Zekariya 10:6 - Mawu a Mulluku

⁶ “Nibanja na Yuda kineeronillipiha, edduullu dda Israele kineeroddaakiha. Athwaayo kineerewaahokollosella owaniwa kaambiiwa kooweerella echifundo. Sika enaakhalle wonanko ngaatathinlle vawi mi tti Apwiya Mullukwiiwa, kineerowaakhulla ddooveka ddiwa.

Zekariya 10:6 ပူးပေါင်းရင်းမြစ်များ

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Zekariya 10:12

Kineerewaallipiha athwaaka, eneereweeta moollapella mu nnddina naka, mi Apwiya koollota.”

Yeremiya 3:18

Mallapo yaayo nlloko na Yuda ottakanyiherana ni nlloko na Israele. Attheene vamodda eneerovenyera o ya ompoto oya o ellapo kaavahilleemi makhollwiiwa wi ekhalle yayiwayayiwa.”

Zekariya 8:11

Koma vano athu oohalla ngiweerella moollikana ni mmo kaaweerelleemi athu khalle. Mi Apwiya Amasiva Mattheene koollota.

Hoseya 1:11

Athu a o Yuda ni o Israele aneerewaatthukumanihattho vamodda nave eneeromutthoolla oohoollella mmodda. Vano eneerokhuma mwiillaponi mwiwa vawi nllapo na Yezireele ninaakhalle nllapo nuullupalli.

Ezekiele 36:37

“Mi Apwiya Mulluku kinallota wi, ‘Kineerowaakhullellattho Aisraele wi ekiveke nnddo enapaalliiwa wi kiweerelle. Kineerewaaruuwiha athwiiwa wonanko enkhosa.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Mika 7:16

Mitundu dda athu vawoonani ddenndda ddineerowulliwa muru naari ddikhalleve ni masiva awiidde. Eneeromaalla nave eneerokhoowa owaruni mootathilla murima.

Mika 5:8

Oohalla a Yakobo enaakhalle variyari va mitundu ddinchichi dda athu wonanko mukango variyari va enama ddamuhakani. Anaakhalle wonanko mukango onavira variyari va mulloko wa enkhosa oyo onnaddiphara ni oddikhaddulla, oohikhallavo ooddivullusa.

Mika 4:13

“We Ziyoni, amba wuuputha vawi kineerewuutthattusa amasiva wonanko manyaka amukoko, wonankottho manyallo amukuwa. Oneeronyenya mitundu ddinchichi dda athu nave nnddo yaphuralliiwa oneeroddivelleella wa Apwiya. Eyuumiiwa oneeroyivelleella wa Apwiya a ellapo yavatthi ettheene.”

Hoseya 2:23

Kineerommidda mwiillaponi wi akhalle aaka. Kineerewooniha echikondi wa ‘Khakondiwa.’ Athu ayo kaaromolleemi wi ‘Khe athwaaka,’ kineerewaaromolla wi, ‘Athwaaka.’ Nave alliwa eneerollota wi, ‘Mullukwaahu.’ ”

Yesaya 14:1

Apwiya eneereweerella echifundo nibanja na Yakobo, eneerewaatthoollattho Aisraele ni owaakhullella wi ekhallettho mu ellapwiiwa. Athu ayo ehiri Aisraele eneerokhalla nimodda ni ollundellelleyana ni nibanja na Yakobo.

Ezekiele 39:25

“Vano mi Apwiya Mulluku kinallota wi, ‘Vano a nlloko na Yakobo kineerewaahokollosella vaphaama. Aisraele attheene kineeroweerella echifundo. Kineeroniteteza nnddina naka naweella.

Ezekiele 37:16

“We mwaana a muthu, kusa ekopo olembevo wi, ‘Ya Ayuda ni Aisraele awiiwananana.’ Vano okuse ekopo emodda olembevo wi, ‘Ya Aefuremu,’ sika wi nlloko na Yosefe, ni Aisraele attheene awiiwananana.

Ezekiele 36:11

Kineerewaaruuwiha athwaanyu owaaka eziweto ddanyu. Aneerewaata nave eneerewaayara anamwani anchichi. Kineeroweerihani wi mukeraattheye wonanko khalle nave kineeroweerellani ddaphaama okhwaranya khalle. Sika muneerodduwella wi mi tti Apwiya.

Yeremiya 31:31

Apwiya enallota wi, “Mallapo enimawa mvo kinaakeraatthiheemi echipangano yanaanweene ni athu a o Aisraele ni a o Yuda.

Yeremiya 31:20

We Efuremu, mwanaka a vamurimani, mwaana oyo kinahakallalleemina. Enthawi ddittheddene kaamuhumullullaka, kinnavirellella omuupuwella mwa echikondi vawi murimaaka onnampaallesesa, kineeromweerella echifundo.

Yeremiya 31:1

Apwiya enallota wi, “Va enthawi yeeyo kineerokhalla Mulluku a mabanja mattheene a Israele nave alliwa eneerokhalla athwaaka.

Yeremiya 30:18

Apwiya enallota wi, “Kineerohokollosellattho nibanja na Yakobo o ellapwiiwa, kineerewooniha echikondaaka omapuronaaye mattheene. Muzinda wa Yerusalemu oneeromakiwattho va ntepe nakhalle enyumba yoomwene eneeromakiwattho vanipuroni viwa.

Yeremiya 23:6

Va enthawi yoomwenaaye, Yuda aneerovulluwa nave Israele aneerokhalla vamurendelleni. Mwenooyo anaaromolliweke wi ‘Apwiya sika echilungamwaahu.’

Masalimo 89:21

Sika nnatta naka nineerekomuseera, muwonwaakattho oneerekomullipiha.

Mika 4:6

Apwiya enallota wi, “Va nllapo nenno kineerewaatthukumaniha oottutthunya, awiikariwa owaniwa navettho ayo kaallakilleemi.

Obadiya 1:18

Athu a Yakobo enaakhalle wonanko munllo, athu a Yosefe enaakhalle wonanko mallumi amunllo. Eneerowoononga athu a Esau wonanko munllo onashellellihiiwa makoto, khekhallavo edduullu ya Esau enaavulluwe. Mi Apwiya koollota.”

Hoseya 1:7

Koma kineerowoonihella echifundo athu a Yuda nave kineerewaavullusa ni masivaaka, mi Apwiya Mullukwiiwa,” oohikhalla ni muura, nsupada, akavalo ni oowella va akavalo.

Yesaya 11:12

Eneerewiimesella embendela mitundu ddittheddene dda athu nave eneerewaatthukumaniha oorimeella a o Israele ni oopallalleya a o Yuda ovenyera o makona matthanu mattheene a ellapo yavatthi.

Yesaya 54:4

Ohoove kaambiiwa khewa yuunyaambusattho, ohitathille murima vawi khewa yuuvevullattho. Oneerotiwalla nnddo dduuwulliha muru va esombwaawo, owulliwa muru wa onaamukhwellaawo khowuupuwellattho.

Yesaya 54:8

Kahuuhiya va enthawi yooyeva, kishille murima wunchichi koma ni echikondaaka yoohisintheya wa enthawi yoohimalla kineerewuumorella ethakaraka.” Apwiya, Oovullusaawo, sika enallota.

Zekariya 1:16

Sika ekaambiiwa kihokollweelleemi o Yerusalemu ni murima weechifundo. Enyumbaaka eneeromakiwattho wenko nave eneerokusattho mukwe woolingella wi emakettho muzinda wa Yerusalemu, Mi Apwiya Amasiva Mattheene koollota.’

Zekariya 9:16

Nllapo nenno Apwiya Mullukwiiwa eneerewaavullusa, vawi athwiiwaayo tti wonanko enkhosa. Mwiillaponi mwiwa athwaayo eneeronyezimella wonanko malluku oowallamella mutengo va enduwira yoomwene.

Yeremiya 30:20

Aniiwa eneerokhallattho wonanko yakhallelliiwa khalle, mutthukumano muttheene kineerowukeraatthiha kineerewaallaka attheene awaahoosa.

Hoseya 14:9

“Oyo aniiwesese addisunge. Vawi ettilla dda Apwiya tti ddoolungama nave oolungama enneetamo koma oochimwa ennakwakwatuwamo.”

Mika 5:3

Ekaamba ya yeella Mulluku aneerewaahiya Aisraele ophiyera mutthiyana amuyanre mwaana. Vaavo oohalla a mutundwaaye eneerohokollweella wa Aisraele akhwiiwa.