Zekariya 10:11 - Mawu a Mulluku

¹¹ Voollapuwani enyanja ya ddoohoosa, kineeromaalliha mafunde a va enyanjeeyo, maaddi mattheene a mu Nailo eneerowelleella. Wiitukhulla wa Asiriya oneeromalla, ekopo yoomwene ya Iguputo eneerokothowa.

Zekariya 10:11 ပူးပေါင်းရင်းမြစ်များ

Ezekiele 30:13

“Mi Apwiya Mulluku kinallota, Kineeromalliha mafano ni woononga milluku ddoohikhalla ni mutteko dda o Memfisi. Khowa okhallattho mwene a o Iguputo nave kineerowoopopiha attheene ookhalla mwiillaponimmo.

Yesaya 43:2

Voollapuwani enyanja kineerokhalla ni weyaano, voovirani m'muhinjeni khokwekweresiwa. Vaweetani vamunlloni khosha, mallumi amunllo kheyuushellelliha.

Yawuupullulla 16:12

Mungelo aneetthanu ni mmodda aahella embalaaye m'muhinjeni muullupalli wa Yufurate. Vano muhinjooyo wahumma waavaha ettilla mamwene oovenyera wookhuma nndduwa.

Zefaniya 2:13

Apwiya eneerotukhullella nnatta niwa ompoto owoononga Aasiriya, muzinda wa Nineve eneerowutthattusa ntepe, wawumma wonanko echipululu.

Yesaya 51:10

Ethiyo khe nyuwaano mummihalle Enyanja Yuullupalli, maaddi oowallamellesesa. Ethiyo khe nyuwaano mwapangille ettilla vamaaddini, wi alle mwaavullusalleenyu ellapuwe vawumma?

Yesaya 14:25

Kineerowoononga Aasiriya mu ellapwaaka nave kineerewaanyingallella va miyaango ddaka. Sika athwaaka kineerewaarulla nigoli* nno Aasiriya yaawarihalliiwa, katundu oollemella va mathuriiwa.

Masalimo 114:5

We enyanja enuukatamiha tti tini wi othaweke? We Yordani onahokollweellella tini mutulli?

Masalimo 114:3

Enyanja yahoona ddenndda ethawa, muhinje wa Yordani waahokollweella mutulli.

Ezara 6:22

Nave yaahakallallella Ehakallallo ya Buledi Oohikhalla ni Yisiti wa mallapo matthanu ni meelli. Vawi Apwiya yaaweeriha wi ehakallalle nave aarukunusa murima wa mwene a o Asiriya mwawi aaweerella echifundo nave ahaakavihera va mutteko woomakattho enyumba ya Mulluku, Mulluku a Israele.

2 Mamwene 2:14

Aakusa mukanjo wa Eliya awashullana maaddi, allota wi, “Eri wuuwi Apwiya, Mulluku a Eliya?” Awashullalle maaddaayo, yaakawaneya nngu ni nngu nave Elisha aallapuwa.

2 Mamwene 2:8

Vano Eliya aakusa mukanjwaaye awupinda aawashullana maaddi. Vaavo maaddaayo yaakawaneya, nngu ni nngu, ophiyera anamallotella eellaayo yaallapuwa vawumma.

Yesaya 51:9

Nyu Apwiya, venyani, venyani, llipani murima! Venyani wonanko mu mallapo akhalle, enthawi ya mibado ddakhalle. Ethiyo khe nyuwaano mwamuphanddephanndde Rahabu oyo ahomille enama yawoopiha ya mu enyanja?

Genesis 8:1

Vano Mulluku aamuupuwella Nowa ni enama ddittheddene ddamuhakani ni eziweto nnddo ddaari ni olliye muchombonimmo. Aalamula ephevo wi yoope va ellapo yavatthi, enthawi yeeyo maaddi yahaamba owelleella.

Yesaya 19:16

Nllapo nenno Aiguputo enaakhalle wonanko atthiyana. Eneerotthukumella ni woova voowoonani Apwiya Amasiva Mattheene ettaphurusaka nnatta wi yaallake.

Yesaya 44:27

Miyaano sika kinalleella Enyanja Yuullupalli wi, ‘Umma nave mihinje ddawottho kineeroddummiha.’