Zekariya 10:9 - Mawu a Mulluku

⁹ Naari kaapallalleselle variyari va mitundu, komave o ellapo ddawoorekamannddo eneerokuupuwella. Alliwa ni aniiwa eneerovulluwa, eneerohokollweella owaniwa vamodda.

Zekariya 10:9 ပူးပေါင်းရင်းမြစ်များ

Ezekiele 6:9

Vano oovulluwa mwa nyuwaano eneerokuupuwella variyari va athu a mitundu ddimoddaayo nko enaapharelliiwawo okaporo. Kineerewaamoriha ethakaraka nave kineerewaawulliha muru ekaamba ya ohiroromelleya wiwa nave owukila wiwa wulle ekaamba yoohiya murimiiwa va mafano. Ddineerewaananara aneeniiwa vawoonanani ddoonanara ddittheddene nnddo yeerilliiwa vamodda ni ddaweera ddiwa ddoonanara.

Mika 5:7

Oohalla a Yakobo enaakhalle variyari va mitundu ddinchichi dda athu wonanko nikame noovenyera wa Apwiya. Enaakhalle wonanko murimu oorupella vamanasini moohiselliwa vawi khanatiyera olamuliwa ni muthu.

Hoseya 2:23

Kineerommidda mwiillaponi wi akhalle aaka. Kineerewooniha echikondi wa ‘Khakondiwa.’ Athu ayo kaaromolleemi wi ‘Khe athwaaka,’ kineerewaaromolla wi, ‘Athwaaka.’ Nave alliwa eneerollota wi, ‘Mullukwaahu.’ ”

Yeremiya 31:27

Apwiya enallota wi, “Enthawi enimawa mvo kinaadaliseemi ellapo ya Israele ni Yuda ni athu anchichi nave ni eziweto ddinchichi.

Yesaya 65:23

Khewa ephara mutteko nivuddo apaalle waayarella anamwani wi yoone otulli kaambiiwa enaakhalle athu oodalisiwa ni Apwiya alliwa ni edduullu ddiwa.

Yesaya 65:9

Kineerokhumiha edduullu mwa Yakobo ni mwa Yuda nave eneerewaakhella ellapwaaka yamiyaango wi ekhalle yoohallaniiwa. Ddawoona, athwaaka ootthoolliwa eneerewaakhella, oorumeyellaaka eneerokhalla wenko.

Estere 8:17

Mu ezigawo ddittheddene ni mu mizinda ddittheddene mmo mwaphiyalle mawu a mwene oollalleya lamulonne, mwaakhalla ohakallalla ni ottaphuwa variyari va Ayuda. Naari nllapo na ehakallallo ni nawiithuuwa, noohiphara mutteko. Sika athu a malloko ddinchichi mu omwenooyo yahaamba wiiromolla wi tti Ayuda vawi yaanawoova wunchichi Ayuda.

Nehemiya 1:9

koma Mwahokollowella wa miyaano ni wiiwellella malamulwaaka ni oweera, kineerewuutthukumanihani ni wuuphiyihani o nipuro katthoonlleemi wi athu ellapellekewo nnddina naka naari mupallalleyelle o mamallihello wa ellapo yavatthi.’ ”

Yeremiya 51:50

Apwiya enallota ni athwiiwa a o Babiloni wi, “Nyu muvulluwalle o nsupada na Babiloni, muvenyevo, muhiselliwe! Muwuupuwelle Apwiya ni Yerusalemu naari murekamenlle ni owaninyu.

Amosi 9:9

“Vawi kineerolamula, kineerewaatikhella Aisraele nngu ni nngu variyari va mitundu ddittheddene dda athu wonanko mmo enaveethella etthello ovenyihamo ddoohikhalla ni mutteko ddittheddene.

Aroma 11:24

Nyu athu ayo ehiri Aisraele muri wonanko enthambi ya muteekho wa olivi wa muhakani oyo wunttakiwe nave omakellelliwa va muteekho wa olivi wawaalliwa. Sika ddinaakhalle ddoohikatamiha Mulluku ollundellella enthambi ddawiinttakeya ddenndda o muteekhwiiwa wa olivi.

Mitteko 8:4

Ookhulupilila yapallallesiwaayo yaaya mu echigawo ettheene, ellalleyaka othenga waphaama.

Mitteko 8:1

Nave Saulo aaniiwanana ni wiiphiwa wa Sitefanonko. Nllapo nene nenno mpingo wa o Yerusalemu wahaamba ohoosiwa wunchichi. Ookhulupilila attheene waahiya amurummwa, yaapallalleyella mu echigawo ya Yudeya ni ya Samariya.

Yesaya 44:21

Apwiya enallota wi, “We Yakobo, upuwella nndda vawi weyaano tti oorumeyellaaka, we Israele. Kahuuphatusa, weyaano tti oorumeyellaaka, we Israele ngiwa kuutiwalla.

Yesaya 64:4

Waambeella khalle khaavo oyo oonille apaalle iiwalle dda Mulluku mmodda oollikana ni nyuwaano, ooweerella ddawi ddiidda athu ootiyerella va olliye.