Zekariya 1:8 - Mawu a Mulluku

⁸ “Mahiiyu kahoona ddeko mu masomphenya. Kaamoona muthu amuwenlle kavalo oofiira nave iimenlle va asimiteekho amakukhu muntaponi. Nave vatulli viwa vaari akavalo oofiira, oosiripa ni aweella.

Zekariya 1:8 ပူးပေါင်းရင်းမြစ်များ

Yawuupullulla 6:4

Kavalo aneepiilli aakhumellella nave aari oofiira. Oomuwellooyo aavahiwa olamulello woovenyihavo murendelle muttheene va ellapo yavatthi wi athu yiiphaneke. Aavahiwattho nsupada nuullupalli.

Yawuupullulla 2:1

“Omulembelle oohoollella a mpingo wa o Efeso wi, “Alla sika mawu oovenyera wa oyo atukhunlle etheneeri dditthanu ni piilli mu nnattanatta mwaye nave aneeta variyari va ddoohiyavo enyali dditthanu ni piilli dda golide awi,

Zekariya 13:7

Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Yesaya 55:13

Nko vano ori miteekho ddamiiwa oneeromella paini, nko ori kakande oneeromella miteekho ddamuchisu. Ddenndda ddinaakhalle yawuupuwella ya mi Apwiya, wonanko echizindikiro yoohimalla, yoohithiimiheya.”

Yesaya 41:19

Muchipululuni kineeromellihamo mukunguza, kesha, muchisu ni muteekho wa olivi. Mu ellapo yawumma kineerewaallamo miteekho dda paini dda mitundu miraru.

Daniele 7:13

Kiwehakave ddeko m'masomphenya mahiiyu, ngoonani, kaamoona mmodda wonanko mwaana a muthu akitthaka ni mirapo ddooddullu. Amwaatamenlle oyo aarivo khalle, amodda yaamuvelleella wa olliye.

Daniele 7:2

“Kahoona mu masomphenyaaka mahiiyu. Ngoonani, enyanja yuullupalli yaanyahulliwa ni ephevo ddisese ddamuddullu.

Daniele 2:19

Vano yawiipittheyeeyo yahuupullullelliwa wa Daniele mu masomphenya a mahiiyu. Sika Daniele aamutitimiha Mulluku ooddullu.

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Yobu 4:13

Nndda ddaakihoosa mahiiyu moolloha mvo athu enakhwiiwa ni ekhove.

1 Mamwene 3:5

O Gibiyoni Apwiya yahooneyella wa Solomoni mahiiyu moolloha, emulleella wi, “Veka eyo onapaalleewe nave kineerewuuvaha.”

Yoswa 5:13

Nllapo nimodda Yoswa ari vakhuviru ni muzinda wa Yeriko, moorurumusa aamoona muthu iimenlle muhoollo mwaye, nsupada noohullullahullulla niri m'mattani mwaye. Vano Yoswa aaya vaari muthumvo amukoha wi, “Ethiyo weyaano tti mmodda a akhotwaahu apaalle ori mudanaahu?”

Genesis 20:3

Vano mahiiyu mamodda Mulluku aamooneyella mwenooyo moolloha ni ollota wi, “Onimakhwathi kaambiiwa mutthiyana omukusalleewoolla tti ootthelliwa.”

Nchipo na Solomoni 6:2

Ookondiwaaka akitthenlle o emataaye, o mikhuttu dda mmiddo wawunkhella. Akelle achihe eziweto ddaye o emata, akelle arukulle malluwa ooreera.

Nchipo na Solomoni 2:16

Ookondiwaaka tti aakaaka nave miyaano tti aayaaye. Anachiha eziweto ddaye variyari va malluwa,

Yawuupullulla 6:2

Kaaweha nave kaamoona kavalo aweella. Oomuwellooyo apharenlle muura nave aavahiwa korona.* Vano aakhumellella wonanko oopambana wi aagonjihe adanaaye.

Nehemiya 8:15

wi evuwiheke ni ollalleya m'mizi ddiwa ddittheddene navettho mu Yerusalemu wi, “Khaweni omiyaangoni nave mwaweena enthambi dda muteekho wa olivi awaalla ni amuhakani, dda miteekho dda mchisu, mukwarangwa ni ddimodda dda makukhu anchichi wi mumakelle misasannddo moollikana ni mmo ddilembelliwiiwa.”

Zekariya 1:7

Va nllapo na 24 na mweeri waneekhumi ni mmodda, mweeri wa Shebati, muyakha waneepiilli wa omwene wa Dariusi mawu a Apwiya yaawa wa namallotella Zekariya mwaana a Berekiya mwaana a Ido. Sika Zekariya aallota wi,

Zekariya 1:10

Vano muthu olle iimenlle va asimiteekho amakukhu ahaakhulla wi, ‘Alla sika ayo Apwiya yaarumalliiwa wi yeeteete mwiillaponi.’ ”

Zekariya 1:11

Nave attheenaayo yaamulleella mungelo a Apwiya iimenlle va asimiteekho amakukhu wi, “Noheeteeta va ellapo yavatthi nave erive ello eri mwamurendelle ni mookeraattheya.”

Genesis 46:2

Mahiiyu Mulluku aamooneyella Yakobo nave aallota wi, “Yakobo, Yakobo!” Olliye ahaakhulla wi, “Ee Apwiya.”

Numeri 12:6

Nave yaallota wi, “Iwani mawaaka. Vakhalla namallotella variyari vanyumva, mi Apwiya kinnaddoonihella wa muthooyo oweella m'masomphenya nave kinnallotana oweella mu olloha.