Zekariya 11:6 - Mawu a Mulluku

⁶ Apwiya enallota wi, “Sika ngiwa kimmorella ethakaraka arive muthu a va ellapo yavatthi. Kineeromvelleella arive muthu wa oohoollellaaye ni wa mwenaaye. Nave alliwaayo eneerotthollosa ellapo ettheene koma miyaano ngimuvullusa arive muthu m'mattani mwiwa.”

Zekariya 11:6 ပူးပေါင်းရင်းမြစ်များ

Yeremiya 13:14

Kineerowoopaniha miru wi enyenyane amoddamoddave, attiitthi ni aniiwa. Ngiweerella echifundo apaalle waamoriwella ethakaraka apaalle waakhululukella ophiyera kiwoonongille.”

Mateyu 22:7

Mwenoolle aasha murima wunchichi, sika ahaaruma akhotwaaye wi yawiiphe awiiphaalle ni woosa muzindiiwa.

Mika 5:8

Oohalla a Yakobo enaakhalle variyari va mitundu ddinchichi dda athu wonanko mukango variyari va enama ddamuhakani. Anaakhalle wonanko mukango onavira variyari va mulloko wa enkhosa oyo onnaddiphara ni oddikhaddulla, oohikhallavo ooddivullusa.

Masalimo 50:22

Vano ganizani phaama nndda, nyu ayo munamutiwalla Mulluku wi kineerewuukhaddullani, khaavothi anaawuuvulluseni.

Yakobo 2:13

Vawi muthu aweeruza moohikhalla ni echifundo nayeenettho Mulluku aneeromweeruza moohikhalla ni echifundo. Koma oyo ari ni echifundo khanoova echiweruzo ya Mulluku.

Aheberi 2:3

Vano, ninaavulluwe mwawiidde navevulla yoovullusa yuullupalleella? Apwiya mwaneena sika yaambille ollalleya yoovullusa yeella nave ayo yawiiwalle yaanilleella wi tti ddawoona.

1 Atesalonika 2:16

Alliwaalla yaheeseesa onihiiha hiyaano wi nihaallalleyelleke othenga athu ayo ehiri Ayuda wi evullusiwe. Mwawi ddiidda ahaanjerera machimwiiwa a nllapo ni nllapo. Nave osha murima wa Mulluku vano woophiya va yaayo!

Yohane 19:15

Yaakhuwa wi, “Mwiipheni! Mwiipheni! Mutthomeyeni vamutandani!” Pilato ahaakoha wi, “Munapaalla kimutthomeye vamutandani mwenaanyu?” Allupa mukutho uullupalli yahaakhulla wi, “Hi khaninna mwene mmodda koma Kaisarave.”

Mateyu 24:10

Nave vano anchichi eneerohiya echikhulupililwiiwa, eneeromakihana ni wiitana.

Mateyu 10:21

“Athu eneerewaakusa yaavelleelle asinniwa wowiiphiwa ni attiitthiiwa eneereweera emoddamoddave yeeyo wa aniiwa. Nave anamwani eneerewaawukila makhollwiiwa wi ewiiphe.

Malaki 4:6

Aneerowaattaniha makhollo ni aniiwa wi kihiwe ni woononga ellapwaanyu.”

Zekariya 14:13

Nllapo nenno Apwiya eneerowaapheelliha muru athu ni woova wunchichi ophiyera arive muthu aneeropharaana ni mukhwaaye ni waamba owana anayaayove.

Zekariya 11:14

Vatulli viwa kaayinttakattho ekopo yaneepiilli yooromolliwa Mwiiwanano wooniha omalla wa obale variyari va Yuda ni Israele.

Zekariya 11:9

Sika kaawulleella mulloko wa enkhosoolle wi, “Ngiwa kuuweheranittho. Oyo Oophwanella okhwa akhwe, oophwanella orimeella arimeelle nave oohallanyu muttakhunaneke.”

Zekariya 11:5

Ookulla enkhosa ennaddiipha koma khaavo anawiipa mullatu. Nave vookullihani enameeyo enallota wi, ‘Apwiya etitimiheye! Noophwanya eyuuma!’ Abusa khenamoriwa ethakaraka ni enkhosa.”

Zekariya 8:10

Vawi ehinaphiye enthawi yeeyo khevaari ollivella wa muthu apaalle enama. Khevaari muthu aweeta mwamurendelle ekaamba ya adani vawi athu attheene kaawoopaniha miru mmodda ni mukhwaaye.

Hagai 2:22

Kineeromalliha moomwene mattheene ni woononga masiva a mitundu dda athu ddittheddene. Kineerophikirisa magareta ni oowellavweene. Akavalo eneerokhwa nave oowellavo eneerewiiphanana.

Mika 6:14

Muneerekoocha koma khamuvonaka, ettalla kheyuumallellakani. Muneerekosunga ddeko koma khaddisungeyaka. Nnddo munaasungeenyu ddineerewoonongiwa ni ekhoto.

Hoseya 2:10

Vano kineerewoonihella vaweella epwillimwinddaaye wa ezibwenzi ddaye nave khaavo naari mmodda anaamwaakihere m'mattani mwaka.

Hoseya 1:6

Gomeri aakhallattho ni erukullu amuyara mwaana aamutthiyana. Apwiya yaamulleella Hoseya wi, “Omuvahe nnddina nawi Khanakondiwa. Vawi Israele ngimukondattho nave ngimukhululukella.

Ezekiele 9:10

Sika ngiweerella echifundo apaalle waamorella ethakaraka. Kineerewaallaka moollikana ni ddaweera ddiwa.

Ezekiele 8:18

Vano miyaano kineerewaallaka moosha murima, Ngaamorella ethakaraka nave ngiweerella echifundo. Naari yinlleke wa miyaano mookhuwa, ngiwaapella maaru.

Yesaya 27:11

Enthambi dda miteekho ddumma ennaddikotholla nave atthiyana ennadditota wi ddikhalle ekhuni. Athu yaalla tti oohiiwesesa. Sika oyo aaphatusalle khaamoriwella ethakaraka nave oyo aapangille khaweerella echifundo.

Yesaya 3:5

Athu eneerekohoosana, arive muthu omuhoosa mukhwaaye. Asombwe eneerekoweerella epewe attekweene nave athu shisha eneerekewaavevulla oophwanella ovahiwa olemu.

Maliro 2:21

Ang'onong'ono ni uullupalleene, mitembo ddiwa ddiri pichillipichilli m'misewuni. Anamwallaaka ni asombwaaka ahiiphiwa ni nsupada. Moowiipha va nllapo na osha murima wanyu, moowiipha moohimoriwa ethakaraka.

Maliro 5:8

Akaporo sika enanilamulella, khaavo naari mmodda oonaakihera m'mattani mwiwa.