Zekariya 10:5 - Mawu a Mulluku

⁵ Ayuda attheene vamodda enaakhalle wonanko akhoto amasiva awaanyingallella adani m'musewuni enthawi yakhoto. Eneerowana ekhoto ekaamba yawi Apwiya eri ni alliwa nave eneerewaagonjiha adani oowella va akavalo.

Zekariya 10:5 ပူးပေါင်းရင်းမြစ်များ

Hagai 2:22

Kineeromalliha moomwene mattheene ni woononga masiva a mitundu dda athu ddittheddene. Kineerophikirisa magareta ni oowellavweene. Akavalo eneerokhwa nave oowellavo eneerewiiphanana.

Zekariya 12:8

Nllapo nenno Apwiya eneerewaateteza ookhalla o Yerusalemu mwawi athu oofooka wunchichi mwa alliwa enaakhalle amasiva wonanko Davide. Sika nibanja na Davide ninaakhalle noolamulella wonanko Mulluku, wonanko mungelo a Apwiya awaahoollella.

Zekariya 9:13

Kineeromukunga Yuda wonanko muura wa akhoto, Efuremu sika anaakhalle mpaambiiwa. We Ziyoni, kineerewaakusa anaawo, wi ellipane ni anaawo, we Grisi, wonanko nsupada na akhoto amasiva.”

Masalimo 20:7

Amodda enaaroromella magareta akhoto, amodda enaakotella akavalo koma hiyaano ninakotella nnddina na Apwiya Mullukwaahu.

2 Timoteo 4:7

Koowana ekhoto yaphaama, koomalliha mujaho woothamaka nave koosunga echikhulupililo.

2 Akorinto 10:4

Ezida ninaphariheehu mutteko voowanani khe dda athu a va ellapo yavatthi koma tti masiva a Mulluku ayo ninaaphariheehu mutteko vawoonongani mipanda ddoollipa. Ninnaagonjiha maganizo oolleka

Mitteko 7:22

Nave Mose aahuddihiwa ezeru ddittheddene dda o Iguputo nave akhalla muthu amasiva mu mawu ni mu ddaweera ddaye.

Luka 24:19

Yesu ahaakoha wi, “Ddawiidde?” Yahaakhulla wi, “Ddeko ddeereyille wa Yesu a o Nazareti. Muthu yoolla aari namallotella nave mitteko ddaye ni mawaaye ddaari ddamasiva vamiitthoni va Mulluku ni athu attheene.

Mateyu 4:3

Vano Satanoolle aawa amweesa voollotani wi, “Nyu mwaarimi muri Mwaana a Mulluku lamulani mallukwaalla wi etthattuwe yoocha.”

Zekariya 14:13

Nllapo nenno Apwiya eneerowaapheelliha muru athu ni woova wunchichi ophiyera arive muthu aneeropharaana ni mukhwaaye ni waamba owana anayaayove.

Zekariya 14:3

Vatulli viwa Apwiya eneeroowa wi ewane ni adanaayo wonanko yeerelliiwa nllapo na ekhoto.

Zekariya 12:4

Nllapo nenno kineeromoopopiha mowaapheelliha muru arive kavalo nave oowellavo kineeromusavulla. Kineeroniwehera nibanja na Yuda koma akavalo attheene a adaniiwa kineerewaatthattusa oohoona.

Mika 7:10

Adanaaka vawoonani ddenndda eneerowulliwa muru vawi yaanallota wi, “Ari wuuwi Apwiya Mullukwaawo?” Vano kineerewoona ni miitthwaaka enyingallelliwaka wonanko matokwi m'musewuni.

Amosi 2:15

Amiira khawa allipattho, oothamakesesa khavulluwa, oowella va akavalo khavullusa okumaaye.

Ezekiele 38:15

Oneerovenyera m'mapuroni mwawo, m'malireni a ompoto vamodda ni mitundu ddinchichi dda athu, oowella va akavalo ni mulloko muullupalli ni akhoto amasiva.

Yesaya 41:12

Oneerowaashaasha ayo yallipana ni weyaano koma khuwaaphwanya. Ayo yawana ni weyaano khekhalla ello.

Yesaya 25:10

Apwiya eneeroteteza mwaangwiiwa ni nnatta niwa koma Amowabu eneeronyingallelliwa wonanko manyowa munllitini.

Yesaya 10:6

Kinamuruma wa mutundu woohipwatha dda Mulluku nave kinamulamula wi aye wa athu ayo kaananariwelleemi wi atthukumanihe ni waakha eyuumiiwa ettheene ni waanyingallella wonanko matokwi a m'musewuni.”

Yesaya 8:9

Nyu mitundu ddimodda dda athu tthukumanani mwawoova nave mutthukumelle. Nyu ellapo ddittheddene, iwesesani. Warani ddakhoto komave muneerokotholliwa. Ddawoona, warani ddakhoto komave muneerewinttakiwa.

Masalimo 45:3

Nyu amasiva, makellellani nsupada nanyu muyuununi, mu oriiheya wanyu ni ottekweenaanyu.

Masalimo 33:16

Mwene khanavulluwa ekaamba ya wunnuwa wamullokwaaye wakhoto, akhoto khenavulluwa ekaamba ya waata wa masiva.

Masalimo 18:42

Kahaasillasilla wonanko nthupi noovava ni ephevo, kahaanyingallella wonanko matokwi a m'musewuni.

2 Samuele 22:43

Kahaasillasilla wonanko nthupi noovava ni ephevo, kahaavota wonanko matokwi a m'musewuni.

2 Samuele 22:8

Vano ellapo yavatthi yaatthukumella etikheya, matthipello a miyaango yaatikheya ni orindimuwa, kaambiiwa Apwiya yaasha murima.

1 Samuele 16:18

Mmodda mwa allupa muttekwaayo aallota wi, “Koomoona mwaana aamullopwana a Yese o Betelehemu oyo ari ni eruso yoomwiipa gitala, muthu oollipa murima, ooreera, akhoto ni oochenjera voollotani. Nave Apwiya eri ni olliye.”

Yoswa 10:42

Yoswa ahaagonjiha mamwene mattheenaalla ni ellapo ddiwa enthawi yeella ekaamba yawi Apwiya Mulluku a Aisraele sika aawanella ekhotweeyo.

Yoswa 10:14

Ovenyera khalle, khaniivo nllapo wonanko nenna nno Apwiya yamwiiwellelliiwa muthu vawi yahaawanella ekhoto Aisraele.

Deuteronomo 20:1

“Mwaya woowana ekhoto ni adanaanyu nave moona wi magaretiiwa, akavalwiiwa ni akhotwiiwa tti anchichi wuukhwaranyani nyuwaano, muhiwoove. Apwiya Mullukwaanyu ayo yuuvullusalleni o Iguputo eneerokhalla ni nyuwaano.

Yawuupullulla 19:17

Nave kaamoona mungelo iimenlle vanndduwani. Aakhuwa ni mawu oowella wa epallame ddittheddene ddoovava wi, “Waawoni mutthukumane vamodda vamachellelloni muullupalli a Mulluku!

2 Timoteo 4:17

Koma Apwiya yaakhalla ni miyaano ekillipiha murima sika kaawora ollalleya othenga ottheene wa athu attheene ayo eri oohikhulupilila. Nave kahaakihiwa muwano mwa mikango.

Mitteko 18:24

Enthawi yeeyo Muyuda mmodda nnddina naye Apolo, oyo ayariwe o Alekizandriya, aawa o Efeso. Aari muthu oodduwella ollota phaama navettho aari oodduwella mawu a Mulluku.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Masalimo 44:5

Ni nikavihero nanyu nahaagonjiha adanaahu, ni masivaanyu nahaanyingallella ooniwukila.

Yesaya 41:25

Koomuvenyiha muthu mmodda ompoto nave olliye, muthooyo anavenyera wookhuma nndduwa, olliye anniithana nnddina naka. Annaavota oolamulella wonanko matokwi, wonanko awoopa epalli anavotelleeye olloko.

Mika 5:8

Oohalla a Yakobo enaakhalle variyari va mitundu ddinchichi dda athu wonanko mukango variyari va enama ddamuhakani. Anaakhalle wonanko mukango onavira variyari va mulloko wa enkhosa oyo onnaddiphara ni oddikhaddulla, oohikhallavo ooddivullusa.

2 Mamwene 9:33

Olliye ahaalamula wi, “Mvokhelleni vatthi mutthiyanooyo.” Vano alliwa yaamuvokha vatthi nave nikhame naye naamorella va esiri ni va akavalo. Nave Yehu aamunyingallella mutthiyanooyo ni akavalwaaye.

Yesaya 31:1

Otulli wa athu ayo enaya o Iguputo wooveka nikavihero. Alliwa enaaroromella akavalwiiwa, waata wa magaretiiwa akhoto ni masiva a akhotwiiwa oowella va akavalo. Koma khenamuroromella Aweella a Israele apaalle oveka nikavihero na Apwiya.