Zekariya 10:12 - Mawu a Mulluku

¹² Kineerewaallipiha athwaaka, eneereweeta moollapella mu nnddina naka, mi Apwiya koollota.”

Zekariya 10:12 ပူးပေါင်းရင်းမြစ်များ

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Zekariya 10:6

“Nibanja na Yuda kineeronillipiha, edduullu dda Israele kineeroddaakiha. Athwaayo kineerewaahokollosella owaniwa kaambiiwa kooweerella echifundo. Sika enaakhalle wonanko ngaatathinlle vawi mi tti Apwiya Mullukwiiwa, kineerowaakhulla ddooveka ddiwa.

Yesaya 2:5

“Sika vano nyu edduullu dda Yakobo, hankoni neete mu owala wa Apwiya.”

2 Timoteo 2:1

Nave we mwanaka okhalle oollipa mu echisomo ya Khrisitu Yesu.

Mika 4:5

Naari orive mutundu wa athu othwaraka milluku ddiwa, hiyaano ninaawaathware Apwiya Mullukwaahu wa enthawi yoohimalla.

Akolose 3:17

Vano erive ello muneereenyu apaalle munalloteenyu enaphwanella yeeriwe mu nnddina na Apwiya Yesu, mwaamuthokozaka Mulluku Attiitthaanyu oweella mwa olliyooyo.

Akolose 2:6

Vawi moomwaakhullella Khrisitu Yesu okhalla Apwiyaanyu, mukhallekettho mu eyaattano ni olliye.

Afilipi 4:13

Kinneera ddeko ddittheddene oyeella mu masiva ayo Khrisitu akivahilleeye.

Yesaya 45:24

Eneerollota dda miyaano wi, ‘Echilungamo ni masiva ddiri mwa Apwiyave.’ Attheene ayo yakiwukilalle eneerowulliwa muru nave eneeroowa wa miyaano.

Genesis 24:40

Alliwa yaakaakhulla wi, ‘Apwiya ayo kikhanlleemi kiwiiwellellaka enthawi ddittheddene, eneeromuruma mungelwiiwa wi eete nimodda ni weyaano nave aweeriha wi ddiweetelle phaama. Nave oneeromwaashera mwanaka mutthiyana ovenyera wa athwaaka, o nibanja na attiitthaaka.

Aefeso 6:10

Voomallihani, mwiillipiheke mu eyaattano ni Apwiya ni masiviiwa uullupalli.

Zekariya 12:5

Vaavo oohoollella a Yuda eneerollota m'murimani mwiwa wi, ‘Apwiya Mulluku Amasiva Mattheene ennaavaha masiva athwiiwa ookhalla mu Yerusalemu.’

Genesis 5:24

Olliye ahaattana ni Mulluku mu okumaaye muttheene. Nave Enoki khaawooneyillettho, ekaamba yawi Mulluku aamukusa.

1 Atesalonika 4:1

Voomallihella, asinnihu ni arokorihu, mwahiiwa ovenyera wa hiyaano dda makhallello oomuhakallalliha Mulluku. Munnattakihera yaalla. Nave vano ninuuvekani mu nnddina na Apwiya Yesu wi mweereke ohiyana ni khalle.

1 Atesalonika 2:12

Nahuullipihani murima, nahuukhurumusani murima nave naanuuvekani wi mukhalleke ni makhallello oomuhakallalliha Mulluku, oyo anawiithanani nyuwaano wi muvollowe mu omwenaaye nave mu ntitimiho naye.

Ezekiele 30:24

Kineerollipiha matta a mwene a o Babulo nave kineerohiya m'mattani mwaye nsupada naka. Koma Farao kineeromwinttaka matta nave aneerewiipullella wonanko oophoriihiwa variyari va mwene a o Babulo.