Zekariya 11:8 - Mawu a Mulluku

⁸ Va mweeri mmodda kahaavenyihavo abusa araru ayo yaakishihalle murima ni wiitana ni miyaano mwawi ngaawonre waavillella.

Zekariya 11:8 ပူးပေါင်းရင်းမြစ်များ

Yohane 15:18

“Athu a ellapo yavatthi yawiitani nyuwaano, upuwellani wi yaakiita miyaano ehinawiiteni nyuwaano.

Yohane 7:7

Athu a ellapo yavattheella khewiitani nyuwaano koma ennakiita miyaano kaambiiwa kinnavelleella omboni wawi mitteko ddiwa tti ddoonanara.

Yesaya 49:7

Apwiya, Aneerewoopolla ni Aweella a Israele, enallota wa oovevulliwa wunchichi, awiitiwa ni mitundu ddimodda dda athu, kaporo a mamwene eekuku wi, “Mamwene eneerewiimella moolemu voowoonani, naari enduna ddineeropopheya ekhove ddiwa.” Ddenndda ddineereye ekaamba ya Apwiya oororomelleya, Aweella a Israele ayo yuutthoollille.

Luka 19:14

Vano athu oowaniwaalle yaanamwiita nave atimullalleeye athwaayo yaamuruma oorumiwa wi allote wi, ‘Hiyaano khaninapaalla wi muthu yoolla akhalle mwenaahu.’

Hoseya 5:7

Yaheera ddoohaaroromella Apwiya wawi aniiwattho khe a Apwiya. Vano Ehakallallo ya Wooneya wa Mweeri eneerowoononga vamodda ni emata ddiwa.

Aheberi 10:38

Vano athwaaka oolungama eneerokhalla ni okumi ekaamba ya echikhulupililwiiwa. Koma yaahokollweellaka mutulli, nginahakallallana.”

Hoseya 9:15

Apwiya enallota wi, “Onanara wiwa otthewene waambeelle o Giligala. Kaambeelle wiitanana wenko. Kineerowiikariha mwiillaponi mwaka kaambiiwa makhallellwiiwa tti oonanara. Ngiwa kaakondattho, oohoollelliiwa attheene aakiwukila.

Yeremiya 14:21

Muhinitathille ekaamba ya nnddina nanyu, Muhivevulle mpandwaanyu woomwene ni wantitimiho. Upuwellani echipanganwaanyu ni hiyaano nave muhiyitathille.

Yeremiya 12:8

Yoohallanaaka yookitthattuwella mukango wamuutthakoni, enakithurumella moowalli, sika ekaambiiwa kinawiitelleemi.

Masalimo 106:40

Vano osha murima wa Apwiya wahaakharella athwiiwa, kaambiiwa yaananariwana yoohallaniiwa.

Deuteronomo 32:19

“Apwiya yoonilliiwa ddenndda, yahaakhoota athwaayo, kaambiiwa aniiwa aallopwana ni aatthiyana yaattatthamulla owalliiwa.

Levitiko 26:44

Naari ddeereyille ddittheddenndda, alliwa eri mu ellapo ya adaniiwa, ngiwa kaakhoota nave ngiitanana ophiyera voowoonongesesa ni otathilla echipanganwaaka ni alliwaayo kaambiiwa mi tti Apwiya Mullukwiiwa.

Levitiko 26:30

Kineerowoononga mapurwaanyu oollapellellamo mafano omwaangoni ni okumulla makuwaanyu oothuwiheravo lubani* nave kineerovokhella mitembo ddanyu vaddullu va mafano oohikhalla ni okumi nave kineerewuuhiya ni nyuwaano.

Levitiko 26:11

Kineerokhalla variyari vanyu nave ngiwa kuuhiyani.

Luka 12:50

Kinapaalleya ovollowa mu ddoohoosa wonanko mmo muthu anavolloweeye m'maaddini aabatiziwaka. Nave murimaaka onnahoosiwa ophiyera omanlle.

Masalimo 78:9

Vawi naari Aefuremu yaari ni miira yaathawave va nllapo na ekhoto,

Masalimo 5:5

Awiitukhulla khewora wooneyella vamiitthoni vanyu, munniitana ni athu attheene aweera ddoonanara.

Yeremiya 6:30

Alliwa tti wonanko siliva ootathilliwa vawi Apwiya ahaakhoota.”

Ezekiele 14:5

Kineerewaakopa Aisraele ayo ekihiyalle ekaamba ya mafanwiiwa.’

Ezekiele 16:45

Weyaano tti mwaana a amaayo ayo yiitanne ni amamuniwa owaaka aniiwa, Weyaano tti mwanamunniwa a asinno ayo yiitanne ni amamuniwa ni aniiwa. Amaayo yaari Muhiti nave attiittho yaari Muamori.

Hoseya 4:6

Athwaaka ennoonongeya ekaamba ya ohidduwella. Kineerewuukhootani wi muhikirumeyelle wonanko allupa mukutho ekaamba yawi mookhoota ohuddera dda miyaano. Mootiwalla malamulo a Mullukwaanyu vano miyaanottho kineerewaatiwalla aniinyu.

1 Mamwene 11:25

Rezoni aakhalla mudani a Israele mallapo mattheene a Solomoni, aanaakatamiha Aisraele monga eerella Hadadi. Nave aalamulella ellapo ya Siriya.