Zekariya 1:17 - Mawu a Mulluku

¹⁷ “Ollalleyettho wi Apwiya Amasiva Mattheene eni, ‘Mu mizinda ddaka muneerokhallattho eyuuma yinchichi. Kineeromukhurumusa murima Ziyoni nave kineeromutthattusattho Yerusalemu muzindaaka wavamurimani.’ ”

Zekariya 1:17 ပူးပေါင်းရင်းမြစ်များ

Yesaya 51:3

Mi Apwiya kineeromukhurumusa murima Ziyoni, oyo enakhalla mu matepaaye. Naari ellapwaaye eri echipululu, kineeroyitthattusa wonanko Edeni. Naari ellapwaaye eri nihaka, kineeroyitthattusa wonanko emata ya Apwiya. Wenko athu eneerohakallalla ni ottaphuwa, eneerewiipa machipo ookititimiha ni ookitthamalla.

Zekariya 2:12

Apwiya eneeromukusattho Yuda wi akhalle yoohallaniiwa mu ellapo yoopatuleya nave Yerusalemu akhalle muzindiiwa wa vamurimani.

Yesaya 14:1

Apwiya eneereweerella echifundo nibanja na Yakobo, eneerewaatthoollattho Aisraele ni owaakhullella wi ekhallettho mu ellapwiiwa. Athu ayo ehiri Aisraele eneerokhalla nimodda ni ollundellelleyana ni nibanja na Yakobo.

Obadiya 1:20

Akhoto a akaporo oovenyera ompoto wa Israele eneerohokollowa, eneeromugonjiha Kanani ophiyera ompoto wa Zarefati. Akaporo oovenyera o Yerusalemu ayo yaari o Sefaradi eneerewaakha mizinda dda omwera wa Yuda.

Ezekiele 36:33

“Mi Apwiya Mulluku kinallota wi, ‘Kaavenyihaka machimwaanyu kineerewaahiyamo athu m'muzindanimmo nave muneeromaka enyumba m'matepeni

Yesaya 66:13

Kineerewuukhurumusani murima o Yerusalemu wonanko mmo mutthiyana anamukhurumuselleeye murima mwanaye.

Yesaya 54:8

Kahuuhiya va enthawi yooyeva, kishille murima wunchichi koma ni echikondaaka yoohisintheya wa enthawi yoohimalla kineerewuumorella ethakaraka.” Apwiya, Oovullusaawo, sika enallota.

Yesaya 52:9

Nyu matepe a Yerusalemu, khuwani moohakallalla, Apwiya ahaakhurumusa murima athwiiwa, aamoopolla Yerusalemu.

Yesaya 44:26

Miyaano sika kinasimikiza mawu a oorumeyellaaka, kinakwakhwanihera nnddo amithengaaka yallotenlliiwa. Miyaano sika kinallota dda Yerusalemu wi athu eneerokhallattho wenko, dda mizinda dda o Yuda wi ddineeromakiwattho, kineerovenyihattho mapurwiiwa yakumulliwe.

Masalimo 69:35

Mulluku aneeromuvullusa Ziyoni, aneeromakattho mizinda dda Yuda. Athwaaye eneerokhalla wenko, enaakhalle ellapwiiwa.

Nehemiya 11:20

Nave Aisraele, allupa mukutho ni Alevi amodda yakhalla mu echigawo ya Yuda nave arive muthu mu yoohallanaaye.

2 Epilli 6:6

Koma vano kimutthoollille Yerusalemu okhalla nipuro nawi ekillapellekemo nave kimutthoollille Davide wi aalamulelle Aisraele athwaaka.’ ”

Aefeso 1:4

Mulluku ahinaphatuse ellapo yavatthi, aari anitthoonlle khalle oweella mu eyaattanwaahu ni Khrisitu wi nikhalle aweella ni oohichimwa vamiitthoni vaye. Ekaamba ya echikondaaye,

Zekariya 3:2

Mungelo a Apwiya aamulleella Satana wi, “We Satana, ddawoona, Apwiya yuuhumullulle! Apwiya ayo yamutthoollille Yerusalemu yuuhumullullesese. Ethiyo muthu khari wonanko ekhuni yoothumulliwa viikho?”

Amosi 9:14

“Kineerewaahokollosellattho athwaaka, Aisraele, o ellapwiiwa, eneeromakattho mizinda m'matepeni wi ekhallekemo, eneerollima emata ddampesa nave eneeromuwirya vinywiiwa, eneerollima emata nave eneerocha ezipaso ddiwa.

Yeremiya 33:13

O mizinda dda omiyaangoni, dda omataponi, dda omwera, dda o echigawo ya Benjamini, dda o echigawo yawaapheella Yerusalemu ni o mizinda dda Yuda enkhosa ddineeroyattho vamiitthoni va muthu ooddeerengella. Mi Apwiya koollota.”

Yeremiya 31:13

Anamwalli eneerewiina moohakallalla, asombwe ni awuulluvalleene eneerohakallalla. Winlla wiwa kineerowutthattusa ohakallalla, kineerewaahakallalliha ni waavutta miitthori ddiwa.

Yesaya 51:12

Apwiya enallota wi, miyaano meekhaaka sika kinuukhurumusani murima. Ethiyo nyu ttaani wi mumooveke muthu oyo anaakhwe, mwaana a muthu ookhalla enthawi yooyeva wonanko manasi?

Yesaya 49:13

We oddullu, ipa moohakallalla, we ellapo yavatthi, thapella! Nyu miyaango, ambani nchipo! Apwiya ahaakhurumusa murima athwiiwa, aaweerella echifundo athwiiwa oohoowa.

Nehemiya 11:3

Aisraele amodda, allupa mukutho, Alevi, allupa mutteko a o enyumba ya Mulluku ni edduullu dda allupa mutteko a Solomoni yakhalla mu ezigawo dda Yuda, arive muthu va nipuro naye. Oohoollella ayo yakhalla mu Yerusalemu

Zekariya 1:14

Mungelo aakilleella wi, “Llalleya wi Apwiya Amasiva Mattheene enallota wi, ‘Maganizwaaka mattheene ni murimaaka muttheene ddiri va Yerusalemu ni Ziyoni.

Zekariya 1:18

Mu masomphenya mamodda kahoona manyaka masese.

Zekariya 2:4

Awaamboolle aallota ni mukhwaaye wi, “Akuva, mulleelle musombwe akusalle mukwe woolingella wi muneerokhalla athu anchichi ni eziweto ddinchichi mu Yerusalemu mwawi khavipaalleya omaka mpanda.”

Yeremiya 33:9

Muzinda yoolla oneerovuwiha epillaaka yaphaama nave oneerokivaha ehakallallo, othokoza ni olemu vamiitthoni va athu a mitundu ddittheddene vawiiwani ddaphaama ddittheddene nnddo keerelleemi muzindoolla. Nave eneerewoova ni otthukumella vawoonani wi koowudalisa ni eyuuma yooheerengeya.’ ”