Zekariya 10:4 - Mawu a Mulluku

⁴ Mwa alliwa muneerokhuma oohoollella amasiva ookhalla wonanko nlluku noopaalleyesesa, ekhomo, apaalle muura wakhoto. Nave oolamulella attheene enaavenyereke mwa alliwa.

Zekariya 10:4 ပူးပေါင်းရင်းမြစ်များ

Zekariya 9:10

Apwiya enallota wi, “Kinerewaavenyihawo magareta akhoto o Efuremu, kineerewaakusawo akavalo o Yerusalemu, miira ddakhoto ddineerokotholliwa. Mwenaawo eneerokeraatthiha murendelle variyari va mitundu dda athu. Aneerekolamulella ovenyera o enyanja emodda ophiya o enyanja emodda, ovenyerattho o muhinje wa Yufurate ophiya o makomello a ellapo yavatthi.”

Zekariya 9:8

Sika kineeroyiteteza ellapwaaka wi ahiphwanyeye ooviramo apaalle oovollowamo. Kheyiivo adani enaawore waanyingallella vawi mi sika kinapwatha ddenndda.”

Numeri 24:17

Kinooneemi ddiri muhoollo, kinaweheemi ddiri woorekamella. Mwene aneerokhuma mwa Yakobo, wonanko etheneeri aneerokhuma mwa Israele. Aneerewaanyenya oohoollella a Amowabu eneerewaagonjiha athu a Seti.

Yawuupullulla 17:14

Eneerowana ekhoto ni mwaanaankhosa nave Mwaanaankhosooyo eneeropambana kaambiiwa olliye tti Apwiya a apwiya ni Mwene a mamwene. Nave oomuthwarellellaaye tti ayo yiithaniwe, etthoolliwe nave tti ookhulupilila.”

2 Timoteo 2:4

Akhoto oyo ari va muttekoni anapaalla omuhakallalliha akhoto muullupalli, sika khanapwatha mitteko ddoowaani.

Mateyu 9:38

Vekellani wa mwaneena a ddoohatannddo wi aarumihe allupa mutteko etthukumanihe ddoohata ddaye.”

Yeremiya 1:18

Ngoona, ollello kohuutthattusa muzinda wa mpanda, opoto a mukoko ni esiri ddamukuwa wi ohimooveke arive muthu mu ellapo ettheene naari mamwene a o Yuda, enduna, allupa mukutho ni athu amwiillaponi.

Yesaya 54:16

Ngoonani, miyaano sika kamphatusalle oohana mikoko oyo anaviddeella munllo wamankhalla wi ahanelle ezida, miyaanottho sika kamphatusalle oopasula wi oononge.

Yesaya 49:2

Aakitthattusa vayanoni vaka wi vikhalle wonanko nsupada nawiisha. Aakiteteza ni nnatta niwa aakihana wonanko mpaamba wootthokowa, aakiipitthiha munigoneloni mwiwa.

Yesaya 19:13

Enduna dda o Zowani ddootthattuwa ddookarangeya nave anamwani amamwene a o Memfisi yoollekiwa. Oohoollella a Aiguputo yoovirikaniha ellapwiiwa.

Masalimo 118:22

Nlluku nno nakhootiwe ni oomaka enyumba nenna naakhalla nlluku noopaalleya.

Ezara 9:8

Koma vano wa enthawi yooyeva nyu Apwiya Mullukwaahu mooneerella echifundo voohinitthollosani wuukaporoni koma onivaha nipuro mu nipuro nanyu noopatuleya. Sika nyuwaano Mullukwaahu moonikhunuulla miittho ni onihihimulla wuukaporoni.

1 Samuele 14:38

Vano Saulo aallota wi, “Waani wuno nyu munaahoollella athu. Noone wi tti ochimwa wawiidde weereyille ollello

Genesis 49:24

Koma olliye muuraaye wahiimella moollipa nave miwono ddaye ddaallipattho, ni masiva a Mulluku Amasiva Mattheene a Yakobo, oyo tti Mbusa, Nlluku na Israele.

Luka 20:17

Koma Yesu ahaaweha, aakoha wi, “Vano mawu a Mullukwaalla enattaphullella wi tini? ‘Nlluku nno nakhootiwe ni oomaka enyumba nenno naakhalla nlluku noopaalleya.’

Aefeso 2:20

Nyuwaano moomakiwattho va matthipello a amurummwa ni a anamallotella, ayo Khrisitu Yesu ariiye nlluku noopalleeya wunchichi.

1 Petro 2:6

Vawi mawu a Mulluku eni, “Kaatthoolla nlluku nookhalla ni mutteko, nno kinakeraatthiheemi mu Ziyoni wonanko noopaalleya wunchichi, oyo anamuroromella olliye khawa awullihiwa muru.”

Yeremiya 51:20

We Babiloni tti hamalaaka, echidaaka yakhoto. Ni weyaano kinnaphwinya mitundu dda athu, kinnawoononga mamwene.

Yesaya 28:16

Vano nndda sika ddinallota Apwiya Mulluku, “Ngoonani, kinnakeraatthiha nlluku mu Ziyoni wi nikhalle matthipello, naweesiwa, nlluku noopaalleya noowallamella mutengo. Nave vilembiwe wi, ‘Oororomella nllukunno khawa awulliwa muru.’