Zekariya 1:16 - Mawu a Mulluku

¹⁶ Sika ekaambiiwa kihokollweelleemi o Yerusalemu ni murima weechifundo. Enyumbaaka eneeromakiwattho wenko nave eneerokusattho mukwe woolingella wi emakettho muzinda wa Yerusalemu, Mi Apwiya Amasiva Mattheene koollota.’

Zekariya 1:16 ပူးပေါင်းရင်းမြစ်များ

Zekariya 8:3

Mi Apwiya Amasiva Mattheene kineerohokollweella o Ziyoni nave kinaakhalleke o Yerusalemu, muzindaaka waweella. Sika Yerusalemu aneeroromolliwa Muzinda Woororomelleya. Mwaango wa mi Apwiya Amasiva Mattheene oneeroromolliwa Mwaango Waweella.

Zekariya 4:9

“Zerubabele aamaka matthipello a enyumba yeella ni mattaaye, aneeroyimalliha ni mattaaye yaayo. Vano muneerodduwella wi Apwiya Amasiva Mattheene sika ekirumalle.

Ezekiele 47:3

Muthoolle aaya o embali ya wookhuma nndduwa ari ni mulingo m'mattani mwaye alinga mamita 500. Vano aakilleella wi kikitthella m'maaddinimmo. Maaddaayo yakikomelle m'manyalloni.

Ezekiele 40:3

Ekiphiyihalle wenko kaamoona muthu oowala wonanko mukuwa. M'mattani mwaye mwaari mukwe wabafuta ni epango yoolingella nave ahiimella vamullakoni.

Yobu 38:5

Ethiyo onnamudduwella oyo alembelelle maliriiwa apaalle ttaani alingalle ni mukwe ellapweeyo?

Hagai 1:14

Vano Apwiya yaamullipiha murima Zerubabele mwaana a Shealatiele oolamulella a o Yuda ni Yoswa mwaana a Yehozadaki, muullupalli a allupa mukutho komattho ni athu amodda attheene. Yahaamba ophara mutteko woomakattho enyumba ya Apwiya Mulluku Amasiva Mattheene,

Ezekiele 48:35

Sika waapheella muzinda muttheenooyo onaakhalle mamita 9,000 nave nnddina na muzindooyo wa enthawi yoohimalla ninaakhalle Apwiya eri vaava.”

Yesaya 34:11

Mwiillaponimmo munaakhalle aneekhwaambe, anasiniku, akuukuru ni anakhuku. Apwiya eneeroyitthattusa ellapo yooguga ni yoohikhalla ni ello.

Yesaya 12:1

Nllapo nenno arive muthu aneerollota wi, “Kinnuuthokozani nyu Apwiya, vawi naari mwakishenlle murima, osha murima wanyu waariirya nave mwaakikhurumusa murima.

Zekariya 2:4

Awaamboolle aallota ni mukhwaaye wi, “Akuva, mulleelle musombwe akusalle mukwe woolingella wi muneerokhalla athu anchichi ni eziweto ddinchichi mu Yerusalemu mwawi khavipaalleya omaka mpanda.”

Zekariya 10:6

“Nibanja na Yuda kineeronillipiha, edduullu dda Israele kineeroddaakiha. Athwaayo kineerewaahokollosella owaniwa kaambiiwa kooweerella echifundo. Sika enaakhalle wonanko ngaatathinlle vawi mi tti Apwiya Mullukwiiwa, kineerowaakhulla ddooveka ddiwa.

Yeremiya 30:18

Apwiya enallota wi, “Kineerohokollosellattho nibanja na Yakobo o ellapwiiwa, kineerewooniha echikondaaka omapuronaaye mattheene. Muzinda wa Yerusalemu oneeromakiwattho va ntepe nakhalle enyumba yoomwene eneeromakiwattho vanipuroni viwa.

Zekariya 2:5

Mi Apwiya kinallota wi, “Kineerokhalla mpanda wamunllo waapheella muzindooyo nave kinaakhalle mwemmo ni ntitimiho naka nittheene.”

Zekariya 2:6

Apwiya enallota wi, “Venyani, venyani! Thawani o ellapo ya ompoto. Valle kahuupallallesellani wonanko ephevo ddisese muddullu.