Zekariya 11:9 - Mawu a Mulluku

⁹ Sika kaawulleella mulloko wa enkhosoolle wi, “Ngiwa kuuweheranittho. Oyo Oophwanella okhwa akhwe, oophwanella orimeella arimeelle nave oohallanyu muttakhunaneke.”

Zekariya 11:9 ပူးပေါင်းရင်းမြစ်များ

Yeremiya 43:11

Nebukadinezara aneeromoononga Iguputo, aneerorumiha mullilli va athu oophwanella okhwa ni mullilli eneerewiiphiwa ni mullilli, oophwanella ophariwa okaporo enaaye wuukaporoni nave oophwanella wiiphiwa ni nsupada eneerewiiphiwa ni nsupada.

Yawuupullulla 22:11

Oyo ari oohilungama avirellelle okhalla oohilungama navettho oyo ari ooripihiwa avirellelle wiiripiha ni ddoonanara, oyo ari oolungama avirellelle okhalla oolungama ni oyo ari aweella wi avirellelle okhalla aweella.”

Yohane 12:35

Yesu ahaakhulla wi, “Owala onaakhalle ni nyuwaano mu enthawi yooyeva. Etani vano muriinyuna owala wi epiphi ehuuphwanyeni. Oyo aneeta mwiipiphini khanadduwella nko anayeeye.

Yohane 8:24

Sika kahuulleellani wi muneerokhwa ekaamba ya machimwaanyu vawi mwaahikhulupilila wi miyaano tti meene, muneerokhwa ekaamba ya machimwaanyu.”

Yohane 8:21

Yesu aallotattho wi, “Kinimavenyavo miyaano nave muneerokaashaasha koma muneerokhwa ekaamba ya machimwaanyu nave khamuwora oyaawo nko kinayeemi.”

Mateyu 21:43

Yesu ahaanjerera ollota wi, “Sika kinimuulleellani wi, omwene wa Mulluku oneerewaakhiwa wa nyuwaano nave oneerovahiwa wa athu amodda ayo eniimma ezipaso ddaphaama vaweerani echilungamo.”

Mateyu 21:19

Ahoona muteekho wanamukuyu mukhwipi mwa musewu aya vaavo koma khaaphwanyillevo ezipaso koma makukhuve. Vano aallota wa muteekhooyo wi, “Khawimmattho ezipaso mallapo mattheene!” Enthawi yeeyo muteekho wanamukuyooyo wahumma.

Mateyu 15:14

Muhaapwatheke! Yaayo tti oohoollella oohoona owaahoollella akhwiiwa oohoona. Vano oohoollella oohoona amuhoollella oohoona mukhwaaye, eelli attheene eneeromorihellana munllitini.”

Ezekiele 5:10

Sika makhollo eneerewaattakhuna aniiwa variyari vanyu nave anamwani eneerewaattakhuna makhollwiiwa.’ ”

Yeremiya 23:39

Sika mi mwaneenaaka kineerewuutukhullani wonanko katundu oollemella ni wuutathillellani woorekama. Kineerewuuvenyihanivo vamiitthoni vaka nyuwaano ni muzinda oyo kuuvahilleemini nyuwaano ni makhollwaanyu.

Yeremiya 23:33

Apwiya yaallota ni miyaano wi, “Yeremiya, athu yaalla, khaya tti anamallotella apaalle allupa mukutho, ttuuwuukoha wi, ‘Ethiyo othenga woollemella wa Apwiya oni tini?’ Vano owaakhulle wi, ‘Nyu sika katundu awaallemella Apwiya nave eneerewuutathillani.’

Yeremiya 19:9

Kineerewaawatihera athwaayo wi yaattakhune aniiwa aallopwana ni aatthiyana. Eneerottakhunana va enthawi yawoopiha vawaapheelliwani ni adaniiwa wi yaahoose.’ ”

Hoseya 4:6

Athwaaka ennoonongeya ekaamba ya ohidduwella. Kineerewuukhootani wi muhikirumeyelle wonanko allupa mukutho ekaamba yawi mookhoota ohuddera dda miyaano. Mootiwalla malamulo a Mullukwaanyu vano miyaanottho kineerewaatiwalla aniinyu.

Zekariya 13:8

Mwa athu araru eelli eneerewiiphiwa nave mmodda sika anaahalle ni okumi.