Zekariya 10:10 - Mawu a Mulluku

¹⁰ Kineerewaakhumiha o Iguputo ni waayaana owaniwa, kineerewaatthukumaniha ovenyera o Asiriya. Kineerewaaphiyana o Giliyadi ni o Lebanoni ophiyera ellapo ettheene eddanlle.

Zekariya 10:10 ပူးပေါင်းရင်းမြစ်များ

Hoseya 11:11

Eneeroowa etthukumellaka wonanko epallame ovenyera o Iguputo. Eneeroowa wonanko manddiya ovenyera o Asiriya. Sika kineerewaahokollosella owaniwa. Mi Apwiya koollota.”

Zekariya 8:7

Mi Apwiya Amasiva Mattheene kineerewaavullusa athwaaka ayo eri wookhuma nndduwa ni woovollowa nndduwa.

Mika 7:14

Nyu Apwiya, ahoollelleni athwaanyu ni ekopwaanyu, weherani enkhosa dda yoohallanaanyu. Vano ddinakhalla weekhiiwa muutthakoni variyari va ellapo ya ethaya yaphaama. Koma muddaakhullelle wi ddache munyepu waphaama, o Bashani ni Giliyadi, monga mallapo akhalle.

Obadiya 1:20

Akhoto a akaporo oovenyera ompoto wa Israele eneerohokollowa, eneeromugonjiha Kanani ophiyera ompoto wa Zarefati. Akaporo oovenyera o Yerusalemu ayo yaari o Sefaradi eneerewaakha mizinda dda omwera wa Yuda.

Yeremiya 50:19

Kineeromuhokollosella Israele obusani waye nave anaachelleke o Karimele ni o Bashani. Aneerekovona o miyaango dda o Efuremu ni o Giliyadi.

Yeremiya 22:6

Alla tti mawu a Apwiya oollota dda enyumba ya omwene ya o Yuda awi, “Naari kuukondaka wonanko Giliyadi apaalle wonanko etthoka ya mwaango wa Lebanoni komave kineerewuutthattusa ntepe, muzinda woohikhalla ni athu.

Yesaya 60:22

Naari nibanja ning'onong'ono nineerotthattuwa nlloko, mwananlloko nineerotthattuwa mutundu wamasiva. Kineereweera ddenndda mwawaakuva enthawi yaphiya, mi tti Apwiya.”

Zekariya 8:8

Kineerewaahokollosa wi yakhallettho o Yerusalemu. Sika eneerokhalla athwaaka nave kineerokhalla Mullukwiiwa, moororomelleya ni moolungama.”

Hoseya 11:10

“Kineerewaathurumella wonanko mukango nave athwaaka eneerokithwara. Kineerothuruma nave eneerokithamakella etthukumellaka ovenyera woovollowa nndduwa.