Zekariya 10:7 - Mawu a Mulluku

⁷ Aefuremu enaakhalle wonanko akhoto amasiva, eneerohakallalla wonanko athu oomuvona vinyo. Aniiwa eneeroddoona ddenndda, eneerohakallallattho m'murimani mwiwa muneeroddalla othapella, ekaamba ya nnddo yeerille Apwiya.”

Zekariya 10:7 ပူးပေါင်းရင်းမြစ်များ

Zekariya 9:15

Apwiya Amasiva Mattheene eneerowaakiha, alliwa eneerewaapambana ni waagonjiha adaniiwa vawaavokhani malluku, eneerowirya nikhame na adaniiwa nngu ekhuwaka wonanko emuvonille vinyo. Nikhamenno nineereweetellella wonanko na mukutho, nawiithellelliwa ni kapu va nikuwa.

1 Petro 1:8

Munnamukonda naari muhimonne nave munnakhulupilila mwa yooyo naari vano muhimonne. Sika munnahakallalla wuullupalli ni murimaanyu muttheene,

Afilipi 4:4

Hakallallani mu eyaattano ni Apwiya enthawi ddittheddene! Kinallotattho yeella wi, hakallallakani!

Mitteko 2:26

Ekaamba ya yeella murimaaka woohakallalla, mawaaka aaddalla ni ohakallalla! Kineerokhallana ni otiyerella,

Yohane 16:22

Vano nyuwaano munnakhupanya koma kineerowoonanittho nave mirima ddanyu ddineeroddalla ni ohakallalla. Nave khaavo anawaakheni ohakallalla wanyunko.

Luka 1:47

nave munepaaka wohakallalla ekaamba ya Mulluku, oovullusaaka,

Zekariya 9:17

Ellapweeyo enaakhalle yooreeresesa, tirigu aneerewaallipiha asombwe, vinyo musha anerewaareeriha anamwalli.

Zefaniya 3:14

Nyu athu a o Ziyoni, ipani moowelliha, nyu Aisraele, khuwani. Hakallallani, thapellani ni murimaanyu muttheene, nyu ookhalla mu Yerusalemu.

Habakuku 3:18

kineerohakallalla ni okotella mwa Apwiya kaambiiwa Apwiya Mulluku tti oovullusaaka.

Yeremiya 32:39

Kineerewaavaha murima mmodda ni meetello mamodda wi ekooveke enthawi ddittheddene. Sika alliwa ni aniiwa ddeko ddineerekoweetella phaama.

Yesaya 66:14

Muneerohakallalla vawoonani ddenndda vawi makhuvaanyu eneerewunnuwa wonanko munyepu. Sika muneerodduwella wi mi Apwiya kinnaakavihera oorumeyellaaka nave kinnaananariwella adanaaka.”

Yesaya 38:19

Ookumi, ookumive ennuutitimihani, wonanko kineerelleemimmu. Attiitthi ennaalleella aniiwa dda ororomelleya wanyu.

Masalimo 104:15

ni vinyo wi ahakallalliheke murimaaye, makhura awiihella wi mwiilli woolloweke, buledi wi amuvaheke masiva.

Masalimo 102:28

Anamwani a hiyaano oorumeyellaanyu eneerokhalla mwamurendelle, edduullu ddahu ddineerokeraattheya vamiitthoni vanyu.”

Masalimo 28:7

Apwiya sika masivaaka, alliwa tti echishangwaaka. Murimaaka onnaaroromella, vawi alliwa aakikavihera. Sika murimaaka woohakallalla, kinnathokoza ni echipwaaka.

Masalimo 13:5

Koma miyaano kinaroromella echikondaanyu yoohisintheya, murimaaka oneerohakallalla kaambiiwa mookivullusa.

1 Samuele 2:1

Hana aavekella wi, “Murimaaka onnahakallalla ekaamba ya nnddo ekeerelle Apwiya. Kinneeta moorumiha mukhito ekaamba ya Apwiya, kinnaattheya adanaaka, koohakallalla wunchichi vawi mookivullusa.”

Genesis 43:34

Yoocheeyo yakawiwa ovenyera va tebulo ya Yosefe koma yoocha yoovelleelliwa wa Benjamini yaari yawaata wonanko ya athu atthanu. Sika attheenaayo yaacha ni owirya ni Yosefe ophiyera yaavona nave yaahakallalla nimodda ni olliye.

Genesis 18:19

Koomutthoolla olliyoolla wi aalamule anaaye ni mabanjaaye amuhoollo wi yiiwellelleke mawaaka vaweerani ddaphaama ni ddoolungama. Yeera ddenndda, kineereweera ddittheddene kamulonjezilleemi.”

Mitteko 13:33

Vano ddookwakhwanihiwa wa hiyaano edduullu ddiwa, Mulluku voomuvenyihani Yesu wa ookhwa. Moollikana ni ddalembiwe mu nchipo naneepiilli wi, ‘Weyaano tti Mwanaka, ollello kohuuyara weyaano.’

Mitteko 2:39

Vawi olonjeza wenko tti wa nyuwaano ni wa aniinyu ni athu attheene ayo eri woorekama, attheene ayo Mulluku Apwiihu anaawiithaneeye.”

Masalimo 90:16

Onihani mitteko ddanyu wa oorumeyellaanyu, masiva antitimiho nanyu wa aniiwa.

Masalimo 33:21

Mirima ddahu ddinnahakallalla mwa Apwiya, vawi ninnatiyera nnddina niwa naweella.

Yesaya 54:13

Anaawo attheene eneerohuddihiwa ni mi Apwiya, kineerewaadalisa ni waavaha murendelle munchichi.

Ezekiele 37:25

Eneerokhalla mu ellapo eyo kamuvahilleemi oorumeyellaaka Yakobo nko wakhalla makhollwaanyu. Alliwaayo, aniiwa ni edduullu ddiwa eneerokhalla wenko wa enthawi yoohimalla. Nave oorumeyellaaka Davide aneerokhalla oohoollelliwa wa enthawi yoohimalla.

Yowele 2:23

Nyu athu a o Ziyoni, hakallallani thapellani ni nnddo Apwiya Mullukwaanyu eweerelleewani. Aaweerellani echifundo voomurupihani murimu eeyitta, ntthokollapallaka ni murimu awaallella.

Yesaya 25:9

Nllapo nenno arive muthu aneerollota wi, “Olla sika Mullukwaahu! Naamuroromella wi aneeronivullusa vawi olliye tti Apwiya. Naamuroromella vano hankoni nihakallalle ni othapella ekaamba yawi oonivullusa.”

Zekariya 12:8

Nllapo nenno Apwiya eneerewaateteza ookhalla o Yerusalemu mwawi athu oofooka wunchichi mwa alliwa enaakhalle amasiva wonanko Davide. Sika nibanja na Davide ninaakhalle noolamulella wonanko Mulluku, wonanko mungelo a Apwiya awaahoollella.