Kahuuhiya va enthawi yooyeva, kishille murima wunchichi koma ni echikondaaka yoohisintheya wa enthawi yoohimalla kineerewuumorella ethakaraka.” Apwiya, Oovullusaawo, sika enallota.
Nave attheenaayo yaamulleella mungelo a Apwiya iimenlle va asimiteekho amakukhu wi, “Noheeteeta va ellapo yavatthi nave erive ello eri mwamurendelle ni mookeraattheya.”
Otulli wa nyu munakhalla o Ziyoni moohitikheya, munakhalla o Samariya moohikatamiheya. Otulli wa nyu oovuwa a mutundu woovuwa, Aisraele, nko athu attheene enaphiyiiwawo.
Apwiya Amasiva Mattheene enallota wi, “Athu a o Israele ni a o Yuda enimahoosiwa. Athu attheene ayo yaaphanre okaporo ahaapharesesa, khenapaalla waattaphulla.