Zekariya 1:6 - Mawu a Mulluku

⁶ Ethiyo mawaaka ni malamulwaaka ayo kaalleelleemi oorumeyellaaka anamallotella kheyaamorenlle makhollwaanyu? Sika alliwa yaalapa ni ollota wi, ‘Ddawoona, Apwiya Amasiva Mattheene yaaneerella nnddo yallotilliiwa moollikana ni makhallellwaahu ni mitteko ddahu ddoonanara.’ ”

Zekariya 1:6 ပူးပေါင်းရင်းမြစ်များ

Maliro 2:17

Apwiya aheera nnddo yaganizelliiwa wi yeera, Akwakhwaniha nnddo yallotilliiwa mwawoopopiha. Moollikana ni mmo yaganizalliiwa khalle, aawoononga moohikhalla ni echifundo, ahaakhullella wi adanaawo ehakallalle ahaanjerera wunchichi masiva a adanaawo.

Deuteronomo 28:15

Koma mwaahiwiiwellella Apwiya Mullukwaanyu nave mwaahithwara malamulo ni malangizwiiwa mattheene kinawinnyeemini ollellova muneerotembeleliwa.

Mateyu 24:35

Oddullu ni ellapo yavatthi ddineeromalla koma mawaaka khemalla.

Yeremiya 23:20

Owalli wa Apwiya oneerovirellella ophiyera yeerille ddittheddene nnddo yasimikinziiwa m'murimani mwiwa. Nave muneeroddidduwella phaama ddenndda mallapo amuhoollo.”

Amosi 9:10

Athwaaka attheene oochimwa eniiphiwe ni nsupada ayo enaalloteke wi, ‘Ollaka khoniphiyera apaalle khanikumanana.’ ”

Yeremiya 44:28

Oovulluwa okhotoni, ayo enaahokollweelle o Yuda ovenyera o Iguputo, enaakhalle aweerengeya. Sika oohalla attheene a o Yuda ayo yakhalla o Iguputo edduwella wi ddawoona tti ddiivi, ddayiwannddo apaalle ddaakanndda.

Numeri 23:19

Mulluku khari wonanko muthu wi ttuuwoottha, khahiyo muthu wi ttuusintha maganizwaaye. Ethiyo kheera nnddo allotilleeye, khakwakhwaniha nnddo alonjezilleeye?

1 Atesalonika 5:4

Koma nyuwaano, asinnihu ni arokorihu khamuri mwiipiphini wi nllaponno nihuururumuseni wonanko mullupaawiiya.

Malaki 3:18

Vano athu eneerohiyaniha variyari va athu oolungama ni oohilungama, variyari va ayo enamurumeyella Mulluku ni ayo ehinamurumeyella.

Hoseya 9:15

Apwiya enallota wi, “Onanara wiwa otthewene waambeelle o Giligala. Kaambeelle wiitanana wenko. Kineerowiikariha mwiillaponi mwaka kaambiiwa makhallellwiiwa tti oonanara. Ngiwa kaakondattho, oohoollelliiwa attheene aakiwukila.

Ezekiele 37:11

“Apwiya yaakilleella wi, ‘We mwaana a muthu, makhuva yaalla tti Aisraele attheene. Alliwa ennallota wi makhuvaahu ahumma, otiyerella wahu woomalla nave nohoonongeya.’

Ezekiele 20:43

Wenko muneerewuupuwella makhallellwaanyu oonanara ni ddoonanara ddanyu ddittheddene mwiiripihalleenyuna. Nave muneerewiisimwella nyookha ekaamba ya ddittheddene nnddo mwaddeerilleenyu.

Maliro 1:18

Vaavo Apwiya aheera phaama, ekaamba yawi miyaano kaawukila malamulwiiwa. Ngiiwani, nyu athu a mitundu ddittheddene, ngoonani ohoowa waka. Anamwallaaka ni asombwaaka aapharelliwa wuukaporoni.

Yeremiya 26:15

Koma vano dduwellani wi mwakiipha, muzinda olla ni athu attheene ookhallamo muneerottatthamulla mullatu woomwiipha muthu oohichimwa vawi tti ddawoona wi Apwiya sika yakirumalle wa nyuwaano wi mwiiwe ddittheddene kinalloteemi.”

Yeremiya 4:4

Musunge lonjezano nanyu ni miyaano Apwiinyu nave mwiivelleelle ni murimaanyu muttheene wa miyaano. Nyu athu a o Yuda ni a o Yerusalemu muheereke ddenndda wi owallaaka ohiwe wonanko munllo nave ohuukharelleni moohithiimiheya ekaamba ya ddoonanara muneereenyu.”

Yesaya 55:1

Apwiya enallota wi, “Nyu attheene oovolliwa nthona, waani, maaddi aakhallawo. Nyu oohikhalla ni makobiri, waani mukulle yoocha wi muche. Waawoni mumukulle vinyo ni mukaka, oohillivella makobiri, oohillivella erive ello.

Yesaya 44:26

Miyaano sika kinasimikiza mawu a oorumeyellaaka, kinakwakhwanihera nnddo amithengaaka yallotenlliiwa. Miyaano sika kinallota dda Yerusalemu wi athu eneerokhallattho wenko, dda mizinda dda o Yuda wi ddineeromakiwattho, kineerovenyihattho mapurwiiwa yakumulliwe.

Yobu 6:29

Mukeerelle echifundo, hiyani ddoohilungama, muhikiipe mullatu vawi kiri oolungama.

Deuteronomo 28:45

“Otulli ottheenoolla oneerewuumorellani nave oneerokhalla va nyuwaano ophiyera moonongeye kaambiiwa khemwaawiiwellelle Apwiya Mullukwaanyu nave khemwaathwarille malangizo mattheene yuulamulalliiwani.

Deuteronomo 28:20

“Mwaaweeraka ddoonanara ni waakhoota Apwiya eneerewuurumihellani matembelelo, nampallalla navettho ddookatamiha va mitteko ddanyu ddittheddene ophiyera moonongeyille ni otthollowa attheenenyu mwawaakuva.

Numeri 33:56

Vano kineeroweerellani nyuwaano nnddo kaganizeemi wi kiweerelle alliwa.”

Numeri 32:23

Koma mwaaheera ddiiddo, mohaachimwella Apwiya nave dduwellani wi nichimo nanyu nineerewuuthwarani.

Deuteronomo 28:2

Mwawiiwellella Apwiya Mullukwaanyu, madaliso mattheene enaakhalle aanyu.

Yesaya 21:17

Mwa athu attheene amasiva a o Kedara ookoka miira, oovulluwa enaakhalle aweerengeyave. Mi Apwiya Mulluku a Israele koollota.”

Yeremiya 5:14

Sika ekaambiiwa Apwiya Mulluku Amasiva Mattheene enallotiiwa wi, “Vawi ellotille ddiidda, kineerewaatthattusa mawaaka munllo muwano mwawo. Kineerewaatthattusa ekhuni nave munllo oneerewaashellelliha.”

Yeremiya 32:24

“Ngoonani, adani ahaapheella muzindoolla wi ewaakhe. Muzinda olla oneerovelleelliwa wa Ababiloni ofookille ni ekhoto, ettalla ni mullilli. Ddawoona, mwalloteenyunndde ddoheereya wonanko mmo moonilleenyu nyookha.

Yeremiya 36:28

“Kusa nibukhu nimodda olembemo mawu mattheene yaari mu nibukhu nawaamba nne noosiwe ni Yehoyakimu mwene a o Yuda.

Yeremiya 39:16

Khawe wamulleelle Ebedemeleki Mukushi wi Apwiya Amasiva Mattheene, Mulluku a Israele anallota wi, “Ngoonani, ddineereweereya nnddo kallotilleemi dda muzindoolla vawi ddinaakhalle ddoonanara ohiri ddaphaama. Ddineereweereya va enthawiiwa, weyaano woonaka.

Yeremiya 44:29

Kinuuvahani echizindikiro yawi kineerewuullakani o nipuro nenna wi vawi ddiiddo mudduwelle wi mawaaka awi kineerewuullakani tti awoona.

Daniele 4:28

Vano ddittheddenenndda ddammorella mwene Nebukadinezara.

Hoseya 5:9

Efuremu aneerotthattuwa ntepe va echiweruzo. Kinallalleya ddawoona wa nyu Aisraele attheene.

Zekariya 1:7

Va nllapo na 24 na mweeri waneekhumi ni mmodda, mweeri wa Shebati, muyakha waneepiilli wa omwene wa Dariusi mawu a Apwiya yaawa wa namallotella Zekariya mwaana a Berekiya mwaana a Ido. Sika Zekariya aallota wi,

2 Mamwene 15:12

Nndda sika Apwiya yamulonjezilliiwa Yehu wi, “Edduullu ddawo ddineerewaalamulella Aisraele ophiyera mbado waneesese.” Nave ddaheereya mwawi ddiiddo.

Yesaya 55:11

Mmu sika eneerella mawu oovenyera muwano mwaka, khenahokollweella wa miyaano ehiphunre ello koma eneereweera ddittheddene kinapaalleemi, nnddo kaarumihelleemi ddineereweeta phaama.

Yeremiya 28:17

Nave namallotella Hananiya aakhwa muyakha yooyo, mweeri waneetthanu ni piilli.

Yeremiya 44:2

“Apwiya Amasiva Mattheene, Mulluku a Israele, enallota wi, ‘Mohoona ddawoopiha nnddo kamorihelleemi va Yerusalemu ni mizinda ddittheddene dda o Yuda. Vano ddittheddenennddo ddootthattuwa ntepe, khamunakhalla athu.’

Yeremiya 44:6

Sika owalli wa osha murima waka waakhara wonanko munllo m'mizindani dda Yuda ni m'misewuni dda o Yerusalemu. Mizindannddo ddaatthattuwa matepe oohiyiwa monga ddikhallelliiwa ollellova.

Maliro 3:42

“Hi noochimwa nave noowukila nave nyuwaano khamukhululukalle.”