatusa ellapo yavatthi ni ddittheddene ddiri mwemmo, aavaha okumi ni mpweya wa athu ookhalla mwiillaponimmo. Olliye anallota wi,

Yeremiya 51:15

Apwiya sika yaphatusalle ellapo yavatthi ni masiviiwa, yaapanga ddittheddene ni ezeru ddiwa, mweeruso yahaanddellella eddullu.

Yesaya 57:16

Ngihumullulla wa enthawi yoohimalla apaalle ovirellella waashella murima wi munepa wa muthu ohingomowe vamiitthoni vaka, mpweya woovaha okumi oyo kawuphatusalleemi.

Aheberi 12:9

Attiitthiihu a ellapo yavattheella ennanillaka nave ninnaavaha olemu. Ethiyo yookatamiha ttiivi omugonjella Mulluku, Attiitthiihu m'munepani wi nikhalle ni okumi?

Yesaya 48:13

Mattaaka yaakeraatthiha matthipello a ellapo yavatthi, nnattanatta naka nahaanddellella oddullu. Kiithana ellapo yavatthi ni yooddullu, ddittheddenennddo ddinnatthukumana vamodda.

Yesaya 44:24

Apwiya Oovullusaawo, ayo yuupangille m'mirimani mwa amaayo, enallota wi, “Mi tti Apwiya ayo yapangille ddeko ddittheddene, kaanddellelleemi ddooddullu, kaari meekha. Kaphatuseemi ellapo yavatthi ethiyo ookhallavo oyo akikaviherille?

Oollalleya 12:7

Vano mwiilli oneerohokollweella mu ethaya wonanko wakhallelliiwa. Munepa oneerohokollweella wa Mulluku mwaneena oyo awuvelleellille.

Numeri 16:22

Koma alliwa yaakokhora ellota wi, “Nyu Mulluku, mwaneena a minepa dda athu attheene, ethiyo mwaashenlle murima athu attheenaalla ekaamba ya ochimwa wa muthu mmodda?”

Genesis 2:7

Sika vano Apwiya Mulluku yaakusa ethaya ovenyera vatthi nave emoopa muthu ni ethayeeyo. Yaamuviddeellella mphunani mpweya woovaha okumi nave muthooyo aakhalla ni okumi.

Ezekiele 18:4

Okumi muttheene tti waaka. Okumi wa nikhollo tti waaka, wa mwaana tti waakattho. Muthu oyo achimwalle sika anaakhwe.

Yeremiya 38:16

Vakhwipi mwene Zedekiya aallupella vamiitthoni va Yeremiya wi, “Vamiitthoni va Mulluku Ookumi oyo anivahille okumi, miyaano ngiwiipha apaalle wuuvelleella m'mattani mwa athu alla enapaalla owiipha.”

Yeremiya 30:16

Koma attheene yawoonongilleni, kineerowoonongattho alliwaayo. Attheene awuuhoosani eneerophariwa okaporo. Attheene awaakha ddeko ddanyu alliwattho eneerewaakhiwa. Attheene awuumallihani, alliwattho eneeromallihiwa.

Yobu 26:7

Voohikhalla ello annaanddellella eddullu ya ompoto, aannayitthomeya ellapo yavatthi.

Yeremiya 10:12

Apwiya sika yaphatusalle ellapo yavatthi ni masiviiwa, yapangille ddittheddene ni ezeru ddiwa, yahaanddellella eddullu ni eruswiiwa.

Yesaya 51:13

Ethiyo nyu ttaani wi mwaatiwalleke Apwiya, Oophatusaanyu ayo yaanddellellille ddooddullu, yakeraatthihalle matthipello a ellapo yavatthi? Ethiyo nyuwaano ttaani wi enthawi ddittheddene mooveke owalli wa athu awuuhoosani, ayo yoopaalliiwa tti owoonongani? Ethiyo vano owalli wa athu awuuhoosanaayo ori wuuwi?

Yesaya 45:18

Apwiya ayo yaphatusalle ddooddullu, Mulluku oyo oopille ni ophatusa ellapo yavatthi, ayikeraatthiha mwamasiva, khaayipangille wi muhikhalle ello koma wi ekhalle nipuro nookhallamo athu, enallota wi, “Mi sika Apwiya, khaavottho mmodda.

Yesaya 45:12

Mi sika kaphatusalle ellapo yavatthi ni omuphatusa muthu wi akhallekemo. Kahaanddellella ddooddullu ni mattaaka, kinnalamulella ddittheddene ddooddullu.

Yesaya 40:22

Ellapo yavatthi yaphatusiwe ni olliye, oyo anakhalla va mpandwaaye woomwene oddullu, anawoona athu a vatthimva wonanko middope, anaanddellella mirapo wonanko ekuwo, wonanko musasa wookhallamo.

Yesaya 40:12

Ethiyo ttaani eesille waata wa maaddi a mu enyanja ni nnatta naye apaalle orekama wa muddullu ni muwonwaaye? Ethiyo ttaani eesille ethaya ettheene ya ellapo yavatthi ni mutaanga apaalle ollemella wa miyaango ni asimiyaango vasikeloni?

Masalimo 104:2

munniihuruwella ni owala wonanko mukanjo. Moottaphurusa eddullu wonanko ekuwo yamusasa,

Malaki 1:1

Alla sika mawu a Apwiya oollota dda Israele oweella mwa Malaki.

Zekariya 9:1

Alla tti mawu oovenyera wa Apwiya oohumullulla ellapo ya Hadraki ni muzinda wa Damasiko. Khe mallokove a Israele eri ayiwa komattho

Yowele 3:21

Kineerohokollosella ddoonanara ekaamba ya ayo yiiphiwe, oochimwa ngaahiya ddiiddo oohaallaka vawi mi tti Apwiya ookhalla o Ziyoni.”

Yowele 3:19

Iguputo aneerotthattuwa echipululu, Edomu anaakhalle ntepe noohikhalla athu ekaamba ya ekhoto yahelliwe athu a o Yuda ni owiipha athu oohilakwa mwiillaponi mwiwa.

Maliro 2:14

Anamallotellaawo yaawoonella weyaano masomphenya awoottha ni oolleka. Kheyaawoonihalle ochimwa wawo wi okhalle waphaama, koma yaawooniha masomphenya awoottha ni oohollosa.

Yeremiya 50:34

Koma oovullusiiwa tti amasiva, nnddina naye tti Apwiya Amasiva Mattheene. Aneerowiimellella vamullatuni wi awiihe murendelle va ellapo yavatthi ettheene koma aneerewaahoosa athu a o Babiloni.”

Yeremiya 30:10

“We Yakobo, murummwaaka, ohoove. We Israele, ohitathille murima. Mi Apwiya koollota. Vawi Kineerewuuvullusani ovenyera o ellapo yawoorekama. Kineeroddoopollattho edduullu ddanyu ovenyera o ellapo dda wuukaporoni. Attheenenyu muneerohokollowattho, muneerokhalla ni murendelle oohikhallavo oowoopopihani.

Yobu 37:18

Ethiyo ttuuwora wonanko olliye ottaphurusa oddullu woollipa wonanko mukoko woopukutiwa phaama?

Genesis 1:8

Yoohiyaniheeyo aayiromolla “Oddullu”. Nave waakhalla misikuwa navettho waakhalla ohinase, nllapo naneepiilli.

Masalimo 134:3

Apwiya yaphatusalle oddullu ni ellapo yavatthi, yuudalise ovenyera o Ziyoni.