Zekariya 11:14 - Mawu a Mulluku

¹⁴ Vatulli viwa kaayinttakattho ekopo yaneepiilli yooromolliwa Mwiiwanano wooniha omalla wa obale variyari va Yuda ni Israele.

Zekariya 11:14 ပူးပေါင်းရင်းမြစ်များ

Yesaya 9:21

Amanase ni Aefuremu enawana amoddamoddave navettho eellaalla vamodda enawana ni Yuda. Komave osha murima wa Apwiya khonaamallelle ekaamba ya ddenndda nave muwonwiiwa tti woottaphurusattaphurusa wi yaallake.

Yakobo 3:16

Vawi vano vakhalla ehache ni wiikonda, vinnakhallattho waanganyereya ni ddoonanara ddoohiyanahiyana.

Yakobo 3:14

Koma mwakhalla ni ehache yuullupalli ni wiikonda m'murimani mwanyu, muhikoteke ni ovaanyihana ni yawoona voollotani ddawoottha.

Agalatiya 5:15

Nave mwaakhallaka wonanko enama ddamuhakani, mwaallumanaka ni ochana, muchenjere wi muhoonongane attheene.

Mateyu 24:10

Nave vano anchichi eneerohiya echikhulupililwiiwa, eneeromakihana ni wiitana.

Zekariya 11:9

Sika kaawulleella mulloko wa enkhosoolle wi, “Ngiwa kuuweheranittho. Oyo Oophwanella okhwa akhwe, oophwanella orimeella arimeelle nave oohallanyu muttakhunaneke.”

Zekariya 11:7

Vano kahaamba owehera enkhosa ddooya wawiiphiwanndde. Kaakusa ekopo piilli yawaamba kaayiromolla Echisomo nave yaneepiilli Mwiiwanano. Sika kaawuwehera phaama mulloko wa enkhosoolle.

Yesaya 11:13

Ehache ya Efuremu eneeromalla nave oomuhoosa Yuda eneerewoonongiwa. Efuremu khawattho amukhallella ehache Yuda nave Yuda khawa amukatamiha Efuremu.

Zekariya 11:6

Apwiya enallota wi, “Sika ngiwa kimmorella ethakaraka arive muthu a va ellapo yavatthi. Kineeromvelleella arive muthu wa oohoollellaaye ni wa mwenaaye. Nave alliwaayo eneerotthollosa ellapo ettheene koma miyaano ngimuvullusa arive muthu m'mattani mwiwa.”

Ezekiele 37:22

Kineerewaatthattusa amodda mwiillaponimmo, o miyaango dda Israele nave eneerokhalla ni mwene mmodda. Khekhalla mitundu miilli apaalle okawaneya mamwene meelli.

Mariko 3:24

Orive omwene wakawaneya va weekhiiwa ni owana, khollekella omalla.