Zekariya 10:8 - Mawu a Mulluku

⁸ “Kineerewiipa mutturu wi athwaaka etthukumane vamodda. Kineerowoopolla nave eneerewaata wonanko mmo yakhallelliiwa khalle.

Zekariya 10:8 ပူးပေါင်းရင်းမြစ်များ

Yesaya 5:26

Apwiya eneerewiimesa embendera wiithana mutundu wa athu oovenyera woorekama. Eneerowiithana athwaayo ni mutturu wi ewe ovenyera woomallihella wa ellapo yavatthi ettheene nave alliwa eneeroowa moothamaka wunchichi.

Yesaya 7:18

“Enthawi yeeyo Apwiya eneerowiipella mutturu Aiguputo nave eneeroowa anchichi wonanko engwillihi ovenyera wookomella enthambi dda muhinje wa Nailo. Eneerowiipellattho Aasiriya nave eneeroowa anchichi wonanko enwi.

Yeremiya 33:22

Kineeroddiruuwiha edduullu dda oorumeyellaaka Davide ni oorumeyellaaka allupa mukutho Aalevi nave enaate wonanko etheneeri ddooddullu apaalle muhava wa mukhwipi mwa enyanja.”

Hoseya 1:10

Aisraele eneerewaata wonanko mihava dda mu enyanja nnddo ohinaaworeewe owulinga ni oweerenga. Vano vanipuroni mvo yalleelliwiiwa wi, “Nyu khe athwaaka,” vaavottho aneerewaaromolla wi, “Anamwani a Mulluku Ookumi”

Yawuupullulla 22:17

Munepa Waweella vamodda ni Ootthelliwa eni, “Waani!” Arive muthu oyo aniiwa, anaphwanellattho ollota wi, “Waani!” Arive muthu arina nthona awe, oyo anapaalla, aakhelle maaddi ookumi moohillivella.

Mateyu 11:28

“Waani wa miyaano attheenenyu ootopa ni oollemelliwa m'murimani mwanyu, miyaano kineerowiithuuwihani.

Zekariya 9:11

Apwiya enallota wi, “Ekaamba ya echipanganwaaka ni nyuwaano eyo yallipihiwe ni nikhame na mikutho, kineerewaakhumiha mu nlliti noohikhalla ni maaddi athwaanyu ayo erive wuukaporoni.

Yesaya 51:11

Ayo mwawooponlleenyu eneerohokollowa, eneerophiya o Ziyoni nchipo niri vayanoni, othapella woohimalla eneerewooneya va ekhove ddiwa. Eneerokhalla ni ehakallallo ni ottaphuwa, ethakaraka ni wiipullella ddineeromalla.

Yesaya 44:22

Kooddivenyihavo ddoolakwa ddawo wonanko murapo, machimwaawo wonanko ethapo, hokollowella wa miyaano vawi koowoopolla.”

1 Mamwene 4:20

Athu a o Yuda ni a o Israele yaari anchichi, ooheerengeya wonanko mihava dda mukhwipi mwa enyanja. Yaanacha ni owirya navettho yaanahakallalla.

Eksodo 1:7

Koma Aisraele, edduullu ddiwa, yahaayara anamwani anchichi. Yaaruuwa, yahaata ekhalla amasiva manchichi nave eddalla ellapweeyo.

Yawuupullulla 7:9

Ddimallille ddenndda kahoona masomphenya a mulloko muullupalli wa athu ooheerengeya! Yavenyenre mu orive mutundu, nirive nlloko, erive ellapo ni erive ellotello nave yahiimella vamiitthoni va mpando woomwene ni mwaanaankhosa, ewanre ddoowara ddaweella nave ephareelle enthambi dda kanjeza m'mattani mwiwa.

Yesaya 7:19

Attheenaayo eneerophiya ni okeraattheya o mapuro mattheene a matapo oowallamella, mitthari dda m'mallukuni, mu makukhu a miiwa ni mapuro oochihellawo enama.

Yesaya 48:20

Khumani mu ellapo ya Babiloni, thawani mu ellapo ya Akaldeya. Mullalleye ni okhuwa wunchichi ophiya o makomello a ellapo yavatthi, voollotani wi, “Apwiya ennamoopolla Yakobo, oorumeyelliiwa.”

Mika 2:12

“Koma nyu a nibanja nittheene na Yakobo, kineerewuutthukumanihani. Attheene oohalla a Israele, kineerewuutthukumanihani vamodda wonanko enkhosa munikhollani, wonanko mulloko wa eziweto vamunyepuni viwa. Nipuronno nineeroddalla ni waata wa athu.”