Zekariya 11:11 - Mawu a Mulluku

¹¹ Sika echipanganweeyo yaamalla nllapo nenno nave ookulliha enkhosa ayo yakiwehesesa yaadduwella wi ddittheddene keereemi ddaari ddoovenyera wa Apwiya.

Zekariya 11:11 ပူးပေါင်းရင်းမြစ်များ

Zefaniya 3:12

Variyari vanyu kineerewaahiya awiiyeviha ni ookittha, alliwa eneerewaasha voothawellavo mu nnddina na Apwiya.

Luka 19:48

Koma kheyaaphwanyille ettilla yoomwiiphella kaambiiwa athu attheene yamwiiwenlle yahaakonda mawaaye wunchichi sika kheyaapaalla ohiyanana.

Luka 7:22

Yesu aawaakhulla oorumiwa a Yohane wi, “Hokollowani mwamulleelle Yohane dda ddeko mwiiwalleenyu ni moonilleenyu. Oohoona ennoona, ooheeta enneeta, athu amakate enneellihiwa, oohiiwa enniiwa, ookhwa ennavenyihiwa navettho othenga waphaama onnallalleyiwa wa athu oohoowa.

Luka 2:38

Va enthawi yeeyo aayattho wa Mariya ni Yosefe, aamba omutitimiha Mulluku, allotakattho dda mwaanooyo wa attheene ayo yatiyera wi Mulluku amoopolle Yerusalemu.

Luka 2:25

Mallapo yaayo waakhalla mullopwana o Yerusalemunko nnddina naye Simiyoni. Aari muthu oolungama, oomwiiwellella Mulluku, atiyera enthawi yawi Mulluku aavulluse a Israele nave Munepa Waweella aari va olliyooyo.

Mika 7:7

Koma miyaano, kinaaroromelle Apwiya. Murimaaka kinaahiye va Mulluku Oovullusaaka vawi Mullukwaaka aneerokiiwa.

Yesaya 40:31

Koma ayo enaaroromella Apwiya, eneerewaakhella masiva anaanweene, eneerovava wonanko mpungu. Eneerekothamaka koma oohitopa, eneerekeweeta koma oohivelleveddeya.

Yesaya 14:32

“Ethiyo ninaawaakhulle tini Afilisti? Ninaallote wi, ‘Apwiya aamukeraatthiha Ziyoni nave mu muzinda yoolla athwiiwa oohoosiwa ennaphwanyamo voovulluwellavo.’ ”

Yesaya 8:17

Kineerewaatiyerella Apwiya ayo yiipitthihalle ekhoviiwa va nibanja na Yakobo nave kineereewaatiyerellesesa.

Masalimo 69:33

Valle Apwiya ennawiiwa athu oohoowa, khenaavevulla athwiiwa oomakiwa ni onyolo.

Deuteronomo 31:29

Kinnadduwella wi miyaano kakhwa, attheenenyu muneeronanara murima nave muneerohiya ettilla kinuulamuleemininndda. Koma vatulli viwa, muneerokumana ni ddoohoosa ddawoopiha ddinchichi ekaamba yaweera ddoonanara vamiitthoni va Apwiya ni ottatthamulla owalliiwa ni mafano munaapangeenyu.”

Deuteronomo 31:21

Sika ddoohoosa ddawoopiha ddaamorella, nchipo nenna ninaakhalle wonanko omboni wowaavaanyiha ekaamba yawi edduullu ddiwa ddineerekewiipave. Vawi kinnadduwella nnddo enaganiziiwa naari kihinaavollochihe mu ellapo eyo kallupenlleemi wi kineerewaavaha.”

2 Epilli 9:14

oohimweerengella oyo avenyera wa allupa malonda. Nave mamwene mattheene a o Arabiya ni enduna dda mwiillaponimmo yaanawa wa Solomoni ni golide ni siliva.

Yeremiya 32:8

Wonanko mmo Apwiya yallotelliiwa, Hanamele musuwanaaka aakaaryeryella o nthato na alonda. Olliye aallota wi, ‘Kulla emataaka o Anatoti mu ellapo ya Benjamini vawi weyaano sika oophwanella wi woopolle wi ekhalle yoohallanaawo. Sika kaadduwella wi olla tti othenga wa Apwiya.