Zekariya 10:1 - Mawu a Mulluku

¹ Avekeni Apwiya wi yuuvaheni murimu mu enthawi yawaalla vawi alliwa sika enapanga mirapo. Alliwa sika enamurupiha murimu ni omumellihella mmiddo m'matani arive muthu.

Zekariya 10:1 ပူးပေါင်းရင်းမြစ်များ

Yesaya 44:3

Kineerohella maaddi veellaponi yawumma, kineereweetiha mihinje muchipululuni. Kineerewaarumihella anaawo munepaaka, kineerokitthiha madaliswaaka va edduullu ddawo.

Yakobo 5:7

Asinnaka ni arokoraka, villellani wonanko muthu oollima ophiyera owa wa Apwiya. Annatiyera wi ezipaso ddaphaama ddooneye m'matani mwaye. Annatiyera moovillella ophiyera ddirupelliwe ni murimu awaamba ni oomallihella.

Ezekiele 36:37

“Mi Apwiya Mulluku kinallota wi, ‘Kineerowaakhullellattho Aisraele wi ekiveke nnddo enapaalliiwa wi kiweerelle. Kineerewaaruuwiha athwiiwa wonanko enkhosa.

Yesaya 30:23

Mwaamiddaka mmiddwaanyu, Apwiya eneerewuurupihellani murimu wi omelle nave muneerohata ddinchichi. Nllapo nenno eziweto ddanyu ddineerophwanya munyepu munchichi.

Masalimo 65:9

Vano munnayidalisa ellapo yavatthi ni oyihellella, munnayivaha eyuuma yinchichi. Muhinje wa Mulluku tti wooddalla ni maaddi, nyuwaano munnayivaha ddoohata, vawi tti mmo munapotokoselleenyu ddeko.

Deuteronomo 28:23

Murimu kharupa nave ethayaanyu eneerewumma wonanko nlluku.

Yohane 16:23

“Nllapo nenno naphiya khamukivekattho erive ello. Ddawoona, kinimuulleellani wi mwaveka erive ello wa Attiitthaaka mu nnddina naka, eneerewuuvahani.

Mika 5:7

Oohalla a Yakobo enaakhalle variyari va mitundu ddinchichi dda athu wonanko nikame noovenyera wa Apwiya. Enaakhalle wonanko murimu oorupella vamanasini moohiselliwa vawi khanatiyera olamuliwa ni muthu.

Amosi 4:7

Tti miyaanottho kammakille murimu vihanlle miyeri miraru wi muhate. Tti miyaano kamurupiha murimu m'muzinda mmodda ni oohimurupiha m'muzinda mmodda. Murimu aanarupa va emata emodda koma va emodda ahirupeeyevo yahumma.

Hoseya 10:12

Mumidde echilungamo nave muneerohata echikondaaka yoohisintheya. Tipulani ntthalla nanyu vawi enthawi yoowaashaasha Apwiya yookwakhwana. Waashaasheni Apwiya ophiyera ewiille wi emurupihe murimu amadaliso.

Ezekiele 34:26

Kineerewaakeraatthiha athwaaka vakhuviru ni mwaangwaaka nave kineerewaadalisa vawaamorihellani murimu va enthawi yaphaama.

Yeremiya 14:22

Variyari va milluku ddawoottha dda mitundu ddimodda, ethiyo ookhallavo mulluku mmodda oowora omurupiha murimu? Ethiyo oddullu vaweekhiiwa onnamurupiha murimu? Otiyerella wahu ori mwa nyuwaano Apwiya Mullukwaahu ekaambiiwa tti nyuwaano muneera ddenndda.

Yeremiya 10:13

Alliwa yallota onniiweya onyakulla wa maaddi ooddullu, ennawiiha mirapo ovenyera okomenlle ellapo yavatthi. Ennasherimiha ettari dda murimu, ennoopiha ephevo ovenyera nko enayisungiiwa.

Yesaya 5:6

Kineeroyitthattusa emateeyo ntthalla, enaakhalle yoohiphadderiwa ni yoohikoholliwa nave muneeromella kakande ni miiwa ddimodda. Kineerolamulellattho mirapo wi ddihimurupihe murimu.

Miyambo 16:15

Oreera murima wa mwene onnawiiha okumi wonanko mirapo dda murimu mu ellimwe.

Masalimo 104:13

Nyuwaano munnahellella miyaango ni maaddi oovenyera o ezipinda ddanyu ddooddullu, ellapo yavatthi yooddalla ni madaliswaanyu.

Yeremiya 51:16

Apwiya yallota, onniiweya onyakulla wa maaddi ooddullu, ennawiiha mirapo ovenyera okomenlle ellapo yavatthi. Ennasherimiha ettari dda murimu, ennoopiha ephevo ovenyera nko enayisungiiwa.

1 Mamwene 17:1

Namallotella Eliya Mutishibe a o Giliyadi aamulleella Ahabu wi, “Kinimallupella vamiitthoni va Apwiya Mulluku a Israele oyo kinamurumeyelleemi wi khavikhalla nikame naari murimu miyakha ddenndda ophiyera killotille.”

1 Akorinto 3:6

Miyaano kaamidda mmiddo, Apolo aahellella maaddi nave tti Mulluku eerihalle ddoomella wi ddunnuwe.

Hoseya 6:3

Hankoni nillipihelle waadduwella Apwiya. Eneeronihokollweella wonanko waayaaka ni osa, owa wiwa onaakhalle madaliso wonanko murimu, murimwiine ntthokollapallaka oyo anoollowiha ethaya.

Masalimo 72:6

Aneerokhalla wonanko murimu oorupella m'matani, enyeenye yoorupella ethaya.

Yobu 29:23

Yaanakitiyerella wonanko enamutiyerella murimu, yaanaatthamiha eyano wonanko enamutiyerella murimu awaallella.

Masalimo 135:7

Tti alliwa enakhumiha mirapo wookomella ellapo yavatthi, enasherimiha ettari wi eweena murimu, enoopiha ephevo ovenyera mu moosungellamo mwiwa.

Yeremiya 5:24

Khamunaganizereke ddookoova miyaano Mullukwaanyu oyo anuuvahani murimu a ntthokollapallaka ni murimu awaallella va enthawi yaphaama ni enthawi yoohata orive muyakha.