Zekariya 11:7 - Mawu a Mulluku

⁷ Vano kahaamba owehera enkhosa ddooya wawiiphiwanndde. Kaakusa ekopo piilli yawaamba kaayiromolla Echisomo nave yaneepiilli Mwiiwanano. Sika kaawuwehera phaama mulloko wa enkhosoolle.

Zekariya 11:7 ပူးပေါင်းရင်းမြစ်များ

Zekariya 11:14

Vatulli viwa kaayinttakattho ekopo yaneepiilli yooromolliwa Mwiiwanano wooniha omalla wa obale variyari va Yuda ni Israele.

Zekariya 11:4

Apwiya Mullukwaaka yaakilleella wi, “Wehera phaama enkhosa nnddo ddinaya wawiiphiwa.

Yesaya 11:4

Oohoowa aneeroweeruza mweechilungamo, athu shisha a va ellapo yavatthi aneerewaakamullella millatu moohiweha ekhove. Mawu muwano mwaye enaakhalle ekopo yawaallakella oochimwa, mpweya wa vayanoni vaye oneerowiipha oochimwa.

Zefaniya 3:12

Variyari vanyu kineerewaahiya awiiyeviha ni ookittha, alliwa eneerewaasha voothawellavo mu nnddina na Apwiya.

Yesaya 61:1

Munepa wa Apwiya Mulluku ari va miyaano ekaamba yawi Apwiya aakizoza. Aakirumiha wi killalleye othenga waphaama wa oohoowa wi kaallipihe ootathilla murima, kallalleye ottaphulliwa wa akaporo, navettho ottaphulliwa wa oomakeya.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

Yohane 10:16

Nave kookhallattho ni enkhosa ddimodda ddoohikhalla dda nikhollanna. Kinaphwanella kiddikusettho ddenndda nave ddineerewiiwa mawaaka. Ddineerokhalla mulloko mmodda ni ddimoddannddo ni mbusa mmodda.

Mariko 12:37

Sika Davide aamuromolla olliye wi Apwiya, Mesiya vano anaakhalle edduullu ya Davide mwawiidde?” Mulloko wa athu muullupalli watthukumannooyo waahakallalla voomwiiwani Yesu.

Mateyu 11:5

Oohoona ennoona, ooheeta enneeta, athu amakate enneellihiwa, oohiiwa enniiwa, ookhwa ennavenyihiwa navettho othenga waphaama onnallalleyiwa wa athu oohoowa.

Masalimo 23:4

Naari keeteke mu ntapo na muuthuuchi wa okhwa kheyiivo yoonanara kinaayoovekeemi, vawi nyu Apwiya munnakhalla ni miyaano, ekoondaanyu ni ekopwaanyu ddinnakiteteza.

1 Samuele 17:43

Vano Mufilistooyo aamukoha Davidooyo wi, “Onawa ni ekopo ethiyo miyaano onakeesa mwanapwa?” Vano ahaamba omutembelela Davidooyo vooromollani milluku ddaye

1 Samuele 17:40

Vano aakusa ekopo m'mattani mwaye, atota malluku aphaama a m'muhinjeni matthanu aasunga munthumbani naye na obusani. Vano akhozekille aakusa yoovokhella malluku aya wookumana ni Mufilistooyo.

Levitiko 27:32

Nave erive echigawo yaneekhumi ya eziweto eyo mbusa anaayeerengeeye, ekhalle yoopatuleyella wa Apwiya.

Masalimo 27:4

Kinaveka ello emodda wa Apwiya, ello yoopaalleya wunchichi, yawi kikhalleke mu enyumba ya Apwiya, mallapo mattheene a okumaaka, wi kihakallalleke ni oreera murima wa Apwiya, wi kaallapelleke alliwa mu enyumbiiwa.

Masalimo 90:17

Nyu Apwiya Mullukwaahu, muneerelle echifundo, mukeraatthihe nnddo nineereehu, ddawoona, mukeraatthihe mitteko dda mattaahu.

Yeremiya 39:10

Nebuzaradani, muullupalli a alonda akhoto, aahiyalle athu oohoowesesave ni oohikhalla ni erive ello mu ellapo ya o Yuda. Nave ahaavaha emata ddampesa ni emata ddimoddattho.

Yesaya 40:11

Eneeropwatha enkhosa ddiwa wonanko mbusa, eneerewaatthukumaniha anamwanankhosa ni waakhupaarella, eneeroddihoollella phaama enkhosa ddawaamwiha.

Mika 7:14

Nyu Apwiya, ahoollelleni athwaanyu ni ekopwaanyu, weherani enkhosa dda yoohallanaanyu. Vano ddinakhalla weekhiiwa muutthakoni variyari va ellapo ya ethaya yaphaama. Koma muddaakhullelle wi ddache munyepu waphaama, o Bashani ni Giliyadi, monga mallapo akhalle.