Zekariya 10:2 - Mawu a Mulluku

² Vawi aterafimu enallota ddoolleka nave awoombesa makhanga enoona ddawoottha. Oottaphullella olloha ennuuhollosani nave enuullipihani murima nivuddo. Sika athu enneeteeta nngu ni nngu wonanko enkhosa yoohikhalla ni mbusa.

Zekariya 10:2 ပူးပေါင်းရင်းမြစ်များ

Mateyu 9:36

Yesu oonille mulloko wa athoolle, ahaamorella ethakaraka kaambiiwa athwaalle yaari ookhupanya ni oorama nikavihero wonanko enkhosa ddoohikhalla ni mbusa.

Habakuku 2:18

Ethiyo nifano niri ni mutteko tini? Tti ello yoopangiwa ni muthu, khenuulleella erive ello koma woottha. Yaphaama enamweerilliiwa oonipanga wi aniroromelle tti tini, mulluku oohiwora ollota wene?

Hoseya 3:4

Vawi Aisraele eneerokhalla mallapo manchichi ehinna mamwene apaalle enduna, oohivelleella mikutho apaalle wiimesa apoto oopatuleya, oohikhalla ni milluku dda mpa apaalle efodi.*

Ezekiele 34:5

Sika ddaanapallalleya vawi khavaari mbusa. Vano ddaatthattuwa yoocha ya enama ddamuhakani ddittheddene.

Yeremiya 27:9

Sika muhiwiiwellelle anamallotellaanyu, awoombesaanyu, oottaphullellaanyu ddoolloha, amavuwaanyu ni amasengaanyu, yaawuulleellakani wi muhimurumeyelle mwene a o Babiloni.

Genesis 31:19

Labani aari akelle woochema enkhosa. Nave ari wenko, Rakele ahiiya milluku dda mpa mwa Labani attiitthinnya.

Ezekiele 34:8

Kinimallupella vamiitthoni vaka, enkhosa ddaka ddaattakhuniwa, ddaatthattuwa yoocha ya enama ddamuhakani kaambiiwa ddaarama mbusa. Abusaaka kheyaaddithwanre enkhosa ddaka, yapwatha ddayiwave.

Mika 2:12

“Koma nyu a nibanja nittheene na Yakobo, kineerewuutthukumanihani. Attheene oohalla a Israele, kineerewuutthukumanihani vamodda wonanko enkhosa munikhollani, wonanko mulloko wa eziweto vamunyepuni viwa. Nipuronno nineeroddalla ni waata wa athu.”

Ezekiele 21:29

“Nnddo enaddooniiwa m'masomphenya tti ddawoottha navettho makhanga enoombesiiwa tti oolleka. Muneerokhalla nimodda ni athu oonanara ayo nllapo niwa niphiyalle, ollakiwa wiwa woomallihella.

Ezekiele 21:21

Mwene a o Babiloni ohiimella ottilla vamakhullukano a misewu. Annoombesa makhanga ni mipaamba wi adduwelle ettilla yooweellamo. Anaveka ezeru wa terafimu ddaye nave anoombesa ni ohapa eenama.

Maliro 2:14

Anamallotellaawo yaawoonella weyaano masomphenya awoottha ni oolleka. Kheyaawoonihalle ochimwa wawo wi okhalle waphaama, koma yaawooniha masomphenya awoottha ni oohollosa.

Yeremiya 51:23

Ni weyaano kinnaaphwinyaphwinya abusa ni eziweto ddiwa. Ni weyaano kinnaaphwinyaphwinya oollima ni eng'ombe ddiwa ddoollima. Ni weyaano kinnaaphwinyaphwinya enduna ni oohoollella ekhoto.

Yeremiya 50:17

Aisraele tti wonanko enkhosa ddoopallalleya, ddawiikarihiwa ni mikango. Mwene o Asiriya sika aambille owiipha Aisraelaayo, vatulli viwa aaphiya Nebukadinezara mwene a o Babiloni oyo aattakhunne ni makhuveene.

Yeremiya 37:19

Ethiyo eri wuuwi anamallotellaanyu alle yuullotenlleni wi mwene a o Babiloni khawa uuhellani ekhoto nyuwaano ni ellapwaanyu?

Yeremiya 29:8

Apwiya Amasiva Mattheene, Mulluku a Israele, enallota wi, ‘Anamallotella ehuullekeni naari awoombesa ayo eri variyari vanyu nave muhiiwellelleke ddoolloha ddiwa.

Yeremiya 28:15

Vano Yeremiya aamulleella Hananiya wi, “We Hananiya, ngiiwa! Apwiya kheyuurumalle koma onaaroromelliha athwaalla ddawoottha.

Yeremiya 23:17

Ennavirellella waalleella athu ookivevulla wi, ‘Muneerokhalla ni murendelle.’ Nave ayo enummellella othwara ddoopaalla dda murimiiwa enaalleella wi, ‘Khamuwa moona yoohoosa.’ ”

Yeremiya 14:22

Variyari va milluku ddawoottha dda mitundu ddimodda, ethiyo ookhallavo mulluku mmodda oowora omurupiha murimu? Ethiyo oddullu vaweekhiiwa onnamurupiha murimu? Otiyerella wahu ori mwa nyuwaano Apwiya Mullukwaahu ekaambiiwa tti nyuwaano muneera ddenndda.

Yeremiya 14:13

Koma miyaano kaallota wi, “Ha, nyu Apwiya Mulluku, anamallotelliiwa enaalleella athu wi khewa ekhwa ni ekhoto nave khamuwa mumora ettalla mwiillaponi mwahu koma munaakhalle murendelleve.”

Yeremiya 10:8

Attheenaayo tti ookarangeya, khenna ezeru, ezeru ddiwa enahuddera o mafano, oohikhalla ni mutteko oopangiwa ni miteekho.

Yeremiya 8:11

Ennavolliha makhwata a athwaaka vaddulluve. Nave enallota wi, ‘Murendelle, murendelle,’ koma ohiri murendelle.

Yeremiya 6:14

Ennavolliha makhwata a athwaaka vaddulluve. Nave enallota wi, ‘Murendelle, murendelle,’ koma ohiri murendelle.

Yesaya 46:5

Ethiyo mi ttuukiphwanaphwanihella ni aani, apaalle ttuukaatamanihella ni aani? Ethiyo ttuukillikanihella ni aani wi miyaano ni olliyooyo nikhalle oollikana?

Yesaya 44:9

Attheene oopanga mafano tti oohikhalla ni mutteko, milluku nnddo enaddivahiiwa olemu tti ddoohikhalla ni mphuro. Amboni a milluku ddenndda tti oohoona ni oohidduwella ello, sika eneerowullihiwa muru.

Yobu 21:34

Ethiyo munaakikhurumuse murima mwawiidde ni etthiru? Ddawaakhulla ddanyunndda tti ddawoottha.’ ”

Yobu 13:4

Nyuwaano tti ooddiva vayanoni, attheenenyu tti allupa murete awoottha.

1 Mamwene 22:17

Mikaya ahaakhulla wi, “Kaawoona Aisraele attheene emwareyelle va miyaango wonanko enkhosa ddoohikhalla ni mbusa.” Sika Apwiya yaallota wi, “Yaalla khenna pwiiwa owaahoollella. Arive muthu ayeeke owaniwa mwamurendelle.”

Oweeruza 18:14

Vano athu atthanu ayo yayiille yazondaka ellapo ya Laishaalle yahaakoha abaliiwaayo wi, “Ethiyo munnadduwella wi emodda mwa enyumba ddenndda mookhalla efodi,* mafano oosema amikoko ni mafano mamodda ooromolliwa terafimu? Vano ganizerani yawi mweere.”

Numeri 27:17

Muthooyo aahoollelleke vakhotoni nave aalamulelleke wi mullokwaanyu ohikhalle wonanko enkhosa ddoohikhalla ni mbusa.”

Mariko 6:34

Yesu akhumalleeye mukallawanimmo, aawoona mulloko wa athu muullupalloolle nave ahaamorella ethakaraka kaambiiwa yaari wonanko enkhosa ddoohikhalla ni mbusa. Sika ahaamba waahuddiha ddeko ddinchichi.

Yeremiya 23:32

Kinnaakhoota anamallotella ayo enalloha ddawoottha, enaalleella athwaaka ni waavirikaniha ni ddawoottha ddiwannddo. Khe miyaano kaarumalle apaalle waalamula nave kheenaakavihera athu naari vang'ono. Mi Apwiya koollota.”

Zekariya 11:17

“Otulli okhalle ni mbusa oohikhalla ni mutteko oyo anahiya enkhosa! Emukakathe ni nsupada va muwono ni va niittho naye na onnattanatta. Muwonwaaye onyaalle wunchichi nave niittho nayenno nikhalle noohoona wa enthawi yoohimalla.”

Deuteronomo 13:2

nave echizindikirweeyo apaalle yoottikhiniheeyo yeereya, olliye uulleellani wi mullapelle milluku ddimodda nnddo muhinallapellekeenyu ovenyera khalle,

Yesaya 41:29

Ddawoona, milluku ddenndda khe ello, ddaweera ddiwa khaddinna mutteko.”

Yesaya 44:25

Miyaano sika kinnalepheliha ezizindikiro dda amasenga kinaakarangeyiha athu awoombesa makhanga. Miyaano sika kinaahumullulla mawu a athu eezeru, kinnooniha wi ezeru ddiwa tti ddookarangeya.

Yeremiya 27:10

Ennawoottotthani, adanaanyu eneerewuuvenyihani mwiillaponi mwanyu, wuuyaanani woorekama. Kineerowiikarihani nave muneerewoonongeya.

Yeremiya 27:14

Muhiwiiwellelle anamallotella ayo enuulleellani wi muhimurumeyelle mwene a o Babiloni vawi enimawoottotthani.